အမှတ်မရှိကြသူများ

(၁)

မမဦးဆီမှအိမ်ထောင်ပြုတော့မည်ဟူသောစကားကြားရသောအခါညိုအကြီးအကျယ်တုန်လှုပ်သွားရလေသည်။ မမဦးသည်ညို့ထက်အသက်သုံးနှစ်နှင့်ငါးလကျော်ပိုကြီးသူဖြစ်၏။ ပြီးခဲ့သောလကမမဦးအသက်၃၆နှစ်ပြည့်ခဲ့လေပြီ။

အိမ်ထောင်မပြုတော့ဟုဆုံးဖြတ်ချက်ချထားပြီးဖြစ်သောညိုသည်မမဦးအိမ်ထောင်ပြုမည့်ကိစ္စကိုမကန့်ကွက်လိုသော်လည်း မနှစ်မြို့နိုင်ချေ။လွန်ခဲ့သည့်ဆယ်နှစ်လောက်ကဆိုလျှင်ထားပါတော့။မမဦးလက်ထပ်မည့်သူကိုလည်းကြည့်ပါဦး။ အသက်သုံးဆယ်ပင်မပြည့်သေးသောမလည်မ၀ယ်စီးပွားရေးသမားပေါက်စ။

ညိုသည်မမဦး၏ကျက်သရေရှိစွာချောမောလှပသောမျက်နှာနှင့်အရောင်တလက်လက်တောက်နေသည့်မျက်လုံးများကို ကြည့်ကာကရုဏာသက်စွာဖြင့်-"မမဦးသဘောပေါ့လေ။ကိုယ့်ကြမ္မာကိုယ်သာဖန်တီးကြရတာပါပဲ"ဟုအဖြေပေးလိုက်လေ၏။
ပြီးတော့ညိုသည်မမဦးလက်ထပ်ပြီးလျှင်သီလရှင်ဝတ်၍တရားစခန်းသုံးလလောက်ဝင်မည့်အကြောင်းခွင့်တောင်းလိုက်လေ၏။မမဦးသည်ညို၏တင်ပါးဖုံးအောင်ရှည်လျားသော ဆံပင်ထုကြီးကိုကြည့်လျက်-"တရားစခန်းပဲဝင်ချင်ဝင်ပါလားညီမလေးရယ်။ ခေါင်းတုံးပစ်ရမှာနှမျောစရာ။သီလရှင်ဝတ်ပြီးရင်ခေါင်းတုံးကြီးဖြစ်နေမှာ။ ပြီးတော့သီလရှင်ဝတ်တယ်ဆိုရင်အပျိုကြီးမို့လင်မရလို့ဝတ်သလိုလိုပတ်ဝန်းကျင်ကမဟုတ်မဟတ်ဝေဖန်တတ်ကြသေးတာ"

ညိုသည်မမဦး၏စကားကြောင့်ထောင်းခနဲဒေါသထွက်သွားလေ၏။

"လင်မရလို့သီလရှင်ဝတ်တယ်၊ဘိက္ခုနီမလုပ်တယ်ဆိုတာဘယ်ကမ္ဘာမှာမှမရှိခဲ့ဘူး။လင်မလိုချင်လို့သာရှိတယ်။ လင်ကိုစက်ဆုပ်ရွံရှာလာလို့သာရှိတယ်။ယုတ်ညံ့တဲ့သူတွေပြောတဲ့အမနာပစကားမျိုးကိုညိုဂရုမစိုက်ဘူးမမဦး" ဟုညို့ကိုဝေဖန်ကြမည်ဆိုသောပတ်ဝန်းကျင်တစ်ခုလုံးကို ပြောဆိုလိုက်ရပုံမျိုးဖြင့်မမဦးကိုခပ်တင်းတင်းပြန်ပြောပစ်လိုက်လေ၏။

ညိုသည်ပတ်ဝန်းကျင်ရိုက်ခတ်မှုအပေါ်မမဦးလိုစိတ်ပျက်အားလျှော့ချင်တတ်သူမဟုတ်ပေ။ မိဘများဆုံးပါးပြီးနောက်မိန်းမသားနှစ်ယောက်တည်းနေထိုင်သောညိုတို့ညီအစ်မသည်ပတ်ဝန်းကျင်၏မလိုတစ်မျိုး၊ လိုတစ်မျိုးဒဏ်တွေကိုခံခဲ့ရပေါင်းများလေပြီ။ပစ္စည်းဥစ္စာရှိသည့်ပညာတတ်အပျိုကြီးတွေမို့လိုလားသူတွေများသလို၊မလိုလားသူတွေလည်း ရှိသေး၏။

ညိုကတော့ကိုယ့်ပညာနှင့်ကိုယ်ဣနြေ္ဒရရအလုပ်လုပ်ရင်းခပ်မှန်မှန်သာနေခဲ့၏။မမဦးကတော့သူ့ကိုကပ်ရပ်မြှောက်ပင့်နေသူကိုချစ်ခင်နှစ်သက်၍ဝေဖန်အပြစ်ဖို့တတ်သူကို လက်စားချေတုံ့ပြန်ချင်တတ်သူဖြစ်လေရာပတ်ဝန်းကျင်နှင့်အချေအတင်ဖြစ်ရသည်များရှိလေ၏။ခုလည်းညိုတို့တိုက်အောက်ထပ်ငှား၍ လက်ဖက်ရည်ဆိုင်ဖွင့်ထားသောကိုလူချောသည်မမဦးကိုအပိုင်သိမ်းယူနိုင်လေပြီ။

ညိုသည်မမဦး၌အပျိုကြီးဖြစ်ဖို့ကံမပါလို့သာအိမ်ထောင်ပြုရသည်ဟုဖြေတွေးလျက်မမဦးအပေါ်ခွင့်လွှတ်နားလည်လိုက်ရတော့၏။ ညိုကတော့အပျိုကြီးဖြစ်ဖို့ကံဇာတာပါလေသည်လားမသိ။အိမ်ထောင်ပြုဖို့ကိစ္စကိုညိုဘယ်တုန်းကမှစိတ်ကူးယဉ်မကြည့်ဖူးခဲ့။ ညိုသည်ဆံပင်ရှည်လှလှကြီးကိုပိုင်ဆိုင်လျက်ခေါင်းတုံးနှင့်သီလရှင်များကိုမြင်လျှင်တငေးတမောကြည့်မိရင်းအလိုလိုကြည်နူးပီတိဖြစ်နေတတ်သူသာတည်း။

(၂)

ညို့ခေါင်းမှပယ်ဖြတ်လိုက်သည့်ဆံပင်ရှည်ကြီးကိုကိုင်ကာကြွက်ကိုက်ထားသလိုဖြစ်နေသောညို၏တုံးလက်စခေါင်းတုံးကိုစိုက်ကြည့်ရင်း ကျိတ်၍ငိုနေသောမမဦး၏ရှိုက်သံကိုညို ခေါင်းငုံ့လျက်ကပဲကြားရလေ၏။မမဦးဘာကြောင့်ငိုလေသနည်း။ ညီမဖြစ်သူခေါင်းတုံးကြီးဖြစ်သွားရသည့်အဖြစ်ကိုမကြည့်ရက်နိုင်စွာဝမ်းနည်းရခြင်းတို့ကြောင့်လား။သူ့ကိုခွဲခွာ၍ထားခဲ့လေပြီဟူသောအတွေးဖြင့်ဆွေးကာကြေကွဲမဆုံးရှိ၍ပေလော။

ညိုသည်မျက်ရည်တလိမ့်လိမ့်ကျနေသောမမဦး၏မျက်နှာကိုကြည့်မိရင်းမမဦးတစ်ယောက်တော့ရှေ့လျှောက်ငိုရပေဦးတော့မည်ထင်ပါရဲ့ဟုတွေးမိကာစိတ်မကောင်းဖြစ်မိလေ၏။ ညိုသည် မမဦး စိတ်သက်သာရာရစေရန် -

"မမဦးကလည်းလေညိုတစ်သက်လုံးသီလရှင်ဝတ်တော့မှာကျနေတာပဲ။ခွင့်ကသုံးလတည်းပါမမဦးရဲ့။ သုံးလဆိုတာဘာမှကြာတာမဟုတ်ဘူး။တော်ကြာနေညိုသာအိမ်ပြန်ရောက်လာရောမမဦးတို့ကပျားရည်ဆမ်းခရီးကတောင်ပြန်မလာသေးဘူး ဖြစ်နေဦးမယ်" ဟုရယ်ရယ်မောမောဆိုလျက်မမဦးကိုနှစ်သိမ့်ရလေ၏။မမဦး၏အသစ်စက်စက်ခင်ပွန်းသည်ဖြစ်သူကိုမင်းထိုက်ကလည်း -"ဟုတ်သားပဲမမဦးရယ်။ရိပ်သာကို နေ့တိုင်းလာတွေ့လို့လည်းရတာပဲ။ညိုနောက်ဆံတင်းအောင်ငိုမနေပါနဲ့ဗျာ။ သတိရရင်မမဦးစိတ်ကြိုက်တွေ့ချင်တဲ့အချိန်ကျွန်တော်လိုက်ပို့ပေးပါ့မယ်" ဟုပြော၍ချော့မော့ရလေ၏။

သီလရှင်ဝတ်၍ကိုးပါးသီလခံယူပြီးမမဦးတို့ပြန်သွားသည့်နောက်တော့သီလရှင်ဝတ်ချင်လွန်းလှပါသောညိုသည်ပင်ရိပ်သာကျောင်း၌မျက်ရည်ဝဲ၍ကျန်ရစ်လေ၏။ ညိုသည်ကိုယ်ကထားရစ်ခဲ့ခြင်းအပေါ်ဝမ်းသာကျေနပ်နိုင်လျက်ကိုယ့်ကိုထားရစ်ခဲ့ခြင်း၌၀မ်းနည်းအားငယ်နေတုန်းပါလားဟုကိုယ့်ကိုယ်ကိုဆင်ခြင်လျက်မျက်ရည်သုတ်မိ၏။ မကြာခင်အချိန်၌ရိပ်သာကျောင်းဆရာတော်ဘုရားကြီးထံဝယ်တရားတောင်း၍တရားစခန်းဝင်ရတော့၏။

(၃)

ညိုသည်နိဗ္ဗာန်ရောက်ကြောင်းဝိပဿနာတရားကိုအားထုတ်ခဲ့ဖူးသူမဟုတ်ချေ။ရတနာသုံးပါးကိုမူအမြဲမပြတ်ဆည်းကပ်ကိုးကွယ်သူဖြစ်၏။ထေရ၀ါဒမြတ်ဗုဒ္ဓ၏အဆုံးအမကိုယုံကြည်စွာနာခံလျက်တတ်နိုင်သမျှအလှူအတန်းပြု၊ နေ့ကြီးရက်ကြီးများ၌ဥပုသ်သီလဆောက်တည်။ နေ့စဉ်သံဃာတော်များအားဆွမ်းလောင်းလှူ၊ မြတ်စွာဘုရားအားဆွမ်းရေချမ်းကပ်၊ညမနက်မှန်မှန်ဘုရားဝတ်ပြုစသောအလုပ်မျိုးကိုမူအမေ့အလျော့မရှိလုပ်ခဲ့၏။

ညိုအတိတ်ဘ၀များကဘယ်လိုပါရမီရှိလေသည်မသိချေ။ညိုသည်သီလရှင်များဆွမ်းဆန်စိမ်းခံကြွလာလျှင်မူအိမ်ထဲပင့်ဖိတ်၍အချိန်အခါအလိုက်စားသောက်စရာတစ်ခုခုကပ်လှူကာအလှူပစ္စည်းတစ်မျိုးမျိုးဖြင့်မပျက်မကွက်ဝတ်ပြုခဲ့သူဖြစ်၏။

"ဒီတစ်သက်သီလရှင်မ၀တ်ဘဲငါမသေရဘူး"ဟုဆုံးဖြတ်ကာသီလရှင်ဝတ်ဖို့ကိုအစဉ်အမြဲစဉ်းစားအားထုတ်နေခဲ့သူလည်း ဖြစ်၏။

တရားအားထုတ်ရန်ကားစိတ်အားထက်သန်လှသည်မဟုတ်ချေ။အခွင့်သာ၍သီလရှင်ဝတ်ဖြစ်သောအချိန်တွင်မူရိုးရိုးသီလရှင်ထက်တရားစခန်းဝင်ကာဝိပဿနာတရားအားထုတ်သောသီလရှင်ကပို၍စင်ကြယ်မြင့်မြတ်ပေသည်ဟုယူဆလျက်ရိပ်သာကျောင်း၌၀တ်ဖြစ်ခဲ့ခြင်းဖြစ်၏။

ရိပ်သာ၌တရားစခန်းဝင်လိုက်ပြီဖြစ်သောညိုမဟုတ်တော့သည့်သီလရှင်မစန္ဒာသိင်္ဂီသည်မနက်စောသုံးနာရီခွဲအိပ်ရာထ၍ လေးနာရီတရားထိုင်ရသည့်အလုပ်ကိုမလွယ်လိုက်လေခြင်းဟုတွေးကာပထမဦးစွာစိတ်ပျက်သွားမိလေသည်။နံနက်ခြောက်နာရီထိုးပြီးမှသာအိပ်ရာထလေ့ရှိသောညိုသည်ငါသုံးနာရီခွဲမှာနိုးမှနိုးပါ့မလား၊နိုးခဲ့သော်လည်းအိပ်ရေးပျက်ကာမူးဝေနေမည်လားဟု တွေးကာစိုးရိမ်နေခဲ့၏။ သို့သော်မစန္ဒာသည်မနက်သုံးနာရီ၌ဆွမ်းထချက်လေ့ရှိသောမိမိထက်ငယ်ရွယ်သူသီလရှင်များပင်စိတ်လက်ကြည်လင်စွာလုပ်ကိုင်နေသေးသည်ပဲဟူ၍လည်းကောင်း၊သမာဓိအားကောင်းစွာတရားအားထုတ်နေသောရှစ်နှစ်ကိုးနှစ်အရွယ်ကိုရင်လေးများကိုကြည့်မြင်၍လည်းကောင်းအားတက်လျက်ထူးမြတ်သောတရားကိုငါရ,ရမည်ဟုသန္နိဋ္ဌာန်ချလိုက်လေ၏။

အံ့သြစရာကောင်းစွာပင်မစန္ဒာသည်မနက်လေးနာရီမထိုးမီအလိုလိုအိပ်ရာမှနိုးလျက်စိတ်နှလုံးချမ်းမြေ့ကြည်သာစွာဖြင့် လေးနာရီအတိ၌တရားစ,ထိုင်နိုင်လေသည်။မစန္ဒာတို့ရိပ်သာကျောင်း၌တစ်နေ့လျှင်ရှစ်ကြိမ်တရားထိုင်ရ၏။တစ်နာရီထိုင်၍တရားရှုမှတ်ရပြီးတစ်နာရီစင်္ကြံလျှောက်ကာတရားမှတ်ရ၏။ ပထမသုံးလေးရက်တွင်ကျင့်သားမရသေးသောမစန္ဒာသည်တရားထိုင်ရသည့်ဒုက္ခမှာကြီးမားလွန်းလှပါလားဟုထင်မိကာအားလျှော့ချင်မိလေ၏။တရားထိုင်တိုင်းမမဦးမျက်နှာကိုသာတ၀ဲလည်လည် မြင်ယောင်နေမိလေ၏။သုံးလေးရက်ကြာ၍မမဦးပေါ်မလာလျှင်သူတို့ကတော့အပျော်ကြီးပျော်နေကြပြီ၊ငါ့ကိုမေ့ပြီဟုတွေးထင်မိကာဝမ်းနည်းရပြန်၏။ မစန္ဒာသည်သီလရှင်တစ်ပါး စောင့်ထိန်းရသည့်သိက္ခာပုဒ်အပေါ်လည်းစိတ်ညစ်ညူးလာ၏။ငါးရက်တစ်ခါရိတ်နေရသည့် ခေါင်းကိုလည်း"ထွက်ပဲထွက်လာနိုင်လွန်းတဲ့ဆံပင်အလုပ်ကိုရှုပ်တယ်။လူသာကိစ္စများတာမဟုတ်ဘူး၊သီလရှင်လည်းကိစ္စများတာပဲ"အပြစ်ရှာမိပြန်၏။ဆံပင်ရိတ်ပေးသောသီလရှင်ဆရာကြီးများအားလည်း'တစ်လမှတစ်ခါရိတ်လို့မရဘူးလား'ဟုအထွန့်တက်လိုက်သေး၏။

ဆရာကြီးများက'ရဟန်းတို့၊ဘိက္ခုနီမတို့ဆိုတာဦးခေါင်းပြောင်လက်နေမှတင့်တယ်တာကွဲ့။ဆံပင်ရိတ်တာအလွယ်လေးပါကွယ်။ နောက်တော့ကိုယ့်ဘာသာရိတ်တတ်သွားမှာပါ။ဆံပင်ရိတ်တာငါးမိနစ်မကြာပါဘူး။ဆံပင်နဲ့အမျိုးသမီးများဆို နေ့တိုင်းဆံပင်ဖြီးရ၊အလှပြင်ဆင်ထုံးဖွဲ့ရ၊ ခေါင်းလျှော်ရဘယ်လောက်အချိန်ပေးရသလဲ။အဲဒီလောက်အလုပ်မများပါဘူး။ နေ့စဉ်ဆံပင်ကိစ္စ ပြင်ဆင်ရတာနဲ့စာရင်တစ်ပတ်မှတစ်ခါလောက် ခေါင်းရိတ်ရတာ အပန်းမကြီးပါဘူးကွယ်'ဟုဆိုလေတော့မှ နေ့ရှိသမျှဟန်ဆောင်ပြင်ဆင်နေရသည့်မိန်းမတို့၏အဖြစ်ကိုဆင်ခြင်မိကာ ခေါင်းရိတ်တတ်အောင်ကြိုးစားမိလေသည်။

သုံးပတ်ရှိသောအခါမစန္ဒာ ခေါင်းကောင်းကောင်းရိတ်တတ်သွားလေ၏။သို့သော်မမဦးကိုကား မျှော်တတ်မြဲ။တစ်ခါတစ်ရံ၌မစန္ဒာသည်တရားရှုမှတ်နေစဉ်အခိုက်ပင်မမဦးမလာ၍၀မ်းနည်းအားငယ်ဖြစ်ကာမျက်ရည်ကျမိတတ်သေး၏။ ထိုအခါတရားပြဆရာတော်သည်လည်းကောင်း၊ ယောဂီအစောင့်သည်လည်းကောင်း'၀မ်းနည်းရင်ဝမ်းနည်းတယ်မှတ်၊ငိုချင်ရင်ငိုချင်တယ်မှတ်၊အမှတ်မလွတ်စေနဲ့။အာရုံနောက်ကိုမလိုက်မိစေနဲ့။စူးစိုက်မှတ်စူးစိုက်မှတ်'ဟုတဖွဖွအားပေးသောအခါမစန္ဒာ၏စိတ်တို့သည်ပိန်းကြာရွက်ပေါ်မှ ရေစက်များ လျှောကျသွားသည့်ပမာပကတိကြည်လင်သွားကြပြန်လေသည်။

နောက်တော့မစန္ဒာသည်တစ်ပတ်ဆယ်ရက်မှတစ်ခါလာသည့်မမဦးကိုပင်"ဒကာမကြီး၊မအားရင်မလာခဲ့နဲ့၊ဆရာလေးဘာမှမလိုဘူး"ဟုတားမိသည်အထိ ဖြစ်လာခဲ့၏။တရားစခန်းဝင်နေစဉ်အခိုက်အတန့်စကားမပြောဖြစ်အောင်နေခြင်းဖြင့်အဖိုးမဖြတ်နိုင်အောင်အကျိုးများကြောင်းမစန္ဒာသိရလေပြီ။ လောကီကိစ္စများကို ဖြတ်တောက်နိုင်သမျှ ဖြတ်တောက်ထားခြင်းဖြင့်တရားရှုမှတ်စဉ်အမှတ်စိတ်ကသမာဓိအားကောင်းသည်ထက် ကောင်းလာခြင်းကို မစန္ဒာယုံကြည်သွားပြီဖြစ်၏။တရားစခန်းစ,၀င်စဉ်အဖော်မရှိ၍အားငယ်ခဲ့သောမစန္ဒာသည်စကားပြောဖော်မရှိသဖြင့်ပိုတရားရသည်ကိုဝမ်းသာနေရတော့၏။မစန္ဒာတရားစခန်းဝင်သောအချိန်သည်ပုံမှန်တရားစခန်းဖွင့်ထားသောရိပ်သာကျောင်းကြီး၌ ယောဂီတစ်ယောက်မှမရှိသောအချိန် ဖြစ်လေ၏။သီလရှင်ဘ၀ဖြင့်တစ်လကျော်နှစ်လနီးပါးတရားအားထုတ်ပြီးသောအချိန်၌မစန္ဒာသည်လူဝတ်ပြန်လဲရမည့်အဖြစ်ကိုမလိုလားတော့ချေ။ လောကီသို့ ပြန်ဝင်ရခြင်းသည် ငရဲတွင်းထဲသို့ခုန်ဆင်းရခြင်းသာဖြစ်သည်ဟုမစန္ဒာထင်မြင်လာတော့၏။ နေ့တစ်နေ့ဖြစ်လိုက်၊ပျက်သွားလိုက်၊ညတစ်ညဖြစ်လိုက်၊ပျက်သွားလိုက်နှင့် ဖြစ်ပြီးတိုင်းပျက်နေသော ဖြစ်ပျက်တရားကိုမစန္ဒာတစ်နေ့တခြား ကြောက်ရွံ့လာခဲ့၏။မစန္ဒာဘ၀မှညို ပြန်ဖြစ်လျှင်အမှတ်မရှိသတိပေါ့လျော့စွာဖြင့်သာတစ်နေ့ပြီးတစ်နေ့ကုန်ဆုံးပစ်ရမည့်အဖြစ်အပေါ်တွေး၍ ကြောက်လာမိ၏။ အရင်ကလို'အရွယ်ရှိပါသေးတယ်။တရားအားထုတ်ဖို့အချိန်ကျန်ပါသေးတယ်'ဟုကိုယ့်ကိုယ်ကိုဆင်ခြေမပေးရဲတော့ပေ။ဆရာတော်ကြီး၏'မိုးရွာတုန်းရေခံ၊အခြေအနေပေးတုန်းကြိုးစား၊ကိုယ့်ထက်ကြီးသူ၊ငယ်သူရွယ်တူတွေ သေမင်းနိုင်ငံဆီသွားနှင့်ကြတာများလှပြီ။ သေမင်းကအသက်အရွယ်အချိန်မရွေးဘူး'ဟူသောသြ၀ါဒကိုသာထပ်တလဲလဲကြားယောင်နေတော့၏။

အဆုံးတော့ပါရမီအခံရှိသလိုဇွဲလုံ့လ၀ီရိယလည်းရှိသောမစန္ဒာသည်ခေါင်းတုံးဘ၀ဖြင့်အသက်ထက်ဆုံး နေတော့မည်ဟုဆုံးဖြတ်ချက်ပိုင်ပိုင်ချနိုင်လေသည်။

 

(၄)

"ဆရာလေးလူဝတ်မလဲတော့ဘူးဒကာမကြီး။ဆရာတော်ဘုရားကိုလည်း လျှောက်ထားပြီးပြီ"ဟူသောမစန္ဒာ၏ယတိပြတ်စကားကိုကြားရသောအခါမမဦးအကြီးအကျယ်အံ့သြလေ၏။ ပြီးတော့ဝမ်းနည်းပက်လက်ငိုကြွေးလေတော့၏။ကိုယ်ဝန်ပျက်ထားသဖြင့်ကရုဏာသက်ဖွယ်ပိန်ချောင်ကျနေသောမမဦးကိုကြည့်ကာမစန္ဒာစိတ်မကောင်းဖြစ်ရ၏။ သံယောဇဉ်မီးကား ပူလောင်လှပေစွ။

"ဆရာလေးကဒီရိပ်သာမှာဆက်နေလို့ရလို့လား။တရားစခန်းကထွက်တော့ဘယ်မှာနေမှာလဲ"မမဦးကအသံတုန်လေးနှင့် မေးရှာ၏။

"စိတ်မပူပါနဲ့ဒကာမကြီးရယ်။တရားရှိသူတွေအတွက် နေစရာရယ်၊စားစရာရယ်အမြဲအဆင်သင့် ဖြစ်နေပါတယ်။ ရိပ်သာကထွက်ရင်စိတ္တသုခကျောင်းလေးမှာဆရာကြီးတစ်ပါးနဲ့အတူနေရမယ်။အဖိတ်နေ့တစ်ရက်ဆွမ်းခံထွက်လို့ရတယ်။ မထွက်ချင်လည်းရတာပဲ။ဆရာလေးရဲ့လက်ဝတ်လက်စားတွေ ရောင်းပြီးရာသက်ပန်ဆွမ်းပဒေသာပင်ထဲထည့်လိုက်ချင်တယ်၊ရိပ်သာအသစ် ဆောက်နေတဲ့အထဲဆရာလေးလှူချင်သေးတယ်။အဲဒါတွေတော့ဒကာမကြီးလုပ်ပေးပါဦး"

မမဦးသည်မစန္ဒာ၏ပကတိကြည်လင်နေသည့်တည်ငြိမ်လှသောမျက်ဝန်းများကိုငေးကြည့်ကာမျက်ရည်ပေါက်ပေါက်ကျလျက်ပင် ခေါင်းတဆတ်ဆတ်ညိတ်လေ၏။ညီမလေးကား လောကီကိုအမှန်တကယ် ဖြတ်တောက်နိုင်ချေပြီဟု တွေးကာဝမ်းသာဝမ်းနည်း ဖြစ်ရတော့၏။ သူ့မှာတော့တစ်နေ့တစ်နေ့လင်တော်မောင်စားဖို့သောက်ဖို့စီမံချက်ပြုတ်ရ၊ကိုယ်တိုင်ရုံးသွားဖို့ပြင်ဆင်ရ၊အချိန်အားလေးရပြန်လျှင်လက်ဖက်ရည်ဆိုင် ကောင်တာထိုင်ရနှင့်အိပ်ရာဝင်မှဘုရားကိုပုဆိန်ပေါက်ဦးချရုံသာလုပ်နိုင်လေ၏။ နေထိုင်မကောင်း၍ခွင့်ယူကာအလုပ်မလုပ်ဘဲနေတော့လည်းအိမ်၌အနားရသည်မရှိ။

အပျိုကြီးပီပီအစဉ်အမြဲ ကျော့ရှင်းလှပခဲ့သောမမဦးသည်အလုပ်ရှုပ်၍တစ်ကြောင်း၊ နေထိုင်မကောင်း၍တစ်ကြောင်းသနပ်ခါးပင်မှန်မှန်မလိမ်းနိုင် ဖြစ်နေရလေပြီ။ကိုယ့်ရုပ်ကိုမှန်ထဲကြည့်မိမှဘာမှမကြာသေးသောအချိန်ကာလအတောအတွင်းသိသိသာသာကျသွားကြောင်းသိရ၏။ ကိုယ်ကရုပ်ရည်ကျသွားသလောက်လင်တော်မောင်ကတော့မမဦး၏အပြုအစုကောင်းမှုကြောင့်ရယ်မဟုတ်ဘဲဘီယာတန်ခိုးဖြင့်တစ်နေ့တခြားပို၍သန့်လျက်ခံ့နေသေး၏။ဘာပဲဖြစ်ဖြစ်ကိုယ့်ယောက်ျားဝနေ,လှနေတော့လည်းတစ်မျိုးစိတ်ချမ်းသာရပြန်တာပါပဲ။

"ဒကာမကြီးကျန်းမာရေးလည်းဂရုစိုက်ဦးလေ။ရုံးတစ်ဖက်နဲ့အလုပ်မနိုင်ရင်ရွာက ကောင်မလေးတစ်ယောက်ရှာဦးပေါ့"

"မဖြစ်ပါဘူးဆရာလေးရယ်။ ပြဿနာရှုပ်ပါတယ်။လူပိုမရှိတော့မပူရတော့ဘူးပေါ့"

တရားတန်ခိုးဖြင့်ကျက်သရေရှိစွာတင့်တယ်ချောမောနေသောမစန္ဒာ၏စိုလက်ဝင်းဝါနေသောပါးပြင်လေးကိုမမဦး ငေးကြည့်မိရင်းခပ်တိုးတိုးဖြေလေ၏။မစန္ဒာ၏ညိုသောအသားအရည်တို့ နှစ်လမျှသောအချိန်အတောအတွင်းသိသိသာသာဝင်းဝါဖြူစင်လာသည်မှာအံ့သြစရာကောင်းလှ၏။အရင်ကမစန္ဒာသည် စေ့စေ့ကြည့်မှ ချောမှန်းသိသောအသားညိုချောဖြစ်၏။ မမဦးကားထင်းခနဲ ပေါ်လွင်လှပသောအမျိုးသမီးဖြစ်၏။

ခုတော့ဖြင့်ကြည့်ပါဦး။ကိလေသာအညစ်အကြေးတို့မှလွတ်မြောက်အောင်ရုန်းထွက်နေသူနှင့်ကိလေသာအညစ်အကြေးတွင်းထဲသို့တိုးဝင်နေသူနှစ်ဦး၏ ခြားနားချက်ကားအဖြူနှင့်အမည်းပမာဆန့်ကျင်နေပေသည်။

"ကဲ…ကဲ…ဒကာမကြီး ပြန်တော့နော်။တရားစခန်းကထွက်တော့ဆရာလေးတစ်ခေါက်လာပါဦးမယ်။ရုံးကိစ္စလေးတွေလည်းလုပ်ရဦးမှာပဲ။သွားတော့နော်" မစန္ဒာသည်မမဦးကိုတစ်ချက်မျှကြည့်လျက်ကျောခိုင်းလိုက်လေ၏။ထို့နောက်စင်္ကြံလမ်းအတိုင်းသိမ်မွေ့သော ခြေလှမ်းများဖြင့်တရားရှုမှတ်လျက်ညင်သာစွာ လျှောက်သွားလေတော့သည်။

(၅)

မစန္ဒာနေသောစိတ္တသုခကျောင်းလေးပေါ်သို့မမဦး ရောက်သွားသောအချိန်သည်မစန္ဒာဘုရားပန်းအိုးလဲနေသောအချိန်ဖြစ်လေ၏။ဘုရားစင်ပေါ်သို့မစန္ဒာတင်လိုက်သောပန်းအိုးထဲမှ ရွှေဝါရောင်သစ္စာပန်းခက်များကိုမြင်တော့မမဦးသည်အိမ်ဘုရားစင်ပေါ်၌ ငေါင်စင်းစင်းနိုင်စွာတစ်အိုးတည်းရှိနေသောအရောင်မထွက်တော့သည့် ကြေးပန်းအိုးကြီးကို မြင်ယောင်သွားမိလေသည်။ အမြစ်တဖွားဖွားထွက်နေပြီဖြစ်သောဇော်စိမ်းရွက်များကားပိုးလောက်လန်းတလွှားလွှားတက်နေမည့် ရေထဲ၌မပြောင်းမလဲနေခဲ့ရသည်မှာအချိန်အတော်ကြာခဲ့ပြီ။ဆွမ်းတော်ကပ်ဖို့ ဝေးပါရော။ဘုရားပန်းအိုးလဲဖို့ပင် မေ့လျော့နေပေါ့လား။

မစန္ဒာအိမ်၌ရှိတုန်းက ကြေးပန်းအိုးများတွင်အစွန်းအကွက်တစ်စုံတစ်ရာမရှိစေဘဲ ပြောင်လက်အောင်တိုက်ချွတ်လျက်ဘုရားပန်းကိုအမျိုးမျိုးပြောင်းလဲထိုးခြင်းကြောင့်မမဦး၏ဘုရားစင်သည်အစဉ်အမြဲတင့်တယ်သပ္ပာယ်နေခဲ့၏။ခုတော့ပန်းအိုးသုံးအိုးတင်ရခြင်းကိုပင်အလုပ်ရှုပ်သည်ယူဆမိလျက်တစ်အိုးတည်းထားကာဘယ်တော့မှမညှိုးနိုင်သည့် ဇော်စိမ်းပန်းများကိုပြီးစလွယ်ထိုးထားခဲ့၏။ ဘုရားပန်းအိုးလဲဖို့ကိုအမေ့မေ့အလျော့လျော့ဖြစ်လာသောမမဦးသည်သေးမျှင်အောင်တစ်ချောင်းချင်းနှုတ်ထားသောမျက်ခုံးမွှေးတို့ ပြန်ထွက်လာတိုင်းဇာဂနာဖြင့်အနာခံနှုတ်ဖို့ဘယ်တော့မှမမေ့ချေ။

ဆယ်ကျော်သက်အရွယ်ကောင်မလေးတွေကမျက်ခုံးမွှေးနှုတ်ကာလုံချည်ဒရွတ်ဆွဲဝတ်နေကြချေပြီမဟုတ်ပါလား။ဒီတော့မမဦးလည်း ခေတ်အလိုက် ပြောင်းလဲရတော့၏။လင်တော်မောင်ကအဲဒီလိုဒီဇိုင်းကိုမှမျက်စိကျနေသည်မဟုတ်လား။စင်စစ်မမဦး၏အသက်အရွယ်ကအပြောင်းအလဲဗလောင်းဗလဲနိုင်လှသော ခေတ်ရေစီး၌မျောနေရမည့်အရွယ်မဟုတ်တော့။ဒါကိုမမဦးမသိမဟုတ်သိ၏။သို့သော်အခြေအနေကိုကမမဦးကိုဒီအတိုင်းဖန်တီးပေးခဲ့ပြီး နေထိုင်မကောင်း၍တစ်နေ့တခြားကျလာသောရုပ်ရည်ကိုမပြုမပြင်ပစ်ထားလျှင်ဒါထက်ပိုဆိုးဖို့သာရှိ၏။ဒီတော့မမဦးသည်အပေါ်ယံရွှေမှုန်ကြဲရလေ၏။ မျက်ခုံးမွှေးတစ်ကြောင်းဆွဲ၊နှုတ်ခမ်းနီရဲရဲ၊ထဘီဒရွတ်ဆွဲဖြင့်ရှိသည့်အသက်ထက်ဆယ်နှစ်လောက်ငယ်သယောင်ဟန်လုပ်ရလေ၏။ သို့ပေမယ့်ဖူးငုံစနှင်းဆီပွင့်တစ်ပွင့်၏အလှနှင့် ကြွေလုလုနှင်းဆီပွင့်၏အလှကတူနိုင်မတဲ့လား။"မမဦးရဲ့မျက်နှာလေးကသိပ်ကျက်သရေရှိတာပဲ။ကျွန်တော်ကြည့်လို့ကိုမ၀ဘူး"ဟုပလီပလာဆိုခဲ့သော ယောက်ျားသည်မမဦး၏ကမ္မဋ္ဌာန်းမထိုင်ဘဲကမ္မဋ္ဌာန်းရုပ်ပေါက်လာသောမျက်နှာကိုကြည့်မ၀မဖြစ်တော့ဘဲကြည့်မရဖြစ်နေချေပြီ။ မမဦးသည်သူ့အတွက်အလှကြည့်စရာကော်ပတ်ရုပ်တစ်ရုပ်မဟုတ်တော့ဘဲသူလိုသမျှဆွဲထုတ်ယူငင်သုံးလို့ရသည့်ဒဏ်ရာဗရပွနှင့်လိုတရစုဘူးရုပ်ကြီးသာဖြစ်ခဲ့ပြီ။

မစန္ဒာသည်မမဦး၏ထူထဲမည်းမှောင်သောမျက်ခုံးကြီးနေရာသေးမျှင်လှသည့်တစ်ချောင်းတည်းကွေးညွှတ်နေသောမျက်ခုံးကိုတွေ့ရ၍မမဦး၏မျက်နှာမှာ ပြောင်စပ်စပ်နိုင်လွန်းသည်ဟုထင်မိလေ၏။ မမဦးသည်မစန္ဒာ၏ကြည်လင်အေးချမ်းလှသောမျက်နှာလေးကိုကြည့်ရင်းကိုယ့်ကိုယ်ကိုယူကျုံးမရဖြစ်နေမိလေသည်။ 

"ထိုင်လေဒကာမကြီး၊ဒကာမကြီးကြည့်ရတာအတော်နေမကောင်းဖြစ်နေပုံရတယ်။ပိန်သွားလိုက်တာအရမ်းပဲ။ဒကာကြီးရော နေကောင်းတယ်မို့လား"

"သူကတော့ ကောင်းလိုက်တာ ဒေါင်ဒေါင်မြည်… မြည်နေတာပါပဲ။တပည့်တော်သာမကောင်းတာ"ဟုမသက်မသာဆိုလျက်မစန္ဒာအနား၌မမဦးကျုံ့ကျုံ့လေးဝင်ထိုင်လေ၏။

"ဆရာလေးဆီကိုလာမယ်လာမယ်နဲ့မရောက်တာ တော်တော်ကြာသွားပြီနော်။ဆိုင်ကိစ္စအလုပ်ရှုပ်နေလို့ဆရာလေးရယ်။ခုတော့လက်ဖက်ရည်ဆိုင်ကိုသူများငှားထားလိုက်ရတယ်။ မမဦးလည်း နေမကောင်း၊သူကလည်းဆိုင်မမြဲတော့မတတ်နိုင်ဘူး။ခုတောင်ဆရာလေးကို တွေ့ချင်လွန်းလို့ထွက်လာတာ။ နေကောင်းလှတယ်တော့မဟုတ်ဘူး"

"နေကောင်းမှလာတွေ့လည်းရတာပဲမမဦးရယ်။ဆရာလေးကဘာမှလိုတာမှမဟုတ်ဘဲ။ဒီမှာအားလုံး ပြည့်စုံနေတာပဲ"

"စိတ်ထဲမှာ နောက်ကျနေတော့ဆရာလေးနဲ့စကားပြောလိုက်ရရင်သက်သာမလားလို့ပါ။ နေမကောင်းပေမယ့်လည်းသွားလာလှုပ်ရှားနေရတာပါပဲဆရာလေးရယ်။စီးပွားရေးကရှိသေးတာကိုး။ သူကဆိုင်ကိုမမဦးနဲ့ချည်းပစ်ထားတာလေ။ဒါကြောင့်မလုပ်နိုင်တော့လို့ ပြန်ငှားပစ်လိုက်တယ်။ငှားပြန်တော့ငှားရကောင်းလားဆိုပြီး ဖြစ်ပြန်ရော"
မမဦးသည်ကိုယ်ဝန်ရှိပြီးနှစ်ကြိမ်နှစ်ခါပျက်စီးပြီးလေပြီ။တတိယမြောက်ကိုယ်ဝန်မှာ မွေးဖွားနိုင်ခဲ့သော်လည်း မွေးကတည်းကအသက်မပါလာခဲ့။တယုတယ မွေးမြူနေသည့်ကြားကပင်မမဦးကိုအမေမတော်ချင်သောရင်သွေးသည်ထွက်ပြေးပြန်လေ၏။

"ဆရာလေးရယ်မမဦးဖြင့်ကလေးလည်းမလိုချင်တော့ပါဘူး။အသက်ရှင်တာလည်းမဟုတ်ဘဲလူသာပင်ပန်းရတာ။ကိုယ်ဝန်ကမြဲတာမှမရှိဘဲ။ ကန်တော့… ကန်တော့နော်ဆရာလေး။မမဦးမှာကဆရာလေးအပြင် ပြောစရာမရှိလို့ပါဆရာလေးရယ်"

"ဒကာမကြီးတရားထိုင်ကြည့်ပါလား။စိတ်ကြောင့်ဖြစ်ရတဲ့ရောဂါမျိုးဆိုရင်တရားထိုင်လိုက်ရင် ပျောက်ပါတယ်"

"စိတ်ကမကြည်တော့ဘုရား၊တရားကိုလုပ်ရတာကိုစိတ်မပါဘူးဖြစ်နေတာ။တရားထိုင်လည်းစိတ်ကဟိုရောက်ဒီရောက် ဖြစ်နေမှာပါပဲ။မထူးပါဘူးဆရာလေးရယ်။သူကလည်းကလေးမမြဲတာကိုအကြောင်းပြကောင်းနေတာ"

"ကံတရားပေါ့ဒကာမကြီးရယ်။ ဖြစ်ပြီးပျက်ရတာတွေချည်းပဲမဟုတ်လား။ဒီတော့ ဖြစ်ပြီးရင်ပျက်တယ်လို့ပဲမှတ်နေပေါ့ဒကာမကြီးရဲ့"

မမဦးသည်ကိုယ်ဝန်ရှိလိုက်၊ပျက်လိုက်၊ ပြန်ရှိလိုက်ဖြစ်နေသောသူ၏စိတ်ဆင်းရဲစရာအဖြစ်နှင့်အံကျဖြစ်နေသောမစန္ဒာ၏တရားစကားကိုသဘောကျလွန်း၍ပြုံးရယ်မိလေသည်။

"ဆရာလေးကတော့ လောကီကို ဖြတ်တောက်နိုင်သူကိုး။မမဦးမှာဖြင့်သံယောဇဉ်မီးကိုပျိုးမိလို့မငြှိမ်းနိုင်တော့ပါဘူး။ဆရာလေးမျက်နှာမြင်ရတာကိုပဲမမဦးစိတ်ချမ်းသာလှပါပြီ။ဆရာလေးကတော့ပါရမီအခံကောင်းသလိုကံလည်းကောင်းပါတယ်"

"ကံဆိုတာလည်းကိုယ်ပြုခဲ့တဲ့အကြောင်းတရားကအကျိုးပေးလာတာပဲဒကာမကြီးရဲ့။အဆိုးတွေဖြစ်လာတိုင်းအတိတ်ကံကြောင့်သာလို့လည်းယိုးမယ်မဖွဲ့နဲ့ဦးလေ။ပစ္စုပ္ပန်မှာလုပ်တဲ့လုံ့လ၀ီရိယရှိမှုအကျိုးကလည်းရှိပါသေးတယ်။ တကယ်တော့စိတ်ချမ်းသာအောင်လုပ်နိုင်တာလည်းကိုယ်ပဲ၊စိတ်ဆင်းရဲအောင်လုပ်နိုင်တာလည်းကိုယ်ပါပဲဒကာမကြီးရယ်။လူတွေဟာသံသရာကိုရှည်အောင်ပြုနေလို့သာသံသရာရှည်နေကြရတာပါ"

မမဦးသည်မစန္ဒာဆီမှတရားစကားကိုကြားနာလျက်ကပဲလင်တော်မောင်မျက်နှာကိုပြေး၍ မြင်ယောင်မိသေး၏။ ဒီယောက်ျားကိုမယူခင်တုန်းကလည်းငါ့ကိုတစ်သက်လုံးသစ္စာရှိပါ့မလားဟုပူရ၊ရပြီးပြန်တော့ငါ့ကိုပစ်ပယ်ခဲ့တော့မှာလားဟု တွေးကာပူရ၊ကလေးမရှိတော့ရှိချင်လွန်း၍ပူရ၊ရှိပြန်တော့သားသမီးမွေးပြီးမှပစ်ထားခဲ့လျှင်လူကဲ့ရဲ့ခံရတော့မယ်ဟုတွေးကာပူရနှင့်မမဦး၏အပူမီးတို့ကမဆုံးနိုင်သောကြိုးစကိုမီးညှိထားသည့်ပမာအဆက်မပြတ် လောင်ကျွမ်းနေချေ၏။
"ဟုတ်ပါတယ်ဆရာလေးရယ်။သံသရာကိုရှည်အောင်ဆွဲဆန့်မိတာမမဦးကိုယ်တိုင်ပါပဲ။ဒါကြောင့်ပဲမမဦးမှာပူလို့မဆုံးနိုင်တော့ပါဘူး။ခုတော့မမဦးသူ့အတွက်မပူချင်တော့ဘူး။ ဒေါသက ဖြစ်လာတော့သူနိုင်ကိုယ်နိုင်အပြိုင်သာချချင်တော့တာပဲ"

"ဒကာမကြီးကစိတ်ကိုသိပ်ပြီးအလိုလိုက်ချင်တာကိုး။ခုလည်းစိတ်လိုက်မာန်ပါလုပ်ချင်ပြန်ပြီ။ ဒေါသနဲ့လုပ်တဲ့အလုပ်မှန်သမျှကိုယ့်ကိုယ်ကိုသာ ပြန်ပြီး လောင်မြိုက်စေတာပဲ။ရတနာသုံးပါးအပေါ်အာရုံပြုထားစမ်းပါဒကာမကြီးရယ်။ကိုယ့်စိတ်ကိုကိုယ်နိုင်အောင်ထိန်းမှဒကာမကြီးစိတ်တွေတည်ငြိမ်အေးချမ်းမှုရလာမှာ။ လောကကြီးမှာတည်မြဲတယ်ဆိုတာဘာမှရှိတာမဟုတ်ဘဲ။အားလုံဟာ ဖြစ်ပြီးပျက်နေတာပဲ။ဒါကိုရှုမှတ်နေနိုင်ရင်ဒကာမကြီးစိတ်ချမ်းသာလာမှာပါ။ စိတ်ကလေးတစ်ခုကိုသာထိန်းထားပါ"

ကြည်လင်ချိုမြသောမစန္ဒာ၏စကားသံတို့ကို ခေါင်းငုံ့နားထောင်နေသောမမဦး၏မျက်ဝန်းအိမ်မှမျက်ရည်များတစ်ပေါက်ချင်းကျလာလေ၏။မမဦးသည်အစ်မကြီးဖြစ်နေလျက်ညီမငယ်လောက်မှတရားမသိ။ဆင်ခြင်တုံတရားမရှိသည့်မဖြစ်ကို တွေးမိကာရှက်ရွံ့ဝမ်းနည်းလာ၏။သို့ပေမယ့်မမဦးသည်မစန္ဒာကဲ့သို့ကိလေသာမီးကိုငြှိမ်းနိုင်သူမဟုတ်ဘဲပိုမိုလောင်ကျွမ်းအောင်မီးစာဖြည့်ပေးနေသူသာဖြစ်၏။ထိုမီးထဲ၌မမဦးနစ်မြှုပ်လောင်ကျွမ်းခံနေရလေပြီ။ဘယ်လိုမှခုန်မထွက်နိုင်တော့။

"မငိုပါနဲ့ဒကာမကြီးရယ်။ဒကာမကြီးကသိပ်ပြီးစိတ်ပျော့တာကိုး။ဆရာလေးတို့မိဘနှစ်ပါးဆုံးတုန်းကတောင်ကိုယ့်စိတ်ကိုယ်ပဲ ဖြေသိမ့်နခဲ့ရတာမဟုတ်လား။စိတ်ညစ်တယ်ဆိုတာစိတ်ကမဖြူစင်လို့ညစ်ရတာပဲဒကာမကြီးရဲ့။ ဖြူစင်တဲ့စိတ်ကလေးရအောင် မွေးနိုင်ရင်ဒကာမကြီးဘယ်တော့မှစိတ်ညစ်ရမှာမဟုတ်ဘူး။ဒကာမကြီးအတွက်ဆရာလေးလည်း မေတ္တာပို့ပေးနေပါတယ်။လာမယ့်ဥပုသ်နေ့သီလလာယူပါလား။ဆရာတော်ကြီးတရားပွဲရှိတယ်။ အချိန်ရသလောက်တရားလည်းထိုင်ကြည့်ပေါ့။ဒကာမကြီးလည်းတရားထိုင်ဖူးတာပဲ။ဆရာလေးကတော့တရားဆေးပဲ ပေးနိုင်တယ်။ကြိုးစားကြည့်ပါ"

"မမဦး ကြိုးစားကြည့်ပါ့မယ်ဆရာလေး"

"ကြိုးစားပါဒကာမကြီးရယ်။ဘာပဲဖြစ်ဖြစ် ဖြစ်ပျက်တရားကိုရှုမှတ်နိုင်အောင်သာကြိုးစားစမ်းပါ။ဒကာမကြီးတစ်ယောက်တည်း ပြန်ရမှာမိုးချုပ်သွားလိမ့်မယ်၊ ပြန်တော့နော်။ဥပုသ်နေ့တော့လာနိုင်ရင်လာခဲ့ဦးပေါ့"

ညနေ ခြောက်နာရီထိုးပြီဖြစ်၍ကမ္မဋ္ဌာန်းကျောင်းပေါ်မှအုန်းမောင်းခေါက်ပေတော့သည်။ရိပ်သာကျောင်းအတွင်းရှိ ယောဂီနှင့်သီလရှင်များစုပေါင်းတရားထိုင်ကြပေတော့မည်။သံယောဇဉ်မီးကိုငြှိမ်းသတ်နေသောမစန္ဒာ၏ဘ၀လေးက အေးချမ်းလှပေစွ။မမဦးသည်တိတ်ဆိတ်အေးချမ်းလှသောရိပ်သာကျောင်းဝင်းကြီးအတွင်းမှ နှေးကွေးလေးလံသော ခြေလှမ်းများဖြင့်ထွက်ခွာလာပြီးနောက်လူသံသူသံများဖြင့်ဆူညံပူလောင်နေသောပတ်ဝန်းကျင်ဆီသို့ရုတ်ချည်းရောက်သွားတော့၏။ ထို့နောက်မမဦး၏ ခြေလှမ်းများသည်သုတ်သီးသုတ်ပျာဖြစ်သွားပြန်လေသည်။ထိုအချိန်၌မစန္ဒာသည်သိမ်မွေ့နူးညံ့သောထွက်လေ၀င်လေ၏ ဖြစ်ပျက်တရားကိုစိတ်ကြည်လင်အေးချမ်းစွာရှုမှတ်နေပေလိမ့်မည်။မမဦးမှာကား လောကီထဲမှ ဖြစ်ခြင်း,ပျက်ခြင်းတို့ကိုစိတ်နောက်ကျိရှုပ်ထွေးစွာဖြင့်ဘယ်အချိန်ဘယ်ကာလအထိမှတ်နေရဦးမည်မသိချေ။

မေတ္တာဖြင့် - ယုဒါ

07082015 (10:20 PM)

ရွှေအောင်လံရသစုံမဂ္ဂဇင်း

ဇွန်လ၊ ၁၉၉၈