ကွက်လပ်ဖြည့်ပါ

ဘယ်ကနေ စ,ပြောရမလဲဆိုတာတောင် ခပ်ခက်ခက်ပဲဗျာ။ ပြောမှတော့ဖြစ်မယ်၊ ပြောချင်နေတာလည်း ကြာလှပြီမို့လား။ တကယ်ဆို ကျုပ်ဆိုတဲ့ကောင်က စကားများများပြောတတ်တဲ့ကောင် မဟုတ်ဘူးဗျ။ ဒါပေမယ့် ကျုပ် အိမ်ထောင်ကျတဲ့အချိန်မှာ အသက် ၂၂ နှစ်ပဲရှိသေးတယ်။ စကားနည်းပြီးတစ်ယောက်တည်း အေးအေးနေတတ်တဲ့ ကျုပ် စောစောစီးစီး မိန်းမရခဲ့တာကို တစ်ရွာလုံးအံ့သြကြရတာပေါ့။ ပြီးတော့ ကျုပ်မိန်းမ မတင်မိဆိုတာက အင်မတန်စကားပြောနိုင်တဲ့ အမျိုးသမီးဖြစ်နေတာကိုး။

ဘာပဲဖြစ်ဖြစ် ကျုပ် သူ့ကိုချစ်လို့ လက်ထပ်ယူခဲ့တာပဲ။ ကျုပ်တို့အိမ်ထောင်ရေးက အဆင်ပြေပါတယ်။ လယ်နဲ့ယာနဲ့၊ လှည်းနဲ့နွားနဲ့။ စီးပွားရေးလည်းကောင်းတယ်ဆိုပါတော့။ သားနှစ်ယောက်၊ သမီးလေးယောက်နဲ့ မိသားစုသိုက်သိုက်ဝန်းဝန်းကြီးနေခဲ့ရတယ်။ ဒီသားသမီးခြောက်ယောက်ကို ကျုပ်လိုတောသားတစ်ယောက်က မြို့မှာဝင်ဆံ့နိုင်အောင် တာဝန်ယူဖြည့်ဆည်းပေးခဲ့ရတာ လွယ်လှတယ်တော့ ဘယ်ဟုတ်မလဲဗျာ။

ကျုပ်တို့ရွာမှာ ခေတ်ပညာတတ် သားသမီးတွေကို စုစုရုံးရုံးမွေးထုတ်ပေးခဲ့တာ ကျုပ်တို့လင်မယား စတာပဲ။ ဒီ့အရင် ကျုပ်တို့ရွာမှာ မြို့ကျောင်းထိရောက်တာဆို လက်ချိုးရေကြည့်လို့ရတယ်။ တစ်အိမ်တစ်ယောက် ပညာထွန်းပေါက်တယ်ဆိုတာတောင် မရှိသလောက်ဘဲ။ ရွာမှာက ဘုန်းကြီးကျောင်း၊ မူလတန်းကျောင်းပေါ့လေ။ ဒီတော့ကာ လေးတန်းအောင်ပြီဆိုရင် ပညာရေးက ဂိတ်ဆုံးပြီ၊ ဆင်းတော့ဆိုတဲ့ အခြေအနေရောက်တာပဲ။ ထုံးစံအတိုင်းပေါ့ဗျာ။ ရွာဦးကျောင်းက ထွက်လာပြီဆိုရင်တော့ တောသဘာဝဆိုင်ရာပိုင်ရာ လုပ်ငန်းခွင်တွေထဲ အသီးသီးဝင်ကြရတာပေါ့။ တချို့ကလည်း ရွာနဲ့အလှမ်းဝေးတဲ့မြို့က တန်းမြင့်ကျောင်း ဆက်သွားကြတာရှိပါတယ်။ ဒါပေမယ့် ဆယ်တန်းအောင်တဲ့လူကပဲ ခပ်ရှားရှား။ မြို့လုပ်မြို့ကိုင်နဲ့ ကျုပ် သားသမီးတွေလို ပေါက်ပေါက်မြောက်မြောက်ဖြစ်သွားတဲ့သူဆိုတာ ရှားမှရှား။

ကျုပ်ကတော့ မိဘလက်ငုတ်လက်ရင်းလေးကလည်းရှိတယ်။ ဒီထဲမှ ကျုပ်က စာလေးပေလေးဖတ်တော့ အသိဥာဏ်ကျယ်တယ်ပေါ့ဗျာ။ အဓိကကတော့ ကျုပ်က ကျုပ်ကို ထမင်းကျွေးတဲ့အလုပ်အပေါ် သစ္စာရှိတယ်၊ ချစ်တယ်၊ ၀ီရိယစိုက်ထုတ်ပြီး အချိန်အားမရှိ အလုပ်လုပ်တယ်ဗျာ။ လယ်ချိန်၊ ကိုင်းချိန်ပြီးလို့ သူများတွေ နားနေတဲ့အချိန်မျိုးမှာတောင် ကျုပ်က မနားဘူး၊ မြို့ပေါ်တက်တယ် လက်လှမ်းမီသမျှ လေ့လာတယ်။ ငွေရင်းလေးရှိတယ်ဆိုရင် နည်းနည်းများများ အရောင်းအ၀ယ်လေး လုပ်လိုက်တာပဲ။ ဒီတော့ လူကလည်း မျက်စိပွင့်နားပွင့်ဖြစ်လာသလို စီးပွားရေးလည်း တက်လာတယ်ဆိုပါတော့ဗျာ။ ဒီလိုနဲ့ ကျုပ် မြို့မှာ အိမ်ကလေးတစ်လုံး ၀ယ်လိုက်နိုင်တယ်။ ကျုပ်ကအရှည်ကို မျှော်ကြည့်တာဗျ။ ကျုပ်ကလေးတွေ ရွာမှာနေပြီး မြို့ပေါ်ကျောင်းသွားတက်ရတာ အလွန်ကို ဒုက္ခရောက်တာကလား။ ဒီတော့ မြို့ပေါ်မှာပဲနေ၊ ဆွေထဲမျိုးထဲက ချက်ပြုတ်လုပ်ကိုင်ပေးမယ့် အုပ်ထိန်းသူတစ်ယောက်ကို ထားပေး။ ကျုပ်တို့လင်မယားကလည်း တစ်လှည့်စီစောင့်ရှောက်ပေါ့ဗျာ။ ကျုပ်ရဲ့ ကြိုးပမ်းမှုတွေ အရာထင်ခဲ့ရတာပဲပေါ့။ ကျုပ်သားသမီးခြောက်ယောက်မှာ လေးယောက်က ဘွဲ့ရခဲ့တယ်။ သားအငယ်တစ်ယောက်ကတော့ ဆယ်တန်းမဖြေဘဲ တပ်ထဲဝင်သွားလို့ ဘွဲ့မရခဲ့ဘူး။ ဒါပေမယ့် ဒီကောင့်အတွက် ကျုပ်စိတ်အေးရပါပြီ။ ခုဆို တပ်ထဲမှာပဲ ဆယ်တန်းအောင်ပြီး တပ်ကြပ်ကြီးစာရေးတောင် ဖြစ်နေပြီလေ။ ကျုပ်မျှော်လင့်ထားတဲ့အတိုင်း ကျုပ်သားသမီးတွေအတွက် စိတ်တိုင်းကျခဲ့ရတယ်ဆိုပါတော့။ ခြွင်းချက်တစ်ခုတော့ ရှိလာခဲ့တယ်ဗျာ။ ကျုပ်သမီး နို့ညှာမ ကိုးတန်းနဲ့လင်ရသွားခဲ့တာ ကျုပ် ဘယ်မှာလာကျေနပ်နိုင်မှာတုန်း။ ကိုးတန်းမအောင်လို့ တောသားနဲ့ရခဲ့တာလား၊ တောသားနဲ့ရဖို့ ကိုးတန်းမအောင်ခဲ့တာလား။ တစ်ခုခုပဲပေါ့ဗျာ။

ပြောမယ့်သာပြောပါတယ်။ နို့ညှာမ မြို့ကြီးသူဖြစ်မလာခဲ့တာကိုပဲ ကျေးဇူးတင်ရဦးမှာ။ ကျုပ် သား,သမီး ခြောက်ယောက်ထဲမှာ မိဘနဲ့နီးနီးကပ်ကပ် ကျန်ရစ်တာဆိုလို့ နို့ညှာမတစ်ယောက်ပဲရှိတာကိုး။ ဒါတောင် ကျုပ်တို့အိမ်မှာ အတူနေနိုင်တာမဟုတ်ဘူး။ သူ့အိမ်နဲ့သူနေတာပါ။ အငယ်ဆုံးမက ကျောင်းဆရာမ၊ ကျုပ်တို့ရွာနဲ့မဝေးလှတဲ့ မြို့ပေါ်မှာ သူ့အိမ်ထောင်နဲ့သူ။ မြို့ပေါ်က ကုန်သည်တစ်ယောက်နဲ့အိမ်ထောင်ကျတာကိုး။ အရေးအကြောင်းရှိရင်တော့ ချက်ချင်းဆိုသလို ရောက်လာတတ်ပါတယ်။

သားအငယ်ကောင်က တပ်ထဲမှာလူပျိုပဲရှိသေးတယ်။ ကျန်တဲ့သုံးယောက်က ရန်ကုန်မှာ သမီးတစ်ယောက် သားတစ်ယောက်။ ပုသိမ်မှာက တတိယမြောက်သမီး။ အားလုံး သူ့အိုးသူ့အိမ်နဲ့။ ရွာကိုတစ်နှစ်တစ်ခေါက် ပြန်လာလည်နိုင်သူလည်းရှိရဲ့။ သုံးလေးနှစ်မှ တစ်ခေါက်လာနိုင်သူလည်းရှိရဲ့။ ဒီခေတ်ကြီးထဲမှာ ခရီးဝေးတစ်ခေါက်ထွက်နိုင်ဖို့ဆိုတာလည်း မလွယ်လှဘူးလေ။ အချိန်ပိုလေးလည်းရှိဦးမှ။ ငွေပိုငွေလျှံလေးလည်း ရှိဦးပါမှ။ သူတို့မှာလည်း တစ်ခါတစ်ခါလာရင် မသက်သာလှပါဘူး။ ရွာဆိုတာက သိတဲ့အတိုင်းပဲလေ။ တစ်ရွာလုံးနီးပါး ဟိုဘက်နဲ့တော်၊ ဒီဘက်နဲ့တော်၊ ဆွေမျိုးကလှည့်ပတ်တော်နေတာ။ တော်တော်များများဟာ ဆွေရိပ်မျိုးရိပ်မကင်းတွေဆိုသလို ဖြစ်နေတော့ ဟိုလူ့ချန်ထားမကောင်း၊ ဒီလူ့ချန်ထားမကောင်းနဲ့ လက်ဆောင်ပဏ္ဏာလေးတွေကလည်း များများစားစား လိုသေးတာမဟုတ်လား။ ကျုပ်ကတော့ ပြောထားပါတယ်။ ဘာမှအထွေအထူး ၀ယ်ခြမ်းမလာခဲ့နဲ့။ ပေးရတာက တစ်ယောက်တည်း ၀န်ပိတယ်လို့။ သူတို့ကမပေးလည်း ဘယ်သူကမှ အပြစ်တင်ကြတာမှ မဟုတ်ဘဲ။

ဘာပဲဖြစ်ဖြစ် ကျုပ်တို့မိဘတွေကတော့ ကိုယ့်သားသမီးမြေးမြစ်ကလေးတွေကို တစ်နှစ်တစ်ခေါက်လောက်တော့ လာစေချင်တာပေါ့ဗျာ။ တစ်ပတ်တန်သည်၊ တစ်လတန်သည် သားတွေမြေးတွေနဲ့ တပျော်တပါးကြီး နေချင်တာပေါ့ဗျာ။ မတင်မိကတော့ ပိုဆိုးတယ်။ နဂိုကမှ စကားများများ မိန်းမဆိုတော့ ပြောမဆုံးပေါင် တောသုံးတောင် ဖြစ်ရတော့တာပေါ့။

'သားကြီးမလာတာ နှစ်နှစ်ပြည့်တော့မယ်။ သားငယ် ခွင့်မပြန်တာ တစ်နှစ်ကျော်ပြီ။ အကြီးက ဒီနှစ်နွေ လာမှလာနိုင်မလားဘဲ။ သူ့သားအကြီးကောင် ဒီနှစ် ဆယ်တန်းတက်မှာ။ နွေရာသီကတည်းက ဘော်ဒါ စ,ထားမှာတဲ့။ သုံးသိန်းတောင် ပေးရမှာတဲ့တော်။ သုံးသိန်းပေးပြီး စာမေးပွဲကျတဲ့ ကလေးတောင် ရှိသေးသတဲ့ ကိုသိန်းဆောင်ရဲ့။ သူငယ်တန်းကျောင်းထားတာကိုပဲ သိန်းချီကုန်သေးတာတဲ့။ ကျောင်းက အတော့်ကို ကောင်းတာနေမှာ။ ကျုပ်ကတော့ ရွာမှာပဲ ခေါ်ထားလိုက်ချင်ပါ့တော်။ ရွာမှာဆို လေးတန်းအထိ အသာလေးပဲ။ အသွားအလာလည်း စိတ်ချရတယ်။ ဟိုမှာက ကျောင်းသွား ကျောင်းပြန်သူများကားနဲ့ လိုက်ခိုင်းတာကိုပဲ တစ်ယောက်ပေးရတာတဲ့။ နှမြောစရာကြီးပါတော်။

သားကြီး သမီးကတော့ ဆယ်တန်းအောင်ထားရုံရှိသေး။ အတော်အလုပ်ဖြစ်နေပြီတဲ့။ ကွန်ပျူတာသင်တန်းမှာ ဆရာမတောင် လုပ်နေပြီတဲ့။ ပိုက်ဆံလည်း အတော်ရဆိုပဲ။ ဒီလိုဆိုတော့လည်း ပိုက်ဆံ အကုန်ခံရကျိုးနပ်တာပေါ့တော်"

"ကိုသိန်းဆောင်၊ တော် အပေါ်ထပ်က မန်ကျည်းရွက်မှိုက်တွေ ရှင်းတော့မယ်ဆို လုပ်ဦးနော်။ အလတ်မက သူလာလို့ အိမ်ထဲ ဖုန်တွေ အမှိုက်တွေနဲ့ဆို အမောဆို့ဆို့သွားသတဲ့။ ရှင်မလုပ်နိုင်လည်း အေးကြည်မတို့ ခေါ်အရှင်းခိုင်းလိုက်။ ကျုပ်က မြောက်ပိုင်းကြွေးတောင်းသွားရဦးမှာ။ သြော်… ဖိုးနီလာရင် ပိုက်ဆံသုံးရာ ယူထားလိုက်နော်။ မယ်တင်မြတော့ လာပေးမယ်မထင်ပါဘူး။ ကောင်မ…နေနှင့်ဦး။ ဘုရားပွဲနီးမှ ဟိုဟာလေးဝယ်ချင်လို့၊ ဒီဟာလေးဝယ်ချင်လို့ လုပ်ရင်တော့လား တစ်ပြားမှကို ထုတ်မပေးဘူး။ မိပုတို့များ လာရင်တော့ နှစ်ရာလောက်ပေးလိုက်စမ်းပါတော်၊ သူ့အမေကြီး မမာနေတာ ကြာပြီတဲ့။ စားချင်တာလေးရှိ ကျုပ် ချက်ကျွေးချင်သေးတယ်။ ကဲ… ကျုပ် သွားလိုက်ဦးမယ်။

သြော်… ကိုသိန်းဆောင် တော် ဆာရင်စားနှင့်။ ငါးကျည်းခြောက် ဆီပြန်ချက်တယ်၊ မန်ကျည်းရွက် ဆန်လှော်ဟင်းချိုချက်လို့ ငါးပိလည်းထောင်းပြီးသား၊ နေမြင့်ပြီတော့ ကျုပ် သွားဦးမှ။

မေ့လို့ ကိုသိန်းဆောင်ရေ… ဒေါ်လှပိုလာရင် ထန်းလျက် နှစ်ပိဿာယူထားလိုက်ဦး။ မနက်ဖြန်ခါ အငယ်မဆီ သွားပို့ရဦးမယ်။ အိမ်မှာ ထန်းလျက်တွေရှိသေးတယ်ဆိုပြီး မယူဘဲနေမှာစိုးလို့။ တော် ထမင်းစားခါနီး ရေချိုးလိုက်ပေါ့တော်၊ ညနေမှ ရေချိုးတာ ဥပဒ်ရောက်တယ်၊ အသက်ရလာတော့ ရေချိုးမိုးချိုး ဆင်ခြင်ပါမှ။"

ကျုပ်မိန်းမ မတင်မိက အဲဒီလိုမိန်းမ။ အိမ်ပေါ်ကဆင်းပြီး လမ်းကြောင်းရောက်နေတာတောင် နောက်ကြောင်းပြန်လှည့်လာပြီး ရှည်ရှည်ဝေးဝေးပြောမိပြောရာတွေ တသီကြီး ပြောနေတတ်သေးတာ။ ကျုပ်က ခေါင်းအသာညိတ်ပြီး အေးပါကွာ၊ အေးပါကွာနဲ့ နောက်ကနေ တွန်းတွန်းထိုးထိုး လုပ်လွန်းခါမှ သူသွားမယ့်အရပ်ကို ခြေဦးပြန်လှည့်သွားတာ။ အိမ်မှာထိုင်နေလို့ကတော့ ဘာပြောသလဲမမေးနဲ့။ ရပ်ကြောင်းရွာကြောင်း၊ သားကြောင်း သမီးကြောင်း၊ ဆွေကြောင်းမျိုးကြောင်း၊ ကောင်းတာရော မကောင်းတာရော စုံလို့စုံလို့။ ကျုပ်ဖြင့် နားကိုငြီးရော။

ဒါတွေကတော့ မတင်မိရှိစဉ်ကပေါ့ဗျာ။ ခု သူမရှိတဲ့အချိန်ကျမှ သူပြောခဲ့တဲ့စကားသံတွေဟာ ကျုပ်အတွက် အဖိုးမဖြတ်နိုင်တဲ့ အာဟာရဓာတ်စာတွေ ဖြစ်နေမှန်းသိရတော့တာ။ မတင်မိက စကားသာများမယ့်များတာ။ ဘုရားတရား အလုပ် အလွန်လုပ်နိုင်တဲ့မိန်းမ။ ပဌာန်းအကျယ်ရွတ်ရမလား၊ ဓမ္မစကြာရွတ်ရမလား မတင်မိက ရှေ့ဆုံးက။ ပုတီးလည်း စိတ်လိုက်တာပဲ။ တရားလည်းထိုင်လိုက်တာပဲ။ ကျုပ်လိုမဟုတ်ဘူး။

ကျုပ် ဘုရားမရှိခိုးလို့ သူ့မှာ ပူညံပူညံလုပ်လို့ကို မပြီးဘူး။ ကျုပ် ခုလိုစီးပွားရေးပြေလည်နေတာက သူ့ကြောင့်တဲ့။ သူ ဘုရားတရားလုပ်လို့တဲ့လေ။ ကျုပ် ဘာသာရေးဘက်မှာ အားနည်းတာကို အပြစ်တင်လို့ကို မဆုံးနိုင်ဘူး။

"ကျုပ်တော့ နောင်ဘ၀ရှင်နဲ့ ပြန်ဆုံရတော့မယ်မထင်ပါဘူး။ တော် ငါးပါးသီလလုံတယ်သာပြောတယ်၊ တစ်လရှိလို့ ဘုရားကို တစ်ခါကန်တော့ဖူးလို့လား။ ကျုပ်က နတ်ပြည်ရောက်မှာ၊ ရှင်ပဲ ဒုက္ခရောက် ကျန်ရစ်လိမ့်မယ်" အဲသလို မတင်မိပြောတုန်းက ရှင်ပဲ ဒုက္ခရောက်ကျန်ရစ်လိမ့်မယ်ဆိုတဲ့စကားကို ကျုပ် ဘယ်လိုမှ မခံစားခဲ့ရဘူး။ နားအေးပြီးရောဆိုပြီး 'သွားပါကွာ၊ သွားပါကွာ မင်းပဲ နတ်ပြည်အရင်တက်နှင့်ပါ၊ နောက်မှပဲ ငါ လာခဲ့ပါမယ်' လို့ ပြန်ပြန်ပြောနေကျ။ သူမရှိရင် ကျုပ် ဒီလောက်ထိ ဒုက္ခရောက်ကျန်ရစ်ရလိမ့်မယ်လို့ တွေးကိုမတွေးမိတာ။ မတင်မိကတော့ ကျုပ်ကို နည်းနည်းမှ စိတ်ချတာမဟုတ်ဘူး။

'ကျုပ်တော့အရင်မသေချင်ဘူးတော့်။ တော် ဒုက္ခရောက်မှာစိုးလို့။ ကိုသိန်းဆောင်ရယ် ရှင်သေပြီးမှပဲ ကျုပ် သေချင်ပါတယ်တော်၊ ကျုပ်အရင်သေရင် ရှင် ဒုက္ခများရမှာ' မတင်မိက ကျုပ်အပေါ် အဲဒီလောက်တောင် တွေးပြီး ပူပန်ခဲ့တာ။

'ကျုပ်သေရင် ရှင်မိန်းမထပ်ယူမနေနဲ့ဦး၊ သမီးကြီးနဲ့သွားနေ၊ ကျုပ်ဖြင့်တော့်ကို စိတ်မချပါဘူးတော်။ တော့်အဘိုးက မိန်းမသုံးယောက်နော်၊ အဖေကလည်း နှစ်ယောက်၊ ဟင်း… ကျုပ်တော့ တွေးတာတောင် အသက်ရှူကျပ်လာပေါ့၊ တော်ပဲ ဒုက္ခများမှာ ကိုသိန်းဆောင် သိရဲ့လား။ ကျုပ်သေရင် နောက်မိန်းမ ထပ်မယူဘူးလို့ ကတိပေးစမ်းပါ'

'အေးပါကွာ၊ အေးပါ'

'ဘာအေးပါလဲ၊ မယူမှာလား၊ ယူမှာလား'

'မယူပါဘူးကွာ'

'ကျုပ်ကတော့ မယုံပါဘူး' ကျုပ်မိန်းမက ကျုပ်ဆိုတဲ့ကောင်ကို တကယ်မယုံခဲ့တာထင်တယ်။ ကျုပ်ကလည်း ကျုပ်ပဲ၊ သူ့ကိုပေးခဲ့တဲ့ကတိတည်ခဲ့တာမှ မဟုတ်ဘဲ။ အင်းလေ… ကတိဆိုတာကလည်း ကျုပ်သဘောနဲ့ကျုပ် ပေးနိုင်လို့၊ ပေးချင်လို့ ပေးထားခဲ့တာမှမဟုတ်ဘဲ။ သူလိုချင်လို့ သူစိတ်ချမ်းသာအောင် ပေးခဲ့ရတဲ့ ကတိဥစ္စာ။ ဒီလိုကတိမျိုးကို ချိုးဖောက်မိတာ ကျုပ်အပြစ်တော့မဟုတ်ပါဘူး။ ဒါပေမယ့် ခုချိန်မှာတော့ ကျုပ်အပြစ်… ကျုပ်အပြစ်တွေချည်း ဖြစ်နေပြီဗျာ။ ကျုပ်မှာ ခေါင်းတောင်မဖော်နိုင်လောက်အောင် လက်ညှိုးငေါက်ငေါက်ထိုးပြီး အပြစ်ပြောခံနေရတာ။ မတင်မိသာ မြင်မယ်ဆိုရင် နှစ်ခါပြန်လဲသေချင်စိတ် ပေါက်သွားလိမ့်မယ်။ သေသွားတဲ့မတင်မိက ကျုပ်ကို အပြစ်တင်မယ် မတင်ဘူးရယ်တော့ မသိဘူး။

ခု ကျုပ်ကို အပြစ်တင်နေကြတဲ့လူတွေကတော့ တစ်ရွာလုံး၊ တစ်ဆွေတစ်မျိုးလုံးပါပဲ။ ခုဆို ကျုပ်နာမည် သိန်းဆောင်တောင်မဟုတ်တော့ဘူး။ မြ၀တီရုပ်မြင်သံကြားက တရုတ်ဇာတ်လမ်းတွဲတွေရဲ့ ကောင်းမှုပေါ့ဗျာ၊ ကျုပ်နာမည် စီးဖုချန်းတဲ့။ တကယ် ရက်စက်ကြပါတယ်ဗျာ။ မတော် ကျန်ကျောင်းဆိုလည်း ဟုတ်သေး။ ပေါင်ချိန်ဆိုလည်း ထားပါတော့။ ခုတော့ ကျုပ်က စီးဖုချန်းတဲ့ဗျာ။ စီးဖုချန်းဆိုတာ ။တရုတ်ဇာတ်လမ်းတွဲတစ်ခုထဲမှာပါတဲ့ ဇာတ်လိုက်မင်းသားတစ်ယောက်ရဲ့ နာမည်လေ၊ အိမ်တစ်အိမ်တည်းမှာ မိန်းမသုံးယောက်စလုံးကို အတူထားတဲ့ သူဌေးကြီးပေါ့။ အငယ်ဆုံးမိန်းမက ငယ်ငယ် ချောချောလှလှလေး။

ဆိုလိုတာကတော့ ကျုပ်ကလည်း မယားငယ်ငယ်လေးကို ယူလိုက်တဲ့ သိန်းဆောင်တစ်ဖြစ်လဲ စီးဖုချန်းပေါ့။ တစ်ရွာလုံးနဲ့တစ်ယောက်ဆိုသလိုဖြစ်နေတော့ ကျုပ်မှာ မပြောသာဘူးပေါ့။ တကယ်ဆို ကျုပ်က မယားကြီးငုတ်တုတ်နဲ့ မယားငယ်နေတဲ့ကောင်လည်း မဟုတ်ဘူးဗျာ။ မယားငယ်ကို အိမ်ပေါ်ခေါ်တင်လာခဲ့တဲ့ကောင်လည်း မဟုတ်ဘူးဗျာ။ ကျုပ်က ကျုပ်မိန်းမဆုံးပြီး နှစ်,နှစ်ကျော်မှ မိန်းမယူခဲ့တဲ့လူပါဗျ။ ဒါကိုပဲ ကျုပ်မှာ စီးဖုချန်းဖြစ်ရသေးတယ်ဗျာ။ ကျုပ်တကယ် ရင်နာတယ်။ ခံပြင်းတယ်။ ဒေါသလည်း ထွက်မိတယ်ဗျာ။ ကျုပ်ကံက ဆိုးပါတယ်။ ထွက်လာတဲ့ဒေါသကိုတောင် လူမြင်အောင် ပြခွင့်မရတဲ့ အခြေအနေမျိုးထဲမှာ ကျုပ် ချောင်ပိတ်မိနေတာပါ။ ကျုပ်ဒေါသထက်ပိုပြီး အင်အားကြီးတဲ့ ကျုပ်ဆွေမျိုးသားချင်းတွေရဲ့ ဒေါသတွေကို အရှုံးပေးထားရတယ်ဆိုပါတော့။

ကျုပ် မိန်းမယူလိုက်ပြီဆိုတော့ တစ်ဖက်ရွာရောက်နေတဲ့ ကျုပ်နှမက အော်အော်ငိုလိုက်တာ သတိလစ်မေ့မြောတော့မလိုပဲ။ ကျုပ်နှမက သူ့ယောက်မမတင်မိကို သိပ်ချစ်တဲ့သူမဟုတ်လား။ ပြောမနာဆိုမနာ ငယ်သူငယ်ချင်း အရင်းခေါက်ခေါက်ကြီးလည်း ဖြစ်နေသေးတာကိုး။ မတင်မိသေတုန်းကလည်း အော်ကြီးချက်မနှင့်ငို၊ ခု ကျုပ်မိန်းမယူပြန်တော့လည်း ချုံးပွဲချ ငိုပြန်ပါရော။ ငိုပုံကိုလည်း ကြည့်ပါဦး။

"လင်ထိတာနဲ့ ရင်မချိအောင်နာတတ်တဲ့ အစ်မတင်မိရဲ့ မြင်ကြည့်လှည့်ပါဦး၊ အစ်မလင်ကြီး သိန်းဆောင်ကို ထိန်းမနိုင်အောင်ဖြစ်နေရပြီ အစ်မတင်မိရဲ့။ အရှက်မရှိတဲ့ မျက်ခွက်တွေနဲ့ ရက်စက်နိုင်ကြပါပေတယ်တော်။ အမလေး ကျုပ်တို့မှာ ရင်နာရလွန်းလို့ မြင်သာတဲ့နေရာက လာကြည့်လှည့်စမ်းပါဦး အစ်မတင်မိရဲ့"

အဲသလို ငိုပြောပြောပြီး မတင်မိလွမ်းချင်းတွေဖွဲ့တာက ကျုပ်နှမ။ တစ်ရွာတည်းနေတဲ့ တူ,တူမတွေ ၀မ်းကွဲမောင်နှမတွေကလည်း တချို့က ဆူညံပူညံအော်ဟစ်၊ တချို့က မျက်စောင်းတခဲခဲ။ ကျုပ် မြေးလောက်ရှိတဲ့ ကလေးတွေကအစ ကျုပ်ကို မဲ့ကာရွဲ့ကာ စောင်းကာချိတ်ကာ ဝေဖန်ကြ။ ကဲ့ရဲ့ပြစ်တင်ကြ။ ကျုပ်တို့ရွာက ခုဆို မတရားခေတ်မီနေပြီဆိုတော့ မြို့ပေါ်မှာ ဘာတွေခေတ်စားနေသလဲ အကုန်သိ။

ရန်ကုန်မြို့ကြီးမှာတောင် မပျံ့နှံ့သေးတဲ့ သတင်းမျိုးကအစ ကျုပ်တို့ရွာက ကာလသားသမီးတွေပါးစပ်ထဲ ရောက်နှင့်ပြီးသား ဖြစ်နေတာ။ 'ဘကြီးသိန်းဆောင်က ရယ်ဒီမိတ်ကြီးမို့ မနုကြည်က အမိဖမ်းလိုက်တာနေမှာ' တဲ့။ 'ဘကြီးသိန်းဆောင်တို့များ ကြီးကောင်ကြီးမားကျမှ ဖွန်ကြောင်နေသေးတယ်' တဲ့။ 'ပဲများလိုက်တာလည်း လွန်လို့၊ ဒါတောင် ဘိုးကြီးအိုဖြစ်နေလို့သာပေါ့'။

'မယူလို့လည်း မဖြစ်တော့ဘူးနေမှာပေါ့။ ဟိုတစ်လောက ဘကြီးသိန်းဆောင် နေမကောင်းဖြစ်လို့ မနုကြည်ပဲ လာပြုစုပေးနေတာ အမြင်ပဲ။ သူ့သမီးကလည်း ဗိုက်ကြီးနေလို့ နေထိုင်မကောင်းဖြစ်နေတာနဲ့ မလာနိုင်တာကြာပြီ'

ကျုပ်နဲ့နုကြည်ရဲ့အကြောင်းက နောက်ဆုံးပေါ် သတင်းတစ်ပုဒ်အဖြစ် သူတို့မှာ ဒီ့အပြင် ပြောစရာစကား ရှိပုံမပေါ်ဘူး။ ဟိုနားသွားလည်းကျုပ်အကြောင်း၊ ဒီနားသွားလည်း ကျုပ်အကြောင်း၊ ကျုပ်မသိဘဲ နေမလားဗျာ။ ဒါ အများပြောစရာကိစ္စ ဖြစ်နေလိမ့်မယ်လို့ ကျုပ်တွေးမိပြီးသားပါ။ ဒီကိစ္စကို ကျုပ်သေချာစဉ်းစားပြီးမှ လုပ်ခဲ့တာပါဗျ။

ကျုပ်ကတော့ ကျုပ်မှားတယ်လို့မထင်ဘူး။ စဉ်းစားကြည့်ကြစမ်းပါဗျာ၊ ကျုပ်ဒုက္ခကို ကျုပ်ပဲ သိတယ်ဗျ။ မတင်မိ ဆုံးသွားပြီးတဲ့နောက် ကျုပ်ဘယ်လောက် ဒုက္ခရောက်နေခဲ့ရတယ်ဆိုတာ သူတို့လည်းအမြင်သားပဲ။ တစ်ရွာတည်းအတူရှိနေတဲ့ နို့ညှာမကတောင် ကျုပ်အိမ်ကို တစ်နေ့တစ်ခေါက် မှန်မှန်ရောက်တာမဟုတ်ဘူး။ မြို့ပေါ်က အငယ်မဆိုတာလည်း တစ်ပတ်တစ်ခါ၊ တစ်လတစ်ခါမှ အနိုင်နိုင်ရယ်။ တခြားမြို့တွေက သားသမီးတွေကတော့ ဝေးပါသေးရဲ့။

သားကြီးဆိုအလုပ်မအားလို့ သူ့အမေဆုံးတုန်းကတောင် ချက်ချင်းရောက်မလာနိုင်ခဲ့ဘူး။ တစ်လပြည့်သွားမှ ရောက်လာခဲ့တာ။ မတင်မိဆုံးခါစကတော့ သားသမီးတွေက ကျုပ်ကိုဂရုစိုက်ကြပါတယ်။ နို့ညှာမကလည်း နေ့တိုင်းထမင်းဟင်း လာချက်ပေးတယ်။ အငယ်မကလည်း သုံးလေးရက်တစ်ခါပြေးပြေးလာတယ်။ ဖအေအိုကြီးကို သူတို့ပစ်မထားဘူးပေါ့။ ဒါပေမယ့်ဗျာ သူတို့ဘယ်လောက်အပင်ပန်းခံနိုင်မှာလဲ။ တစ်လလား၊ နှစ်လလား။ ကျုပ်နားလည်ပါတယ်ဗျာ။ ကျုပ်ကိုယ်တိုင်လည်း အသက်၂၂နှစ်နဲ့အိမ်ထောင်ပြုလာခဲ့သူပဲ။ ကျုပ်မိဘကို ကျုပ်ဘယ်လောက်ပေးဆပ်နိုင်ခဲ့လို့လဲ။ ကျုပ်သိပြီးသားပါ။

နှစ်လသုံးလရှိတော့ သူတို့ကျုပ်ဒုက္ခကို ကူမခံနိုင်တော့ဘူးလေ။ ကျုပ်က အပြစ်မပြောပါဘူး။ နည်းနည်းမှကို အပြစ်မတင်ခဲ့တာပါ။ သူတို့မှာလည်း သူ့လင်သူ့သားနဲ့ပြုစုရမယ့် ၀တ္တရား၊ လုပ်ရမယ့်အလုပ်တွေက နိစ္စဓူဝရှိနေတာမဟုတ်လား။ 'နင်တို့ ငါ့ဆီလာလာကူမနေကြနဲ့။ ငါ့ဘာသာချက်စားမယ်။ ရွာကဆွေမျိုးတွေကလည်း ဟင်းလေးဘာလေး ချက်ပေးကြပါတယ်။ ကိုယ့်အိမ်မှာကိုယ့်တာဝန်သာ နိုင်အောင်ယူကြ' ဆိုပြီး ပြန်လွှတ်လိုက်တယ်။ ကျုပ်နဲ့တစ်အိမ်တည်း တစ်ဝိုင်းတည်း အတူနေလို့ ကျုပ်ကို ပြုစုပေးတာဆိုရင် အပန်းမကြီးဘူး၊ ခုတော့ နေရာက တခြားစီ။ ကျုပ်က ရွာအ၀င်အရှေ့ပိုင်းမှာ။ နို့ညှာမက ရွာအစွန်ဟိုးအနောက်ပိုင်းမှာ။ အငယ်မဆို ကားနဲ့လာရတာ။ ကားဆိုတာလည်း ကျုပ်တို့ရွာထိ ရောက်တာမဟုတ်ဘူး။ ရွာနဲ့ ၅ ဖာလုံလောက်ဝေးတဲ့ တာလမ်းမရောက်ရင် ဆင်းပြီး လမ်းလျှောက်လာရတာ။ ဖုန်ထူထူ နေပူပူမှာ ကျုပ်သမီးငယ်လေး ကျုပ်အတွက်အပင်ပန်းခံနေရတာကို အဖေတစ်ယောက်ရင်ထဲ ဘယ်မှာလာကောင်းနိုင်မှလဲ။  ခဏတစ်ဖြုတ် ကျုပ်ကိုအဖော်လုပ်၊ သူ ချက်ပြုလာတာလေး ပေးပြီးရင် ခမျာ နေပူခေါင်ခေါင်ကြီးထဲ ပြန်ရလေရော။ ကျုပ်ပြောခဲ့ပါရောလား၊ သူ့မှာလည်း လင်နဲ့သားနဲ့လို့။

ကျုပ်ကိုခေါ်ပါတယ်၊ အငယ်မက သူနဲ့လာနေပါတဲ့။ ကျုပ်သုံးလေးရက် သွားနေဖူးပါတယ်၊ မလွတ်လပ်ဘူးဗျ။ အနေအထိုင်  ကျဉ်းကျပ်တယ်။ အငယ်မအိမ်က အောက်ထပ်မှာ ဆီလက်လီလက်ကားရောင်းတယ်။ အိမ်တစ်ပိုင်း ပွဲရုံတစ်ပိုင်းဆိုသလို ရှုပ်ယှက်ခတ်နေတာ။ ပြီးတော့ ဈေးလမ်းမ၊ မြို့လယ်ကောင်ကြီးမှာ ခြံမရှိ ၀င်းမရှိ။ ကျုပ်က အားအားရှိ အိမ်အပေါ်ထပ်မှာ တီဗွီတစ်လုံးနဲ့ တစ်ယောက်တည်း ငေါင်စင်းစင်းကြီး။

ကျုပ်ကိုယ်တိုင်လည်း မြေကြီးနဲ့ လုပ်စားနေတဲ့ စိုက်ပျိုးရေးသမားဖြစ်ပေမယ့် စီးပွားရေးကိုနားလည်ပါတယ်။ ခက်နေတာက ကျုပ်က တောသားမဟုတ်လား၊ ဒီတော့ ကျုပ်က မြေကြီးကို အင်မတန်မြတ်နိုးတာ။ ခြေထောက်နဲ့မြေကြီး အနီးကပ် ထိစပ်ခွင့်မရတဲ့နေရာမျိုးမှာ ကျုပ်မနေနိုင်ဘူးဗျ။ အငယ်မအိမ်မှာက အညောင်းပြေလမ်းဆင်းလျှောက်စရာ မြေကြီးကိုမရှိတာ။

ကျုပ် မပျော်ဘူးပေါ့ဗျာ၊ ဒီအရွယ်ရောက်လာမှ ပျော်စရာနေရာရှာရဦးမလား ပြောချင်ကြလိမ့်မယ်။ ဒါ မိနဲ့ဖနဲ့ သားနဲ့မယားနဲ့ ရှိတုန်းမို့ ပြောနိုင်ကြတာဗျ။ ပျော်စရာနေရာရယ်တော့ မဟုတ်ဘူးပေါ့လေ။ ကျုပ် စိတ်ငြိမ်းငြိမ်းချမ်းချမ်း လွတ်လွတ်လပ်လပ်ရှိမယ့်နေရာလေးမှာပဲ နေချင်တယ်။ အဲဒီနေရာက ကျုပ်ရွာ၊ ကျုပ်အိမ်ပဲဗျ။ ရှင်းရှင်းပြောရရင် ငါစွဲကြီးတယ်ပဲ ပြောပြော ကျုပ်ရွာကိုပဲ ကျုပ်ချစ်တယ်ဗျာ။ ရွာကို ကျုပ်မခွဲနိုင်ဘူး။ အံ့သြစရာသိပ်ကောင်းတဲ့ အဖြစ်လို့ဆိုရမလားဘဲ ကျုပ်သားသမီးတွေကိုတော့ ရွာကိုခွဲခွာနိုင်အောင် ကျုပ် လုပ်ပေးခဲ့တယ်။ ကျုပ်ကိုယ်တိုင်ကျတော့ ရွာကိုမခွဲနိုင်ခဲ့ဘူး။

မတင်မိလည်း ဒီရွာမှာပဲ မွေးခဲ့တယ်၊ သေခဲ့တယ်။ ကျုပ်လည်း ဒီရွာမှာပဲ မွေးတယ်၊ ဒီရွာမှာပဲ နေတယ်၊ ဒီရွာမှာပဲ သေချင်တယ်ဗျာ။ ခွကျနေတာက ကျုပ်ဟာ ယောက်ျားတစ်ယောက် ဖြစ်နေတဲ့အတွက် ကိုယ့်ထမင်းကိုယ်ချက်စားပြီး တစ်ယောက်တည်းနေနေရတာ ဘယ်လိုမှအဆင်မပြေဘူးလေ။ ဒါကိုသိတော့ သမီးကြီးကလည်း သူနဲ့လာနေဖို့ ခေါ်ပါတယ်။ ရွာနဲ့နေ့ချင်းပြန်သွားလာလို့ရတဲ့ အငယ်မအိမ်မှာတောင် မနေနိုင်တဲ့ကျုပ်က ရန်ကုန်က သမီးကြီးရဲ့ တိုက်ခန်းမှာသွားနေဖို့ဆိုတာ ဝေးလှတာပေါ့။

ဒီတော့ ကျုပ်အကောင်းဆုံးလမ်းကို ရွေးချယ်လိုက်တယ်။ ကျုပ်မိန်းမ ထပ်ယူလိုက်တယ်ဗျ။ ကျုပ်ထက် အသက် ၄၀နီးပါးပိုငယ်တဲ့ မိန်းကလေးတစ်ယောက်။ ကျုပ် ယာထဲကိုင်းထဲမှာ အလုပ်လုပ်နေတဲ့ မိန်းကလေးပေါ့။ ကျုပ်က မိန်းကလေးလို့ပဲခေါ်တဲ့ နုကြည်ဆိုတဲ့ ကလေးမ။ တစ်ဝမ်းတစ်ခါးအတွက် သူ့ဘာသာ ပင်ပင်ပန်းပန်း လုပ်ကိုင်စားသောက်နေရတဲ့ အမျိုးသမီးတစ်ယောက်ပေါ့။ အရင်က ရွာထဲမှာ သူ့တူမလေးတွေနဲ့ အတူနေတယ်။ ခုတော့ ကျုပ်နဲ့အတူပေါ့။

ကျုပ်က အသက် ၇၀ထဲမှာ၊ နုကြည်က ၃၀ထဲမှာ။ 'နွားအိုမြက်နုကြိုက်'၊ 'ခြေတစ်ဖက်က သင်္ချိုင်းကုန်းလှမ်းနေပြီ မင်္ဂလာက ယူချင်နေတုန်း'၊ 'သေခါနီး ရိက္ခယူတာ' စသဖြင့် ပြောကြတာပေါ့လေ။ ကျုပ်ပြောခဲ့ပြီပဲ။ ကျုပ်ဒုက္ခကို ကျုပ်ပဲသိတယ်လို့။ တကယ်ဆို ကျုပ် မိန်းမယူတယ်ဆိုတာ ဟိုကိစ္စ ဒီကိစ္စ မကင်းနိုင်လို့ ယူချင်လွန်းလို့ ယူရတာမဟုတ်ပါဘူး။ မဖြစ်သာလွန်းလို့ပါ။ ကျုပ်လည်း ဘုရားတရားနဲ့ ပုတီးလေးကိုင်ပြီး နေချင်တာပေါ့ဗျာ။ ဒါက ပြောဖို့သာလွယ်တာဗျ။ ကျုပ်က ခုချိန်ထိ ဥပုသ်တစ်ရက်ရအောင် စောင့်ခဲ့ဖူးတဲ့လူမှမဟုတ်ဘဲ။

မတင်မိရှိစဉ်ကပေါ့။ သူ ဇွတ်ခေါ်လို့ ဘုန်းကြီးကျောင်းတစ်ခါတလေရောက်ပါရဲ့။ ရှစ်ပါးသီလကတော့ ခံလာတာပဲ။ အခါတွင်းပဲဖြစ်ဖြစ်၊ နေ့ကြီးရက်ကြီးပဲဖြစ်ဖြစ်၊ ကျုပ် ဥပုသ်ရအောင် မစောင့်ဖူးခဲ့ဘူးဗျာ။ ကျုပ်က အဆာမခံနိုင်တော့ ဘယ်မှာလာ ဥပုသ်ရပါတော့မလဲ။ ပြီးတော့ ကျုပ်က တစ်သက်လုံးစိုက်ပျိုးရေးနဲ့ စီးပွားရေးကိုပဲ တစိုက်မတ်မတ်လုပ်လာခဲ့တဲ့ကောင်။ ဘာသာရေးနဲ့ဝေးခဲ့သူပေါ့။ နီးလျက်နဲ့ကို ဝေးခဲ့တာ။

ဘုရားတရားအလုပ် လုပ်တယ်ဆိုတာကလည်း စိတ်အားထက်သန်ဦးမှကိုး။ ထမင်းမစား ဟင်းမစားနဲ့ တရားချည်းထိုင်နေလို့ ရတာမဟုတ်ဘူးလေ။ ဘုရားတောင်မှ အမှီရှိမှ ပွင့်တယ်ဆို မဟုတ်လား။ ဆိုတော့ကာ ပါရမီဖြည့်ဖက်လေးတော့ လိုတယ်ပေါ့ဗျာ။

ကျုပ်တို့ယောက်ျားတွေဆိုတာ ငယ်စဉ်က မိဘရဲ့ ပြုစုယုယမှုအောက်မှာ အရွယ်ရောက်လာရတဲ့လူ။ အရွယ်ရောက်လာတော့ ဇနီးမယားရဲ့ ပြုစုယုယမှုအောက်မှာ အရွယ်ရလာတဲ့လူတွေမဟုတ်လား။ ကျုပ်ဆိုတဲ့ကောင်က တစ်သက်လုံး အမေ့လက်ရာ၊ မိန်းမလက်ရာ ထမင်းကောင်း ဟင်းကောင်းလေး စားလာခဲ့သူဗျ။ မတင်မိဆိုတာ မနက်မိုးလင်းတာနဲ့ ကျုပ်အတွက် ဆားဘူးအဆင်သင့်၊ မျက်နှာသုတ်ပ၀ါ အဆင်သင့်ပြင်ပြီး ထမင်းပူပူကို ဆီရွှဲရွှဲဆမ်း ပဲပြုတ်နိုင်နိုင်နယ်ပြီး စောင့်ကျွေးတတ်တဲ့သူ။

ကျုပ် ရေချိုးနေပြီဆို ၀တ်ဖို့အ၀တ်အစား အသင့်ပြင်ပြီးသား။ ကျုပ်လမ်းထွက်တော့မယ်ဆို ဦးထုပ်နဲ့၊ လက်ကိုင်ပ၀ါနဲ့ ခရီးစရိတ်အသေးသုံး ပိုက်ဆံကအစ အိမ်ထောင်ထဲထည့်ပြီးသား။ လွယ်အိတ်ယူမယ့်လမ်းဆို လွယ်အိတ်ပြင်ပြီးသား။ နေရာတကာမှာ ကျုပ်က အပြုစုခံလာရတဲ့ကောင်ဗျာ။ ကျုပ်က ယောက်ျားပီသစွာ၊ အိမ်ထောင်ဦးစီးပီသစွာ ငွေရှာပေးခဲ့သူပါ။ ဒီလို အသေးစိတ်အလုပ်အကိုင်ကလေးတွေကိုတော့ ကိုယ်တိုင် မလုပ်တတ်ဘူးဗျာ။

ကျုပ် မတင်မိကို သတိရတယ်။ လွမ်းတယ်။ မကြာခဏ မျက်ရည်ကျမိပါတယ်။ ဒါနဲ့များ နောက်မိန်းမထပ်ယူရသေးတယ်လို့ ဆိုချင်ကြမှာပေါ့။ မတင်မိကို သတိရတာက တစ်ပိုင်း၊ နုကြည်ကို ယူရတာကတစ်ပိုင်း။ အပိုင်းကဏ္ဍချင်းက မတူနိုင်ဘူးလေ။ ကိုယ်ချင်းစာကြည့်စေချင်ပါတယ်။ ကျုပ်မှာ ပေးစရာ ဥပမာတွေလည်း အများကြီးပါ။

မြောက်ပိုင်းက ဘကြီးထွန်းဇံကို ကြည့်ဗျာ။ အသက် ၉၀ ကျော်ပြီ။ ရွာမှာဆို တကယ့်ရှေးလူကြီးပေါ့။ တစ်ရွာလုံးက ဘကြီးထွန်းဇံကို လေးစားကြတာပဲ။ သီတင်းကျွတ်ပြီဆိုရင် ဘထွန်းဇံအိမ်မှာ လူအင်မတန်စည်တာ။ ဘထွန်းဇံကို လာကန်တော့ကြတဲ့ စားသောက်စရာအသီးအနှံတွေ၊ မုန့်တွေ ရွာဓလေ့အတိုင်း ဟိုဟာနည်းနည်း ဒီဟာနည်းနည်း စုံလို့ပါပဲ။ ဘထွန်းဇံကို လာကန်တော့တဲ့လူတွေထဲမှာ သားသမီးအရင်း ဘယ်နှစ်ယောက်ပါသလဲ ကြည့်လိုက်ပါ။ နှစ်ယောက်လောက်ပါရင်ပဲ ကံကောင်း။

ပြောရင် ယုံချင်မှယုံမယ်။ ဘထွန်းဇံမှာ သားသမီး ဆယ့်တစ်ယောက်ရှိတယ်။ ဆယ့်တစ်ယောက်သော သားသမီးတွေရဲ့ ဖခင် ဘထွန်းဇံ ဘယ်လောက်များအထီးကျန်လိုက်သလဲ။ တစ်ရွာလုံးအမြင်ပါပဲ။ တစ်ယောက်တည်း ငြိမ်ငြိမ်ကြီးထိုင်ပြီး မျက်ရည်ကျနေတဲ့ ဘထွန်းဇံကို ကျုပ် မကြာခဏ တွေ့ဖူးနေတာပဲ။

ခုချိန်မှာ ဘထွန်းဇံအနားမှာ ဘယ်သားသမီးမှ မရှိတော့ဘူးမဟုတ်လား။ ကြာခဲ့ပါပြီ။ ဘထွန်းဇံတစ်ယောက်တည်း ဘ၀ကို ကြံ့ကြံ့ခံရင်ဆိုင်နေခဲ့တာ ဆယ်နှစ်မကတော့ပါဘူး။ ဘယ်သားသမီးမှလည်း တစ်နှစ်တစ်ခေါက် မှန်မှန်လာမကန်တော့နိုင်ဘူးလေ။ ကျုပ် ဘထွန်းဇံလို မခံစားချင်ဘူးဗျာ။

နောက်ပြီးခဲ့တဲ့နှစ်က ဆုံးသွားတဲ့ ကိုဘိုတောက်။ သူ့မှာလည်း သားသမီးငါးယောက်ရှိတာပဲ။ သုံးယောက်က ကျုပ်တို့ရွာမှာပဲ အိမ်ထောင်ကျတာ။ ဒါပေမယ့် ကိုဘိုတောက်မိန်းမဆုံးတော့ သူတစ်ယောက်တည်း ဆင်းရဲဒုက္ခရောက်ပြီးနေခဲ့ရတယ်။ သူ့မှာက ကျုပ်လို စီးပွားရေးမတောင့်တင်းတော့ တစ်နေ့စာတစ်နေ့ ရှာဖွေစားသောက်ပြီး တစ်ယောက်တည်းအထီးကျန် သေဆုံးခဲ့ရတာ။ ဒီတော့ ကျုပ် သူခိုး သေဖော်ညှိချင်မိတယ်ပေါ့ဗျာ။

ရွာလယ်က ကိုအောင်ခင်ကိုကြည့်ဗျာ။ မိန်းမ မမာဘူးဆိုကတည်းက ချိန်ထားပြီးသားဖြစ်နေတော့ မိန်းမလည်းဆုံးရော ချက်ချင်းကောက်ယူလိုက်တာပဲ။ ကိုအောင်ခင်တို့က ကျုပ်လို ဘာမှ ထည့်တွက်ငဲ့ကွက်နေတာ မဟုတ်တော့ မိန်းမသေပြီး နှစ်လမပြည့်ခင် နောက်မိန်းမယူလိုက်တာပဲလေ။ ပြတ်ကရောမဟုတ်လား။ ရွာထဲကလူတွေဆို ဒီအကြောင်းကို တစ်ပတ်လောက်ပဲရေးကြီးခွင်ကျယ် လုပ်ပြောလိုက်တယ်။ နောက်တော့လည်း ရပ်သွားတာပဲ။ ခုဆို ကိုအောင်ခင်နဲ့ သူ့နောက်မိန်းမ အဆင်ကိုပြေလို့။

သန်းမောင်ကျတော့တစ်မျိုး။ မယားငယ်ငယ်လေးယူပြီးမှ ဆုံးသွားလို့ သူ့ကြီးတော်လောက်ကြီးတဲ့ မိန်းမနဲ့ ထပ်ရပြန်တာ။ ချောင်းနိမ့်ထဲက ကိုညိုကြီး။ သူကမှ တကယ့် စီးဖုချန်းအစစ်။ ဒါပေမယ့် သူက တရုတ်ကားတွေ ခေတ်မစားခင်ကတည်းက ဖြစ်ပြီးသားဇာတ်ဆိုတော့ ဘယ်သူမှ မပြောသာတော့ဘူး။ ကိုညိုကြီးက မိန်းမသုံးယောက်နဲ့ တစ်အိမ်တည်းနေတာ။ ဘာအလုပ်မှလည်းမလုပ်ရဘူး။ မိန်းမသုံးယောက်က လုပ်ကိုင်ကျွေးနေတာ၊ မယုံမရှိနဲ့။ ကျုပ်တို့ရွာလာကြည့်လှည့်။ ဆေးလိပ်ဟေ့ဆိုရင် မီးညှိပြီးသား။ ရေနွေးငှဲ့ပေးရင် အဆင်သင့်သောက်နိုင်အောင် အအေးခံ မှုတ်ပေးသေးတာ။ ဒါတောင် ကိုညိုကြီးက စိတ်မထင်ရင် မထင်သလို မိန်းမသုံးယောက်ကို တန်းစီရိုက်လိုက်သေးရဲ့။

ကိုညိုကြီးမိန်းမသုံးယောက်က တစ်ယောက်နဲ့တစ်ယောက် ချစ်ချစ်ခင်ခင်ပဲ။ မယားကြီးက ကလေးမမွေးတော့ အငယ်နှစ်ယောက်ရဲ့ ကလေးတွေကိုထိန်းပေးတယ်။ ဘယ်လိုဝဋ်ကြွေးနဲ့ ဘယ်လိုကံတရားကြောင့် ဖြစ်လာတဲ့ဇာတ်လည်း မသိဘူး။ ကိုညိုကြီးကို ဝေဖန်မယ့်သူဆိုလို့ လုံးလုံးကိုမရှိတာ။ အားလုံးက 'ကိုညိုကြီးတို့တော့ ဟန်ပါ့ကွာ' ဆိုပြီး အားကျသလိုတောင် ပြောတတ်ကြသေး။

ကိုယ့်ထမင်းကိုယ်ရှာစားရတဲ့ ကျုပ်ကျမှ လူတွေက မကောင်းပြောချင်နေကြတယ်ဗျာ။ ကျုပ်က သူများမယား ကြာခိုတာလည်းမဟုတ်ဘူး။ သူများ သားပျိုသမီးပျို ဖျက်ဆီးတာလည်း မဟုတ်ဘူး။ မိန်းမသေပြီး နှစ်နှစ်ကျော်မှ မဖြစ်သာလွန်းလို့ သင့်တော်တဲ့ မိန်းမတစ်ယောက်ကို ရပ်ရွာအသိအမှတ်ပြုလက်ထပ်ယူလိုက်တာ။ ကျုပ်မိန်းမယူတာ ဘယ်သူ့ကိုထိခိုက်လို့လဲဗျာ။ ပြောနေကြတဲ့ စကားတွေကတော့ ခြုံကြည့်လိုက်ရင် တစ်မျိုးတည်းပါပဲ။ အသက်ကြီးလှပါပြီ။ ဘိုးကြီးအိုဖြစ်နေတာတောင် ဒီစိတ်က မကုန်ချင်သေးဘူး။ သေခါနီးပဲပေါ့ မိန်းမနားကပ်ချင်တုန်း။ တရားမရှိလို့ပေါ့တဲ့။ ဘုရားတရားဘက် စိတ်ပါနေရင် ဒါမျိုးလုပ်မလားတဲ့။

ဒီအချိန်မှာ ဘုန်းကြီးကျောင်းသွားပြီး တရားထိုင်နေဖို့ကောင်းတာ။ ဒါမှ ကိုယ့်နောက်ပါမယ်။ သူ့ဒုက္ခသူရှာတာ။ ဒုက္ခလှလှကြီးတွေ့ဦးမယ်။ စကားတွေကတော့ စုံလို့စုံလို့။ ကျုပ်ကို ကျိန်ဆဲကြ၊ မေတ္တာပို့ကြပေါ့ဗျာ။ ပြောလိုက်တဲ့စကားတွေထဲမှာ တရား၊ တရားဆိုတာတွေက ညံနေတာပဲ။ တရားဆိုတဲ့စကားလုံးကို နားနဲ့မဆံ့အောင် မတရားပြောနေတာကရော တရားသလားဗျာ။

ကျုပ် အရက်မသောက်ဘူး၊ ဖဲမရိုက်ဘူး၊ သမ္မာအာဇီဝနဲ့ အသက်မွေးတယ်။ သို့သော် ကျုပ် ဘာသာရေးလိုက်စားမှု အားနည်းတာအမှန်ပဲ။ ကျုပ် တရားမထိုင်ဖူးပေမယ့် သူများကို မတရားမလုပ်ဖူးဘူးဗျ။ အလကားနေရင်း သူများကိုမကျိန်ဆဲဖူးဘူး။ ကျုပ် တရားထိုင်တဲ့လူတွေကို ချီးကျူးပါတယ်။ ဘယ်တုန်းကမှ ပုတ်ခတ်မပြောဖူးဘူး။ ကျုပ်ပြောချင်တာက တရားထိုင်သည်ဖြစ်စေ၊ တရားမထိုင်သည်ဖြစ်စေ တရားဖို့တော့လိုတယ်ဗျနော်။ ခုကိစ္စမှာ လူတွေတရားသလား၊ မတရားသလားဆိုတာ စေ့စေ့ငုငုတွေးကြည့်။

ကျုပ်ကို အသားလွတ် မျက်မုန်းကျိုးနေကြတာ။ နုကြည်ကို ရှာကျွေးမှာ ကျုပ်ပါ၊ သူတို့မဟုတ်ပါဘူး။ ဆွေရိပ်မျိုးရိပ်မကင်းတွေကတောင် ဒီလောက်ပြောဆိုနေမှတော့ ကျုပ်သားသမီးအရင်းခေါက်ခေါက်တွေဆိုတာ ဘယ့်နှယ်နေမလဲ။ တကယ့် ပွဲကြီးပွဲကောင်းပါပဲဗျာ။ တစ်နှစ်တစ်ခါ မှန်မှန်ရောက်မလာတတ်တဲ့ ကျုပ်သားသမီးတွေ ချက်ချင်းရောက်လာကြတယ်။ ရင်ဘတ်စည်တီး ငိုကြီးချက်မနဲ့ပေါ့။ မတင်မိသေတုန်းကတောင် သောသောမညံခဲ့တဲ့အိမ်၊ ကျုပ် မိန်းမယူမှပဲ ပွက်လောရိုက်တော့တယ်။ ရန်ကုန်က သမီးကြီးနဲ့ ပုသိမ်က သမီးလတ်ကို ဒီမှာရှိနေတဲ့ သမီးနှစ်ယောက်က ကျုပ်အကြောင်းတွေ ပြောကြ၊ ငိုကြ။

သားနှစ်ယောက်ကတော့ ယောက်ျားသားတွေမို့ ကျုပ်ကို ကိုယ်ချင်းစာနိုင်ကြတယ်ထင်ပါတယ်။ သားငယ်က သူ့အစ်မတွေ အရေးတကြီး လှမ်းခေါ်လို့ အားချင်းရောက်လာတာ။ ခွင့်မရလို့ဆိုပြီး တစ်ညအိပ်ပဲနေနိုင်တယ်။ ကျုပ်ကိုလည်း အပြစ်တင်စကား တစ်ခွန်းမှမပြောဘဲ အေးအေးဆေးဆေးပြန်သွားခဲ့တာ။ မအေးဆေးနိုင်ကြတာတော့ ကျုပ်သမီး လေးယောက်ပဲ။

အကြီးဆုံးမကအစ ထိန်းမနိုင်အောင် ဖြစ်နေတော့ ကျုပ် ဘာကိုမှ မပြောသာတော့ဘူး။ 'အဖေမို့ လုပ်ရက်တယ်၊ အဖေမို့ လုပ်ရက်တယ်' ဆိုတဲ့စကားဟာ ကျုပ် အသည်းနှလုံးကို ဖဲ့ခြွေပစ်လိုက်သလိုပါပဲဗျာ။ 'အဖေ အရှက်မရှိဘူးလား၊ အမေ့မျက်နှာ မထောက်ရင်တောင် သမီးတို့မျက်နှာထောက်ပါဦးလား အဖေရဲ့။ ဒါ သမီးတို့ကို အဖေ သက်သက်အရှက်ခွဲလိုက်တာမဟုတ်လား။ ရှက်စရာကောင်းလှချည့်ရဲ့၊ အမေရေ လာကြည့်လှည့်ပါဦး။ အဖေလုပ်ပုံတွေကို ကြည့်လှည့်ပါဦး'

ကျုပ် တကယ်စိတ်ထိခိုက်ရတယ်ဗျာ။ ကျုပ်ကို သူတို့ နားမလည်နိုင်ပါလားဆိုတာ မျက်မြင်ကိုယ်တွေ့ ခံစားလိုက်ရတာ။ ကျုပ်သမီးလေးယောက်ပေါင်းပြီးသောင်းကျန်းလိုက်ကြတာ ကျုပ်မှာနေစရာကို မရှိတော့ဘူး။ သူတို့ရောက်လာမှတော့ ဟိုမိန်းကလေးလည်း ဘယ့်နှယ့်လုပ် အိမ်မှာနေနိုင်လိမ့်မလဲ။ အခြေအနေချင်းကလည်း ကွာတာကိုး။ နုကြည်ဆိုတာက ကျုပ်သမီးတွေအတွက် ရေထမ်း၊ ဆန်ရွေး၊ မီးမွှေး အောက်ခြေသိမ်းလုပ်ကိုင်ပေးခဲ့ဖူးတဲ့ ကလေးမ၊ သူတို့ခိုင်းဖတ်မဟုတ်လား။ သူ့ခမျာ ခေါင်းကိုမဖော်နိုင်ရှာပါဘူး။ ကျုပ်သမီး အကြီးမ တော်တော်ဆိုးတယ်ဗျာ၊ လေးယောက်စလုံးမထူးပါဘူးလေ။ ဟိုကလေးမကို လက်ညှိုးငေါက်ငေါက်ထိုးပြီး ပိုးစိုးပက်စက် ပြောဆိုနေတာ။

တကယ်ပဲဗျာ။ သူတို့ကို ခေတ်ပညာတွေ ဒီလောက်အပင်ပန်းခံ သင်ကြားပေးခဲ့ပါလျက် ခုလောက်ရိုင်းပျမောက်မာတာ ကျုပ်ရင်နာတယ်။ 'ငါတို့အဖေ အိုရွတ်တွကြီးကို ညည်းက ဘယ်နှစ်နှစ်ပေါင်းရမှာမို့လဲ။ ညည်းမို့ ကြံတတ်ပလေတယ်။ အဖေ့စည်းစိမ်တွေကို ဒီလိုနည်းနဲ့ ယူချင်လို့ရမှာတဲ့လား။ အံ့သြလို့မဆုံးဘူး။ ကိုယ့်အဖေ ကိုယ့်အဘိုးအရွယ်ကြီးကို သူမို့ လင်လုပ်နိုင်တယ်၊ အောင်မလေး အရပ်ကတို့ရဲ့ ကြည့်ကြစမ်းပါဦး'

'ညည်းအတွက် လင်ဒီလောက်တောင် ရှားနေသလား၊ ငါတို့အဖေကလွဲရင် ညည်းမှာလင်ရစရာ မရှိတော့လို့လား၊ ပြောစမ်းပါဦး နုကြည်မရဲ့။ လိုချင်ရင် ငါတို့်ရှာပေးစမ်းပါမယ်။ ညည်းစိတ်ကြိုက် မင်္ဂလာဆောင်ပေးနိုင်ပါသေးတယ်။ ငါတို့အဖေက နွားအိုမြက်နုကြိုက်ဦးတော့ ညည်းက ငြင်းလိုက်ပါတော့လား၊ ငြင်းလိုက်ပါတော့လား၊ ညည်းကိုယ်တိုင်ပါလို့ ဒီဇာတ်လမ်းဖြစ်လာတာပါ နုကြည်မရဲ့'

ကျုပ်ကတော့ သူတို့ပြောသမျှ မကြားတစ်ချက် ကြားတစ်ချက်ပဲ။ ဟိုကလေးမ ဘယ်အချိန်က ထွက်သွားတယ်ဆိုတာလည်း ကျုပ် မသိလိုက်ဘူး။ ထွက်တော့သွားပြီ။ ဒါ မဖြစ်သင့်ပါဘူးဗျာ။ တကယ်ဆို ကျုပ်တို့က ရပ်သိရွာသိ လင်မယားဖြစ်နေပြီပဲဟာ။ သူ့ခမျာလည်း အရှက်နဲ့သိက္ခာနဲ့ပဲ။ အကြောင်းမလှလို့ ကျုပ်လိုအဘိုးကြီးနဲ့ယူရတာ တစ်ပိုင်းပေါ့။ လူ,လူချင်း ဒီလောက်ထိ ပိုးစိုးပက်စက်ပြောဖို့ မကောင်းဘူးပေါ့ဗျာ။ ကျုပ် သိပ်စိတ်ဆင်းရဲရတယ်။ သူတို့က ကျုပ်ကို အဖေတစ်ယောက်ရယ်လို့ ရိုသေမှုကိုမရှိတော့တာ။ မိန်းမတစ်ယောက်ယူမိတဲ့ပြစ်ချက်နဲ့ ကျုပ်တစ်သက်လုံး ရှာဖွေလုပ်ကိုင်ကျွေးမွေးခဲ့သမျှ တကယ့်ကို သဲထဲရေသွန်ပါပဲ။

သူတို့က ကျုပ်နောက်မိန်းမယူလိုက်တော့ ကျုပ်ပိုင်ဆိုင်သမျှတွေကို ကလေးမချည်း ရသွားမှာစိုးတာကိုး။ အမှန်ဆို မတင်မိဆုံးကတည်းက ရွှေတွေအားလုံး သားသမီးတွေကို ခွဲဝေပေးပြီးသား။ ကျုပ် လက်ရှိနေနေတဲ့ အိမ်၊ လယ်၊ ယာ၊ ဥယျာဉ် ဆိုတာတွေကတော့ အလွယ်တကူရောင်းဖို့ လွယ်တာမဟုတ်ဘူး။ သူတို့လည်း ဆက်ခံနိုင်တာမှမဟုတ်ဘဲ။ ဒါကို မက်နေဖို့မသင့်ဘူးလို့ ကျုပ်ထင်တာပဲ။ သူတို့ကို အိုးအိမ်အတည်တကျနဲ့ အဆင်ပြေအောင် ကျုပ်တတ်စွမ်းသမျှ ပံ့ပိုးပေးခဲ့ပြီ။ ဒါပေမယ့် ကျုပ်ပိုင်ဆိုင်သမျှကို နောက်ထပ် ဝေခွဲပေးဖို့လည်း စိတ်ကူးထားပြီးသားပါ။

နုကြည်ကိုပေးထားတာဆိုလို့ ဆွဲကြိုးလေးတစ်ကုံးပဲရှိပါသေးတယ်။ ဒါလည်း မတင်မိပစ္စည်းမဟုတ်ဘူး။ မြို့တက်ပြီး ခုမှ ကျုပ်ဝယ်ထားတဲ့ တစ်ကျပ်သားကြိုးလေးပါ။ ဒါကို သူ့အမေပစ္စည်း ပေးရပါ့မလားဆိုပြီး ဆွေ့ဆွေ့ခုန်တဲ့လူကခုန်။ မတင်မိဆုံးပြီးတော့ ကျုပ်မှာရွှေဆိုလို့ ၀တ်ထားတဲ့ ပတ္တမြားလက်စွပ် တစ်ကွင်းပဲကျန်တာ။ အားလုံး သူတို့ယူပြီးသား။ ဒါကိုပဲ ကျုပ်ကို ရန်လုပ်နေတော့ မခက်လားဗျာ။

ရှက်စရာကောင်းတယ် ကောင်းတယ်နဲ့ တကယ်တော့ ကျုပ်မိန်းမယူတာက ရှက်စရာ တယ်မကောင်းလှပါဘူး။ သူတို့ ၀ိုင်းသောင်းကျန်းကြတာမှ အရှက်တကွဲ အကျိုးနည်းဖြစ်ရတာ။ ကျုပ်ကလည်း ခပ်အေးအေးသမားဆိုတော့ သူတို့ကလေးတွေနဲ့ ပြိုင်ပြီး ဘာမှမပြောလိုတော့ဘူး။ အရှိန်နဲ့သွားကြပါစေဦး၊ မောလောက်ရင် ပွဲပြီးသွားမယ်လို့ ကျုပ်က တွက်တာကိုး။ မပြီးဘူးဗျာ။ မမောနိုင်မပန်းနိုင်ဘဲ အိမ်ပေါ်က ဆင်းသွားရတဲ့ နုကြည်ကို ဘယ်တော့မှ ပြန်မလာနဲ့လို့ အမိန့်ထုတ်ကြပြန်ရော။ ရွာလူကြီးကို သွားတိုင်လား တိုင်ရဲ့၊ ရွာလူကြီးကလည်း သူတို့ ဘကြီးဝမ်းကွဲမို့လား။

သူတို့ပြောချင်ရာတွေ အားမနာ ပါးမနာပြောကြတာပေါ့။ နုကြည်နဲ့ ကျုပ်ကို ပြန်ကွဲပေးဖို့ သူတို့က တောင်းဆိုတယ်။ သူတို့ကသာ အဖေဖြစ်တဲ့ကျုပ်ဘက်က ခံစားချက်ကို လုံးဝနားမလည်ဘဲ ထင်ရာစိုင်းနေကြတာ။ ကျုပ်ကတော့ သူတို့ခံစားချက်ကို နားလည်ပေးပါတယ်။ 'ငါ လူမရိုသေချင်စရာ အလုပ်လုပ်မိလို့ ဒီလိုဖြစ်ရတာ' လို့ တွက်ပါတယ်။ ဒါပေမယ့် ဖြစ်ပြီးခဲ့ပြီလေဗျာ၊ ပြန်ပြင်လို့ မရနိုင်တော့ဘူး။ ကျုပ်လိုလားလို့ ယူထားတဲ့ မိန်းမကို ပြန်ကွဲရမယ်ဆိုတာတော့ဗျာ။

သူတို့က သူတို့နဲ့လိုက်နေ၊ အဖေကြိုက်တဲ့ အိမ်မှာလိုက်နေ၊ ဒီမိန်းမနဲ့မပေါင်းရင်တော်ပြီတဲ့။ အတော်ခွကျတဲ့ကိစ္စပဲ။ တစ်ဖက်မိန်းကလေးအတွက်ကို သူတို့လုံးဝကို ထည့်မတွက်တာ။ လျော်ကြေးပေးမယ်တဲ့။ ဘယ်လောက်ပေးရပေးရ လျော်မယ်တဲ့။ ကဲ… ကြည့်ကြစမ်းပါဦး။ မိန်းမတစ်ယောက်ကို ယူချင်တဲ့အချိန်ကောက်ယူပြီး မယူချင်တော့ဘူးဆိုပြီး လျော်ကြေးပေးကွဲရမတဲ့။ ဘယ်လောက်ဆိုးလိုက်သလဲ။ မိန်းမချင်း သူတို့မို့ ကိုယ်ချင်းမစာနာ၊ ခက်တာက အဲဒါ ကျုပ်နှမတွေ ကျုပ်သမီးတွေ ဖြစ်နေတယ်ဗျာ။

ပြောရမယ်ဆိုရင် တစ်ဖက်မိန်းကလေးကလည်း ကျုပ်တို့လုပ်သမျှ နာခံရမှာပဲ။ နာခံမယ့်သူဆိုပါတော့။ ဘာပဲဖြစ်ဖြစ် ကျုပ် အဲဒီလောက်တော့ မယုတ်ညံ့ဘူးဗျာ၊ ကျုပ် အသက်ကြီးမှ နောက်အိမ်ထောင်ပြုတာ အပြစ်ဖြစ်တယ်ဆိုရင် အဲဒီအပြစ်ဟာ ယူပြီးသားမိန်းမကို တရားလက်လွတ် လျော်ကြေးပေးကွဲလိုက်တဲ့အပြစ်လောက် ကြီးမယ်မထင်ဘူး။ ကျုပ် သူတို့ကိုတော့ သနားပါတယ်။ ငိုရလွန်းလို့ မျက်လုံးတွေလည်း ဖောင်းရောင်နေကြပြီ။ သူတို့အမေသေတုန်းကတောင် တစ်ရက်နှစ်ရက်ငိုပြီး ပြီးသွားကြတာ။ ခုကျမှ နေ့ရှိသရွေ့ ငိုလို့ကိုမဆုံးနိုင်ဘူး။ ကျုပ်တို့မိသားစု ပြဿနာကို သူတို့ဘကြီးလည်း ဘယ်လိုကိုင်တွယ်ဖြေရှင်းပေးရမှန်းမသိဘူး ဖြစ်နေတယ်။ အောင်မယ် သူတို့က ဘကြီးကိုတောင် အပြစ်ပြောရန်လုပ်နေကြသေးတာ။ ဘကြီးက အသိအမှတ်ပြု လက်ထပ်ပေးလို့သာ ကျုပ် မိန်းမရတယ်ပေါ့လေ။ သူတို့ဘကြီးက ကျုပ်ကို နားလည်နိုင်တယ်။ ရွာထဲက လူကြီးတော်တော်များများ ယောက်ျားသားတွေပေါ့လေ ကျုပ်ကို နားလည်ကြတယ်။

ကျုပ်ကို နားမလည်နိုင်တာက မိန်းမတွေ။ ပြီးတော့ ခပ်ငယ်ငယ်ကောင်ကလေးတွေ။ အဆိုးဆုံးကတော့ ကျုပ်နှမ၊ တူမတွေနဲ့ သမီးတွေပေါ့ဗျာ။ ပြဿနာအတေ်ာကြီးကို ခက်ခဲတဲ့အပိုင်းကို ရောက်လာတယ်။ သားငယ်က တစ်ရက်နဲ့ပြန်သွားပြီး သားကြီးက လေးရက်မြောက်တဲ့နေ့မှာ ပြန်သွားတယ်။ အလုပ်တွေကို ပစ်ထားခဲ့ရတာမဟုတ်လား။ အိမ်မှာကျန်ရစ်တာက ညီအစ်မသုံးယောက်ပဲပေါ့။ နို့ညှာမကလည်း တစ်ရွာတည်းဆိုပေမယ့် ယောက္ခမကြီးရှိနေတော့ အိမ်ကိုပစ်ထားလို့ မရဘူးလေ။ နို့ညှာမရဲ့ ယောက္ခမကြီးက အသက် ၈၀ ထဲရောက်နေပြီ။ သူပဲ ပြုစုပေးနေတာ။

ဒီတော့ ကျုပ်အိမ်ပေါ်မှာ သမီးအကြီးမ၊ အလတ်မနဲ့ အငယ်ဆုံးမ သုံးယောက်ပေါင်းပြီး အကြံထုတ်နေကြတယ်။ သူတို့ ဒေါ်ကြီးထွေး၊ ဦးကြီး ဘထွေးတွေနဲ့ တိုင်ပင်လို့ပေါ့လေ။ ကျုပ်နဲ့နုကြည် ကွဲရေး တွဲရေးကိစ္စကို အကျယ်တ၀င့် တိုင်ပင်ဆွေးနွေးနေကြတယ် ဆိုပါတော့။ ကျုပ် သဘောကို နားလည်တဲ့ ဆွေမျိုးသားချင်း လူကြီးတွေကတော့ သူတို့ နားဝင်အောင် နားချတာပေါ့လေ။

'ညည်းတို့ ဒီလောက်တင်းမာနေဖို့ မကောင်းဘူး။ ကိုယ့်အဖေလည်း အသက်ကြီးလှပြီ။ သူ စိတ်ချမ်းသာအောင်ထားဖို့ပဲ ရှိတော့တယ်' ဘာညာ ကျုပ်ဘက်ကနေပြီး ပြောပေးကြတာပေါ့ဗျာ။ ဘယ်သူတွေ ဘယ်လောက်ပြောပြော သူတို့ကလည်း ဘူးပဲ။ အသက်ကြီးလို့ပဲ မိန်မးငယ် မယူစေချင်တာပေါ့တဲ့။ ဘယ်လိုပဲဖြစ်ဖြစ် ပြဿနာက ဒီလို တိုးလိုးတန်းလန်းကြီးထားလို့ မရဘူး။ ဖြတ်ရတော့မယ်။ ပြောမယ့်သာပြောတယ်။ အကြီးမကလည်း ကျုပ်အိမ်မှာ ဘယ်နှစ်ရက်နေနိုင်မှာလဲ။ ရန်ကုန်မှာ ကျန်ရစ်ခဲ့တဲ့ မိသားစုအတွက် ပူပန်လာရပြီ။ အငယ်ဆုံးမကတော့ သွားလိုက် ပြန်လိုက် လုပ်နေနိုင်သေးရဲ့။

ကျုပ် အသာငြိမ်နေလိုက်တယ်။ ကျုပ်သမီးတွေကိုကြည့်ပြီး ၀မ်းနည်းသလို၊ ၀မ်းသာသလိုလိုနဲ့ ခံစားမှုတွေကိုက ရှုပ်ထွေးနေတာ။ အလတ်မကလည်း ပုသိမ်မှာ ဈေးဆိုင်ဖွင့်ထားတဲ့လူဆိုတော့ သူ့ဆိုင်အကြောင်းကို ပြောနေပြီ။ ကျုပ်အကြောင်းကိုချည်း ခေါင်းထဲထည့် စဉ်းစားနေတဲ့သမီးတွေ၊ ခုတော့ ဘယ်လိုမှဘေးဖယ် မေ့လျော့ထားလို့မရတဲ့ အကြောင်းအရာတွေကို တွေးနေကြပြီ။ ကျုပ်ကိစ္စကို သူတို့ ပြတ်ပြတ်သားသား ဖြတ်ထားချင်ပြီပေါ့။

"ကဲ… ဘကြီး ဆုံးဖြတ်ပေးပါ။ ကျွန်မတို့ကတော့ မပေါင်းစေချင်ဘူး။ အဖေ့ကို ခေါ်သွားချင်တယ်" တဲ့။ ဘကြီးကလည်း 'မောင်သိန်းဆောင် ဘယ်လိုလုပ်မလဲ။ မင်းဇာတ်ကို မင်းသိမ်း' ပေါ့လေ။ ဘကြီးကလည်း ကျုပ်တို့မိသားစု အရှုပ်တော်ပုံကြီးထဲမှာ ကန့်လန့်ကန့်လန့်ဖြစ်နေရတာကိုး။

'ကျုပ် သူတို့နဲ့ အပေးအယူလုပ်မယ်'

'ဘယ်လိုအပေးအယူလဲ'

'ဒီလောက်တောင် ကျုပ်ကို မိန်းမမယူစေချင်တာ ကျုပ် မယူတော့ဘူး၊ ဒါပေမယ့် ကျုပ်သေတဲ့အထိ ကျုပ်အိမ်မှာ သူတို့ထဲက သမီးတစ်ယောက်ယောက် ကျုပ်နဲ့အတူနေရမယ်။ ကျုပ်ကတော့ ဘယ်သားသမီးအိမ်မှာ လိုက်မနေနိုင်ဘူး။ ကျုပ် ဒီရွာမှာပဲနေမယ်။ ဒီအိမ်မှာပဲ သေမယ်'

ကျုပ်သမီးတွေ တိုင်ပင်ကြတယ်၊ တစ်ယောက်တစ်လှည့်စီ နေကြရအောင်လို့ အငယ်မကပြောတယ်။ အစ်ကြီးမက ဒီလိုတော့လည်း မဖြစ်ဘူးတဲ့။ သူ့သမီးငယ်က ဒီနှစ်ဆယ်တန်းတက်မှာဆိုတော့ အနီးကပ်စောင့်ကြပ်ပေးမရမှာတဲ့။ အလတ်မကတော့ ဘယ်လိုမှကို မဖြစ်နိုင်တာတဲ့။ နို့ညှာမကို တစ်ရွာတည်းမို့ အဖေနဲ့အတူနေပေးပါ တောင်းဆိုကြတယ်။ နို့ညှာမကလည်း မဖြစ်နိုင်ဘူး။ သူ့ယောက္ခမကြီးကို ပစ်ထားလို့မရဘူးတဲ့။ အိမ်မှာ ကျွဲတွေနွားတွေကလည်း ရှိသေးတော့ ပိုပြီးတောင် မဖြစ်သေးတာတဲ့။

သူတို့ချင်း ဘယ်လိုမှ တိုင်ပင်လို့မရတော့ ကျုပ်ဘက်ကို ပြန်လှည့်လာတယ်။ 'အဖေ သက်သက်မယ့်ပြောနေတာပဲ။ ကျွန်မတို့အဖေနဲ့ အတူနေမပေးနိုင်တာသိလို့ တမင်ကတ်ပြောတာ။ တကယ်ဆို အဖေ ကျွန်မတို့အိမ်တွေမှာ တစ်လှည့်စီနေ၊ ကြိုက်တဲ့အိမ်နေ ရတဲ့ဥစ္စာ။ ကျွန်မတို့မှာက ကိုယ့်အိမ်ထောင်နဲ့ကိုယ်ဟာ ဘယ့်နှယ်လုပ် ရွာမှာ အဖေနဲ့ လာနေပေးနိုင်တော့မှာလဲ'

'ဒါပေါ့၊ လူဆိုတာ အချိန်တန်ရင် ကိုယ့်လမ်းကိုယ်လျှောက်ရတာပဲ။ ကိုယ့်အိမ်ထောင်နဲ့ကိုယ် ဖြစ်လာတဲ့အခါ ကိုယ့်လင် ကိုယ့်သားထက်ပိုပြီး ဘယ်သူ့ကိုမှ ဦးစားမပေးနိုင်တော့ဘူး။ ဒါ လူ့သဘာဝတွေပဲ။ သိန်းဆောင်ကလည်း ဒါကို အပြစ်မတင်ပါဘူး။ သူလည်း သူ့လမ်းသူလျှောက်တာပဲ။ ခုဆို သူလည်း သူ့အိမ်ထောင်နဲ့သူပဲမို့လား။ ညည်းတို့အဖေကိစ္စကို ကိုယ့်နဲ့ယှဉ်ပြီး တွေးကြည့်ဖို့လိုတယ်။

အကြီးမ… အားလုံးထဲမှာ ညည်းက အကြီးဆုံး၊ ညည်းပဲ သေချာစဉ်းစားကြည့်ပါဦး။ ခုနေခါမှာ ညည်းယောက်ျားက ညည်းကို မပေါင်းချင်တော့ဘူး၊ ပစ်ထားခဲ့မယ်ဆိုရင် ညည်း ဒီအတိုင်း ငြိမ်ခံနေမလား'

'ဒါကတော့ လူချင်းရော အခြေအနေချင်းရော တူမှမတူတာဘဲ ဘကြီးရဲ့'

'ကဲပါလေ ဒါဆိုလည်း ညည်းတို့အဖေသဘောအတိုင်း ညည်းတို့သူနဲ့ အတူနေနိုင် မနေနိုင်သာပြောပါ။ ညည်းတို့မှ နေမပေးနိုင်လို့ကတော့ နုကြည်နဲ့ ပြန်ပေါင်းခိုင်းရမှာပဲ။ နို့မို့ဆို ဘကြီးလည်း ရွာလူကြီးတစ်ယောက်လုပ်နေပြီး မတရားရာကျမယ်။ ကိုယ့်ဆွေမျိုးသားချင်းမို့ သူများ သားပျို သမီးပျိုကို နိုင့်ထက်စီးနင်းလုပ်တာတောင် ခွင့်လွှတ်ထားတယ်လို့ အောက်မေ့ကြမယ်။ ညည်းတို့ ဘာမှပြောမနေကြနဲ့တော့။ ညည်းတို့ ကျေနပ်သည်ဖြစ်စေ မကျေနပ်သည်ဖြစ်စေ သိန်းဆောင်နဲ့ အဖော်လုပ်မပေးနိုင်ရင် နုကြည်နဲ့ ပြန်ပေါင်းရမယ် ဒါပဲ'

ဘကြီးက အဲဒီအတိုင်း ဆုံးဖြတ်ပေးတယ်။ သူတို့ မကျေနပ်ပေမယ့် ဘာမှမတတ်နိုင်တဲ့အဆုံး ငြိမ်သွားကြတယ်။ သဘောကတော့ ကျုပ် နုကြည်နဲ့ ပြန်ပေါင်းခွင့်ရပြီပေါ့။ တစ်ရပ်လုံး တစ်ရွာလုံး စိတ်ဝင်တစားစောင့်ကြည့်နေကြတဲ့ ကျုပ်တို့ ဇာတ်လမ်းအဆုံးသတ်ပြီပေါ့။

ကျုပ်တို့ဇာတ်လမ်းဆုံးသွားပြီဆိုပေမယ့် ကျုပ်ရင်ထဲမှာ မရှင်းလှဘူး။ တစ်ခုခုတင်ကျန်ရစ်ခဲ့သလို ခံစားရတယ်။ နုကြည်နဲ့ပြန်ပေါင်းရမှာမို့ ကျုပ်ထူးပြီး ပျော်မနေခဲ့ဘူး။ ကျုပ်အနေနဲ့ ကိုယ်လုပ်စရာရှိတဲ့အလုပ်တစ်ခု၊ တာဝန်တစ်ခု လုပ်ပြီးသွားသလိုပဲ ခံစားလိုက်ရတယ်။ ပြဿနာတွေ ဆုံးပြီဆိုတော့ ကျုပ်သမီးတွေလည်း ကိုယ့်အိမ်ကိုယ့်ယာဆီ ပြန်သွားကြပြီ။ ကျုပ်သွားမခေါ်သေးလို့ နုကြည်ပြန်မရောက်သေးတော့ အိမ်မှာ ကျုပ်တစ်ယောက်တည်းပေါ့။

ကျုပ် ဘယ်သူ့ကို သတိရနေတယ်ထင်လဲ။ မတင်မိ၊ ကျုပ်ကို သိပ်ချစ်ခဲ့တဲ့ မတင်မိကိုပေါ့။ ကျုပ်တစ်ယောက်တည်း ငူငူငေါင်ငေါင်ကြီး ထိုင်တွေးနေမိတယ်။ ကျုပ် တရားရသွားလို့တော့ မဟုတ်ပါဘူး။ လောကကြီးကို စိတ်ကုန်သွားသလိုပဲ၊ စိတ်ဓာတ်ကျသွားတဲ့သဘော ဖြစ်မလားဘဲ။ ကျုပ်သမီးတွေကအစ မိန်းမတွေကိုလည်း တော်တော်စိတ်ကုန်လာပြီ။ နောင်တရနေတာမဟုတ်ပေမယ့် ပျိုးမိတဲ့မီးအတွက်လည်း ကျုပ် ရင်လေးနေရပြီ။

'ရှင့်ကို သေစေချင်လို့တော့ မဟုတ်ပါဘူး ကိုသိန်းဆောင်ရယ်၊ ကျွန်မလေ ရှင့်အရင် မသေချင်ဘူး၊ ရှင်သေပြီး နောက်ရက်မှပဲဖြစ်ဖြစ် ကျွန်မသေချင်တယ်။ ကျွန်မ မရှိရင် ရှင် ဒုက္ခရောက်ကျန်ရစ်မှာ ကျွန်မသိပ်စိုးရိမ်တာပဲ ကိုသိန်းဆောင်ရယ်'

သူမရှိရင် ကျုပ်တစ်ယောက်တည်း ဒုက္ခရောက်ကျန်ရစ်မှာကို စိုးရိမ်ကြီးခဲ့တဲ့ မတင်မိ။ ကျုပ်ဒုက္ခတွေကို ရောက်လေရာ ဘ၀တစ်ခုခုက လှမ်းမြင်တွေ့ခဲ့ရင် ဘယ်လောက်များ ၀မ်းနည်းပက်လက်ရှိလိမ့်မလဲ။ ကျုပ် မတင်မိရဲ့ သနပ်ခါးဖုန်ဖုန်လိမ်းထားတဲ့ မျက်နှာနဲ့ တောက်တောက်တောက်တောက်နဲ့ ဇယ်ဆက်သလို လှုပ်ရှားနေတတ်တဲ့ ဟန်တွေကို မြင်ယောင်နေမိတယ်။ မိန်းမတွေဟာ ကိုယ်ချင်းစာတရား အတော်နည်းပါးတယ်လို့ ထင်နေမိတဲ့ ကျုပ်၊ မတင်မိပုံရိပ်တွေကို မြင်ယောင်မိတော့ တစ်မျိုးဖြစ်သွားတယ်။ မတင်မိအပေါ် လင်ယောက်ျားကောင်းတစ်ယောက်အဖြစ် ၀တ္တရားကျေခဲ့တာကလွဲရင် သိပ်ပြီး နွေးနွေးထွေးထွေး ဂရုမစိုက်ခဲ့မိတဲ့ ကျုပ်ကိုယ်ကျုပ် ပြန်မြင်ယောင်ကြည့်လိုက်မိတယ်။ အဲဒီအချိန်မှာမှ မိန်းမတွေရဲ့ သံယောဇဉ်နွယ်နေတဲ့ မေတ္တာတရားဆိုတာကို ကျုပ်မြင်သွားတယ်။ ဘာပဲဖြစ်ဖြစ် ကျုပ် နုကြည်ကို ပြန်သွားခေါ်ရဦးမယ်။ ဒါပေမယ့် ခုချိန်မှာတော့ ကျုပ် မတင်မိကို သတိရနေတယ်ဗျာ။

* * *

မေတ္တာဖြင့် - ယုဒါ

05112015 (9:39 PM)