ခင်ဦးကို ငပိန်လိုနေခွင့်မပြုနိုင်ပါ နှင့် ယုဒါကို ပြန်လည်ရှာဖွေခြင်း

ကမ္ဘာ့စာပေမှာပါမက မြန်မာ့စာပေတွေမှာလည်း သရုပ်မှန်ဝါဒတို့ ဖြစ်တည်မှုပဓာန၀ါဒတို့ဆိုပြီး ဆိုင်ရာဆိုင်ရာဝတ္ထုတွေရှိပါတယ်။ (တော်စတွိုင်း)တို့လို 'ဘောလ်ဇက်'တို့လို 'ဖလောဘတ်'တို့ 'ဒေါ်စတွိုင်ယက်စကီး'တို့လို သရုပ်မှန်စာပေကို အားကောင်းစွာရေးသားခဲ့ကြတဲ့ ကမ္ဘာ့စာပေပညာရှင်ကြီးများရဲ့ စာတွေဟာ ကမ္ဘာ့လူထုထဲ အရှိန်အဟုန်နဲ့စိမ့်ဝင်ပျံ့နှံ့အားကောင်းခဲ့သလိုမျိုးပဲ ဖြစ်တည်မှုပဓာန၀ါဒစာပေကို ထုတ်ဖော်ရေးသားခဲ့ကြတဲ့ 'ယန်းပေါလ်ဆောတ်'တို့လို 'အဲလ်ဘတ်ကမူး'တို့လို 'ကပ်ဖ်ကာ'တို့လို ကမ္ဘာ့စာပေပညာရှင်ကြီးတွေရဲ့ စာတွေကလည်း လူထုပရိသတ်တွေအကြား ကနေ့အချိန်အထိ အရှိန်မသေနိုင်ဘဲ အားကောင်းမောင်းသန် ပျံ့ဝင်စီးဆင်းနေဆဲဆိုတာကိုလည်း တွေ့မြင်ကြရမှာဖြစ်ပါတယ်။ ကျွန်မတို့လို ခံစားမှုတစ်စုံတစ်ရာကို လိုချင်တဲ့ စာဖတ်သူတွေအဖို့ ဘယ်လိုမူဝါဒတွေနဲ့ အသက်သွင်းဖန်တီးထားတဲ့ ၀တ္ထုမျိုးပဲဖြစ်ပါစေ၊ ရင်ဘတ်ကို လှုပ်ခတ်ထိခိုက်လာတဲ့ ရသ၀တ္ထုမှန်သမျှကို ခုံမင်နှစ်ခြိုက်တာချည်းပါပဲ။ ဥပမာ 'ဖလောဘတ်'ရဲ့ 'မဒမ်ဆိုဗွာရီ' ၀တ္ထုကို ကျွန်မအသည်းစွဲကြိုက်သလို 'ကမူး'ရဲ့ 'စည်းအပြင်ကလူ' ၀တ္ထုမျိုးကိုလည်း အလွန်အမင်း နှစ်သက်တာပါပဲ။

ပြောရရင်တော့ 'ခင်နှင်းယု'ကို ကြိုက်သလို 'ကြည်အေး'ကိုလည်း ခြွင်းချက်မရှိကြိုက်ခဲ့တာပါပဲ။ သရုပ်မှန်ဖြစ်ဖြစ်၊ ဖြစ်တည်မှုပဓာနဖြစ်ဖြစ်၊ သရော်စာဖြစ်ဖြစ် 'ရင်ကိုထိ'တဲ့ စာမျိုးဆိုရင် ကျွန်မက စွဲစွဲလမ်းလမ်းကြီးကို ကြိုက်လေ့ရှိတာပါပဲ။ 'မာဂရက်မစ်ချယ်' ရဲ့(လေရူးသုန်သုန်)၀တ္ထုမျိုးဆိုရင် ကျွန်မတို့နှစ်နဲ့ချီပြီး မမေ့နိုင်အောင် စွဲလမ်းနေရတဲ့ စိတ်လှုပ်ရှားစရာအင်မတန်ကောင်းတဲ့ အဖွဲ့မျိုးတွေ၊ အဲသလို လက်ကချလို့မရလောက်အောင် ကြိုက်လာပြီဆိုရင် အဲဒီဖန်တီးသူကို လှမ်းပြီးကြည်ညိုလေးမြတ်တော့တာ။ သူဖန်တီးမှုအနုပညာ ဖွဲ့စည်းတင်ပြတဲ့ အတတ်ပညာ၊ ဖန်တီးသူရဲ့ ရင်ဘတ်ထဲမှာ ဘာတွေရှိသလဲ၊ သူဘာတွေပြောမလဲဆိုတာ စိတ်ဝင်တစား သိချင်လာတတ်တယ်။ ဒါကြောင့် စာပေအင်တာဗျူးကို စောင့်ဖတ်ပြီး ကိုယ်ကြည်ညိုလေးမြတ်ရတဲ့ စာရေးဆရာတွေရဲ့ အမြင်၊ သူတို့ရဲ့အတွေးအခေါ်၊ အယူအဆ၊ သူတို့ရဲ့စေတနာ သူတို့သင်ပြမယ့်ပုံသဏ္ဍာန်၊ သူတို့ရဲ့ကြိုးစားအားထုတ်မှု ဒါလေးတွေကို ဖတ်ရ၊ သိရတော့ ကိုယ်ဖတ်ချင်သလို ကိုယ်သိချင်သလို၊ စာဖတ်ပရိသတ်ကိုလည်း သိစေချင်၊ ဖတ်စေချင်တဲ့စိတ်၊ ကျွန်မမှာ ဖြစ်လာတော့တာပါပဲ။

'ယုဒါ' ဆိုတဲ့ စာရေးဆရာမကို ကျွန်မကစပြီး သတိပြုဖတ်ဖြစ်ခဲ့မိတာကတော့ မြှားနတ်မောင်မဂ္ဂဇင်းလား၊ ရုပ်ရှင်တေးကဗျာ မဂ္ဂဇင်းလား၊ မဂ္ဂဇင်းကိုတော့ ကျွန်မ သေချာမမှတ်မိတော့ပါဘူး။ အဲ့ဒီမဂ္ဂဇင်းမှာပါတဲ့ 'ဖိနပ်'နဲ့ ပတ်သက်တဲ့ ၀တ္ထုတိုလေးတစ်ပုဒ်ဖြစ်တဲ့ 'ဖိနပ်စီးကြသူများ'ပါ။ အဲ့ဒီဝတ္ထုတိုလေးကို ဖတ်ရပြီးကတည်းက 'ယုဒါ'ရဲ့ ၀တ္ထုတွေကို 'စောင့်ဖတ်'ရတဲ့အထိ စိတ်ဝင်တစား ရှာဖွေဖတ်ရှုလာခဲ့ပါတယ်။ တချို့ဝတ္ထုတွေကိုတော့ ကောင်းကောင်းကြီး အမှတ်ရချက် ပြင်းနေတာမျိုးရှိသလို အချို့ဝတ္ထုတွေကျ ရင်နာလွန်းလို့ နောက်တစ်ကြိမ် ပြန်ဖတ်ဖို့မ၀ံ့လောက်အောင်ဖြစ်ရတဲ့ ၀တ္ထုမျိုးလည်းရှိပါတယ်။

ဘာပဲဖြစ်ဖြစ် ဒီဘက် ၂၀၀၀ပြည့်နှစ်ကျော်လွန်လာပြီးနောက်ပိုင်း 'ယုဒါ'ရဲ့ ၀တ္ထုတွေ မဂ္ဂဇင်းစာမျက်နှာပေါ်မှာ အတွေ့ရကျဲပါးလာခဲ့ပါတယ်။ ကျွန်မတို့သူငယ်ချင်းတွေ လက်ဖက်ရည်ဆိုင်မှာ အကြောင်းစုဆုံပြောဖြစ်ကြတိုင်း 'ယုဒါ'ဆိုတဲ့ အမည်နာမတစ်ခုဟာလည်း မမေ့မလျော့ပါလာတတ်မြဲ ဖြစ်ခဲ့ပါတယ်။ 'သူ့ဝတ္ထုတွေကိုမတွေ့ရတာ သိပ်နှမြောဖို့ကောင်းတာပဲကွာ'လို့ တစ်ယောက်ကပြောတိုင်း 'ဟုတ်တယ် သူက စာရေးသိပ်ကောင်းတာပဲကွာ' လို့ ကျန်တဲ့အားလုံးက တစ်ညီတစ်ညွတ်တည်းထောက်ခံကြတော့တာပဲ။ အဲ့သလိုမျိုး ကျွန်မတို့စာပေသူငယ်ချင်းတစ်စုရဲ့ စကားဝိုင်းထဲကို မကြာခဏရောက်ရောက်လာတတ်တဲ့၊ တခုတ်တရပြောဖို့ရာ လုံလောက်တဲ့ အနုပညဖန်တီးမှုနဲ့ ကျွန်မတို့ကို ဆွဲဆောင်နိုင်ခဲ့တဲ့ 'ယုဒါ'ကို ပြန်ရှာဖို့ ကျွန်မမှာဖြစ်လာတော့တာပါပဲ။ အဲ့ဒီအတွက်လည်း ကျွန်မတို့နည်းတူ 'စာရေးဆရာမ ယုဒါ'ရဲ့ စာဖတ်ပရိသတ်တွေ ကျေနပ်နိုင်ကြလိမ့်မယ်လို့ ကျွန်မထင်ပါတယ်။

မေး။    ။ လက်ချိုးရေတွက်လို့ရအောင် ကြိုက်ခဲ့တဲ့ဝတ္ထုတိုစာရေးဆရာမထဲမှာ 'ယုဒါ'ဟာလည်း တစ်ယောက်အပါအ၀င်ဖြစ်ခဲ့ပါတယ်။ အခုဒီဘက်နောက်ပိုင်းမှာ ဆရာမရဲ့ ၀တ္ထုတွေ မဂ္ဂဇင်းစာမျက်နှာတွေပေါ်မှာ အတွေ့ရကျဲပါးပြတ်တောက်သွားတာဟာ ဘာကြောင့်များဖြစ်မှာပါလဲ။

ဖြေ။     ။ ကျေးဇူးအများကြီးတင်ပါတယ်။ အထူးသဖြင့် ၀တ္ထုတိုစာသမားတွေအပေါ် အလေးထားမြတ်နိုးတတ်တဲ့ ဆရာမလမင်းအေးက ကျွန်မကို နှစ်သက်တယ်ဆိုလို့ ပိုပြီးတော့တောင် ကျေးဇူးတင်ဝမ်းမြောက်ရပါတယ်။

ကျွန်မရဲ့ ၀တ္ထုတွေ မဂ္ဂဇင်းစာမျက်နှာတွေပေါ်မှာမတွေ့ရသလောက် ကျဲပါးသွားတဲ့အကြောင်းကို အဖြေပေးရရင် ဆင်ခြေတွေများလွန်းနေလို့လို့ ပြောရပါလိမ့်မယ်။ စာဘက်ကိုအချိန်ပေးဖို့ထက် တခြားသော ဘက်ပေါင်းစုံဆီကို မထင်မှတ်ဘဲရောက်နေခဲ့ရတဲ့အတွက် အတွေ့ရနည်းသွားတာပါ။ စာလုံးဝမရေးဖြစ်တော့တာတော့ မဟုတ်ပါဘူး။ မဖြစ်မနေရေးပေးရမဲ့ ဌာနဆိုင်ရာ မဂ္ဂဇင်းအချို့အတွက်ရယ်၊ ပြီးတော့ တကူးတကလာတောင်းကြတဲ့ မိတ်ဆွေသူငယ်ချင်းတွေအတွက်ရယ် ရေးဖြစ်ပါတယ်။

ဝန်ထမ်းတစ်ယောက် ဖြစ်လာပြီးတဲ့နောက်ပိုင်း အရင်လို မဂ္ဂဇင်းတွေထဲမှာပဲ စိတ်ကိုမြှုပ်နှံထားပြီး အားသွန်ခွန်စိုက် စာမရေးဖြစ်တော့တာတော့ အမှန်ပါပဲ။ ဒါပေမယ့် ၂၀၀၉ ခုနှစ်ထဲမှာတော့ ယုဒါကို ပြန်တွေ့လာကြပါလိမ့်မယ်လို့ ပြောပါရစေရှင့်။

မေး။    ။ ဘယ်သူ့ရဲ့စာကိုကြိုက်ခဲ့ပြီး ဘယ်သူဟာ ကိုယ့်ရဲ့'ဟီးရိုး' ဖြစ်ခဲ့ပါသလဲ။

ဖြေ။     ။ ကျွန်မအကြိုက်ဆုံး စာရေးဆရာက ဆရာမကြီး ဂျာနယ်ကျော်မမလေးဖြစ်ပါတယ်။ ဂျာနယ်ကျော်မမလေးရဲ့ ၀တ္ထုအားလုံးကိုကြိုက်ပါတယ်။ ဒီနေ့အထိ မပြောင်းလဲသေးဘဲ အကြိုက်ဆုံးဖြစ်ခဲ့ ၀တ္ထုက 'သူမ'ပါ။ အတ္ထုပ္ပတ္တိအနေနဲ့တော့ ဆရာကြီးဂျာနယ်ကျော်ဦးချစ်မောင်အကြောင်းရေးထားတဲ့ 'သူလိုလူ' ကိုကြိုက်ပါတယ်။

ကျွန်မရဲ့ ဟီးရိုးက ဘယ်သူလဲဆိုတဲ့မေးခွန်းကိုဖြေဖို့ ဘယ်လိုပြောရမှန်းမသိဖြစ်သွားတယ်။ ခု ဆရာမက ကျွန်မကို စာရေးသူတစ်ယောက်အနေနဲ့ မေးတာဖြစ်ပေမယ့် ကျွန်မရင်ထဲမှာအမှန်တကယ်ရှိခဲ့တဲ့ ဟီးရိုးက စာရေးဆရာတစ်ယောက်မဟုတ်တဲ့အတွက် အဲဒါကို ပြောလို့ကောင်းပါ့မလားလို့ တွေးမိသွားလို့ပါ။ ဘာပဲဖြစ်ဖြစ်လေ ကျွန်မပြောချင်ပါတယ်။ ဘာလို့လဲဆိုတော့ သူလည်း သက်ရှိထင်ရှားရှိနေသေးတာမို့ ပြောရတာပိုထိုက်တန်ပါတယ်။ ကျွန်မလည်း ၀မ်းသာကျေနပ်ပါတယ်။

ကျွန်မငယ်ငယ်ကတည်းက စွဲစွဲလမ်းလမ်း အထင်ကြီးနှစ်သက်အားကျခဲ့တဲ့သူက အန်တီဝါ (ရုပ်ရှင်မင်းသမီးလည်းဖြစ်၊ ဒါရိုက်တာလည်းဖြစ်တဲ့ ဒေါ်ဝါ၀ါဝင်းရွှေပါ)။ ကျွန်မကိုယ်တိုင် ရုပ်ရှင်မင်းသမီးတစ်ယောက်ဖြစ်ချင်ခဲ့လို့ အန်တီဝါ့ကို အထင်ကြီးအားကျခဲ့တာတော့ မဟုတ်ပါဘူး။

အန်တီဝါ့ရုပ်ရှင်ဇာတ်ကားတွေကြည့်ဖြစ်တုန်းက ကျွန်မအလယ်တန်းကျောင်းသူဘ၀ပဲရှိပါသေးတယ်။ ဒါပေမယ့် ကျွန်မ အန်တီဝါ့ကို စွဲစွဲလမ်းလမ်းကြိုက်တတ်နေပြီ။ သူ သရုပ်ဆောင်လုပ်တာထက် ဒါရိုက်တာလုပ်တာကို ပိုအားကျနေမိတာ။ ကျွန်မက ဒါရိုက်တာတစ်ယောက် ဖြစ်ချင်ခဲ့တာကိုး။ အိပ်မက်ပေါ့လေ။ ဒါ ကျွန်မရဲ့ ငယ်ဘ၀အိပ်မက်တစ်ခုဆိုပါတော့။

မေး။    ။ စာရေးဆရာမတစ်ယောက်အနေနဲ့ စာပေလောကသားတွေနဲ့ အတော်ကလေးကင်းကင်းကွာကွာနေတာ ဘာကြောင့်များပါလဲ။ (စာကိုပဲသိချင်ပြီး လူကိုမသိချင်လို့လား)။ ဘာဖြစ်လို့လဲဆိုတော့ ဆရာမကို အတော်ရှာယူရလို့ပါ။ ဆရာမကို 'စာရေးဆရာမယုဒါ ဘယ်မှာနေတာလဲ၊ သူ့ကိုများသိရင် လမ်းညွှန်ပြပါ' လို့ အားကိုးတကြီးမေးတိုင်း အားလုံးက ဇဝေဇ၀ါပဲဖြေကြနိုင်လို့။ ဘာဖြစ်လို့များ ပုန်းနေတာလဲမသိဘူးနော်။

ဖြေ။     ။ စာရေးဆရာမတစ်ယောက်အနေနဲ့ စာပေလောကသားတွေနဲ့ တမင်ကင်းကွာအောင်နေတာတော့ မဟုတ်ပါဘူး။ နီးစပ်မှုသိပ်မရှိခဲ့လို့ ကင်းကွာခဲ့တဲ့သဘောပါပဲ။ ပြီးတော့ ကျွန်မက စကားလည်းသိပ်မပြောတတ်ဘူး။ အနေအေးတယ် ပြောပါတော့နော်။

စာကိုပဲသိချင်ပြီး လူကိုမသိချင်လို့လည်းမဟုတ်ပါဘူးရှင့်။ ကျွန်မကို ဆရာမလမင်းအေး အတော်ရှာယူရတယ်ဆိုတာကတော့ ကျွန်မက မထင်မရှားလူ တစ်ယောက်မို့ပါ။ တမင်ပုန်းနေတာတော့ မဟုတ်ဘူးရှင့်။

ကျောင်းသူဘ၀ကတော့ ကျောင်းနဲ့အိမ်၊ အိမ်နဲ့ကျောင်း၊ ၀န်ထမ်းဖြစ်ပြန်တော့ ရုံးနဲ့အိမ်၊ အိမ်နဲ့ရုံး ပြီးတော့ တခြားလူမှုရေးကိစ္စ၊ အိမ်စီးပွားရေးကိစ္စတွေနဲ့ နိစ္စဓူဝလုံးချာလည်နေတော့ စာပေအသိုက်အ၀န်းဆီ တကူးတက မသွားဖြစ်ခဲ့လို့ပါ။ ပြောရရင် ကျွန်မစာမူပို့တာကလည်း မဂ္ဂဇင်းတွေမှာ တွေ့သမျှ လိပ်စာတွေကူးပြီး စာတိုက်ကပဲပို့လိုက်တာကိုး။ ကိုယ့်ဝတ္ထု ရွေးချယ်ဖော်ပြခံရတယ်ဆိုရင် တချို့မဂ္ဂဇင်းတွေက နယ်လိပ်စာနဲ့ဆို နယ်အထိ စာအုပ်နဲ့စာမူခပို့ပေတယ်။ တချို့စာတိုက်ကပို့မပေးတဲ့ မဂ္ဂဇင်းမျိုးဆို ရန်ကုန်ရောက်မှ စုထုတ်လိုက်တယ်။ မဂ္ဂဇင်းတိုက်ရောက်တော့လည်း တာဝန်ရှိသူဆီက စာအုပ်နဲ့စာမူခကို လက်မှတ်လေးတစ်ချက်ထိုးပြီး ထုတ်လာလိုက်တာ ဘယ်သူနဲ့မှမရင်းနှီးခဲ့လို့ ဘယ်သူ့ဆီမှ သွားမနေဖြစ်တော့ဘူးပေါ့။ တချို့ မဂ္ဂဇင်းတိုက်တွေဆို ရောက်သွားပြီးမှ စာမူခထုတ်ပေးနိုင်တဲ့ တာဝန်ခံမရှိလို့ စာအုပ်ရောစာမူခပါ မရခဲ့ဘဲ ဒီအတိုင်းလှည့်ပြန်ခဲ့ရတာတောင် ရှိပါတယ်။ ဒီတော့လည်း ဘာခက်လို့လဲနော်။

ကိုယ့်စာမူပါတယ်ဆိုရင် ပန်းဆိုးတန်းစာအုပ်တိုက်တွေဆီက စာအုပ်တစ်အုပ်လောက်တော့ ကိုယ့်ငွေကိုယ်ထုတ်ပြီး ကျေကျေနပ်နပ်ဝယ်ပြန်ခဲ့တာပါပဲ။ ဒါလည်း ၀မ်းသာစရာ တစ်မျိုးကောင်းနေခဲ့တာပဲ ဆရာမရဲ့။

မေး။    ။ 'ဖိနပ်စီးကြသူများ' က အစပြုပြီး 'ယုဒါ'ကို စိတ်ဝင်တစား စောင့်ဖတ်လာခဲ့သူတစ်ယောက်အနေနဲ့ ဆရာမရဲ့အနုပညာနဲ့ပတ်သက်ပြီး ခံယူချက်ကလေးတွေ၊ ခံစားချက်ကလေးတွေ၊ ပြီးတော့ တင်ပြနိုင်ဖို့ အားထုတ်ပုံကလေးတွေကို နည်းနည်းလောက် ပြောကြည့်ရအောင်ပါ။ စာပေနဲ့ပတ်သက်ပြီး ဘယ်လိုစတင် ရူးသွပ်လာခဲ့သလဲ။ ပထမဆုံး ဖော်ပြခံရတဲ့ ၀တ္ထုတိုနဲ့ ပတ်သက်ပြီးတော့ ဘယ်လောက်အထိ စိတ်လှုပ်ရှား ပျော်ရွှင်ရခြင်းမျိုး ဖြစ်ခဲ့ရပါသလဲ။ စာတစ်ပုဒ်ကိုရေးတော့မယ်။ ၀တ္ထုတိုတစ်ပုဒ်ကို ဖန်တီးတော့မယ်ဆိုရင် ဆရာမအနေနဲ့ ဘာကိုအားပြုပြီး ခံစားရေးဖွဲ့တာပါလဲ။

ဖြေ။     ။ သြော်…၊ ဆရာမက 'ဖိနပ်စီးကြသူများ' ကိုမှတ်မိတယ်လား။ ကျေးဇူးပါပဲ ဆရာမ၊ မှတ်မိနေတယ်ဆိုတာလေးကိုပဲ ၀မ်းသာရပါတယ်။ ဆယ်နှစ်တောင်ကြာခဲ့ပြီမို့ပါ။ အဲဒီဝတ္ထုက ၁၉၉၈ ခုနှစ် ဇူလိုင်လထုတ် ရုပ်ရှင်တေးကဗျာမဂ္ဂဇင်းမှာ ပါခဲ့တာလေ။ ယုဒါ ကလောင်နာမည်နဲ့ ပထမဆုံး ပုံနှိပ်ဖော်ပြခံရတဲ့ ၀တ္ထုက ၁၉၉၇ခုနှစ် မတ်လထုတ် မင်္ဂလာမဂ္ဂဇင်းမှာ ဖော်ပြခံခဲ့ရတဲ့စာပါ။ အမှန်ပြောရင် ဒီ့အရင်က တခြားကလောင်အမည်တွေနဲ့ ကျွန်မစာလေး၊ငါးပုဒ် ပါဖူးပြီးသား။ ကျွန်မအသက်(၂၀)မပြည့်ခင်ကတည်းက ကျွန်မစာမူ ပုံနှိပ်စာလုံးဖြစ်ခဲ့ပြီးပါပြီ။ ဆရာမ မှတ်မိဦးမှာပါ။ စာပန်းခင်းတို့ ပန်းဝေသီတို့ ခေတ်ကပေါ့။ ၁၉၈၉၊ ၁၉၉၀ ၀န်းကျင်ကထုတ်တဲ့ ပန်းဝေသီ၊ စာပန်းခင်းနဲ့ ရောင်စုံသုခုမ မဂ္ဂဇင်းတွေမှာ ကျွန်မ၀တ္ထုတိုလေးတွေ ဖော်ပြခံခဲ့ရဖူးပါတယ်။ စာစရေးစကတော့ သူငယ်တန်းကတည်းကပဲဆိုရင် အပိုပြောတယ်လို့ မထင်နဲ့နော်။ ကျွန်မက ကလေးဘ၀ကတည်းက Feel သမားဆရာမရဲ့။ ဘယ်သူနဲ့ ဘာဖြစ်ဖြစ် ကျွန်မရင်ထဲကို ခံစားမှုတစ်ခုခု ထူးထူးခြားခြားဝင်လာရင် စာရေးလေ့ရှိတယ်။ အဲဒီအကျင့်က စာရေးတတ်ပြီဆိုကတည်းက ဖြစ်နေတာ။ ကျွန်မအဖေရဲ့အလေ့အကျင့်တစ်ခုကို မသိစိတ်ကလက်ခံပြီး လိုက်လုပ်မိတာလားမသိဘူး။ အဖေက နေ့စဉ်မှတ်တမ်းရေးလေ့ရှိတယ်။ သားသမီးတွေကိုလည်း မှတ်တမ်းစာအုပ်လေးတွေ မကြာမကြာဝယ်ပေးတတ်တယ်။ ဒီတော့ကျွန်မက ဖေဖေ၀ယ်ပေးတဲ့မှတ်တမ်းစာအုပ်ပေါက်စလေးတွေထဲမှာ စာတွေစရေးတော့တာပဲ။ ဖေဖေနဲ့မေမေ ဆူလို့ရိုက်လို့ စိတ်ကောက်ရင်လည်း စာရေးတယ်။ မောင်နှမချင်းရန်ဖြစ်ပြီး မကျေနပ်ချက်ရှိရင်လည်း ရေးလာလိုက်တဲ့စာတွေဟာ အများကြီးပဲ ဆရာမရေ။ အိမ်ကလူကြီးတွေတွေ့ပြီး ဖတ်မှာတော့ အရမ်းကြောက်တာ။ ရှက်တာပေါ့နော်။ မောင်နှမတွေ ပြန်နောက်ပြောင်မှာစိုးတာကိုး။

ကိုယ့်ဘာသာ လျှောက်ရေးထားတဲ့စာတွေ ထားစရာနေရာမရှိဖြစ်လာတဲ့အခါ ဖျောက်ဖျက်ပစ်လိုက်ပြန်ရော။ တော်ပြီ၊ ဒီစာတွေ သိမ်းရတာခက်တယ် ငါမရေးတော့ဘူးလို့ စိတ်ကူးလည်း အကြောင်းတစ်ခုခုပေါ်လာရင် ရေးမိပြန်တာပဲ။ မရေးဘဲမှ မနေနိုင်ဘဲကိုး။ အဲဒါ ကျွန်မစာရေးသူတစ်ယောက်ဖြစ်လာဖို့ အခြေခံအကြောင်းအရင်းလို့ ပြောနိုင်မယ်ထင်ပါတယ်။

အလယ်တန်းလောက်ရောက်တော့ ကျွန်မလိုင်းပြောင်းသွားတယ်။ လားရှိုးမှာပေါ့။ အဲဒီတုန်းက ဖေဖေက အရှေ့မြောက်ပိုင်း စစ်ဌာနချုပ်စခန်းရုံးမှာ စခန်းမှူး ဗိုလ်မှူးဘ၀နဲ့ တာဝန်ထမ်းဆောင်နေတုန်းပေါ့။ ကျွန်မ အလယ်တန်းတက်တာက အလက(၄)လားရှိုး၊ မြန်မာစာဆရာမ ဒေါ်နန်းခင်စိန်။ စာစီစာကုံးရေးခိုင်းရင် ကျွန်မက ၀တ္ထုဆန်ဆန်ရေးတတ်လို့ဆိုပြီး ဆရာမက သိပ်သဘောကျတာ။ ဒါနဲ့ ကျောင်းပေါင်းစုံစာစီစာကုံး ပြိုင်ပွဲတွေမှာ ကျွန်မကို ၀င်ပြိုင်ခိုင်းတယ်။ ဆရာမက အချက်အလက်ထုတ်ပေးတယ်။ လိုအပ်တာတွေ သင်ပြပေးတယ်။ စာစီစာကုံးပြိုင်ပွဲဝင်မယ်ဆိုတော့ ကျွန်မလက်ရေးက လှတဲ့ထဲမပါဘူးလေ။ ဖြစ်ပါ့မလားဆိုတော့ ဆရာမက 'မပူနဲ့၊ ရတယ်၊ သိပ်လှပြီး မရှင်းတဲ့လက်ရေးတွေနဲ့ယှဉ်ရင် သမီးလက်ရေးက တန်ဖိုးရှိတယ်၊ ရှင်းတယ်၊ သပ်ရပ်တယ်'တဲ့။ စာစီစာကုံးဆုရဖို့ လက်ရေးသိပ်လှစရာမလိုဘူးဆိုတာလေး ကလေးတွေသိစေချင်လို့ ထည့်ပြောတာပါ။ ဆရာမရဲ့ အားပေးမှုနဲ့ ကျွန်မကြိုးစားခဲ့တာ မြို့နယ်ပေါင်းစုံ(ရှမ်းမြောက်)ပြိုင်ပွဲတွေမှာပါ အမြဲတမ်းဆုရတယ်။ ပထမ၊ ဒုတိယ ပြိုင်တိုင်းရတာချည်းပဲ။ တကယ်တော့ စာစီစာကုံးဆိုတာလည်း အခြေခံအနုပညာ ဖန်တီးမှုတစ်ခုပဲလေ။ အဲဒီကအစပြုပြီး ၀တ္ထုရေးနည်း အတတ်ပညာကို ကျွန်မ စိတ်ဝင်စားလာတယ်။

ဒါပေမယ့် ကျွန်မက စာစုံမဖတ်နိုင်သေးဘူး၊ ရုပ်ရှင်ကတော့ အရမ်းကြိုက်တတ်နေပြီ။ ကားသစ်တင်ရင် ကျွန်မက ထိပ်ဆုံးကပဲ။ ငါကြီးလာရင် ဒါရိုက်တာလုပ်မယ်ပေါ့။ ရုပ်ရှင်တွေများများ ကြည့်ထားရမယ် ဒီလိုပေါ့လေ။ ကြီးလာတာ့ ဖြစ်လည်းမဖြစ်ဘူးနော်။ ရယ်စရာတော့ကောင်းသား။ ပြောရရင် အလှမ်းဝေးတာကိုးနော်။ ရုပ်ရှင်ရိုက်ကွင်းတစ်ခုကို မြင်ရဖို့ဆိုတာတောင် လွယ်မှမလွယ်ခဲ့တာကိုး။ ကျွန်မတို့ အလယ်တန်း၊ အထက်တန်း ကျောင်းသူဘ၀ကဆို ရုပ်ရှင်မှာ အမျိုးသမီးဒါရိုက်တာဆိုလို့ ဒေါ်သင်းသင်းယုပဲရှိတာကိုး။ ပြီးတော့ အန်တီဝါပေါ့။ ဒေါ်သင်းသင်းယုကို မြင်မှမမြင်ဖူးတော့ မြင်တွေ့နေရတဲ့ အန်တီဝါကိုပဲ အားကျတာပေါ့။ အန်တီဝါ့ ဇာတ်ကားတော်တော်များများက ငိုရတယ်လေ။ ကျွန်မကလည်း အငိုကသန်သန်ဆိုတော့ ကွက်တိပဲ။

ဇာတ်လမ်းတိုင်းက အန်တီဝါရေးတာ မဟုတ်ပါဘူး။ အဲဒီကတည်းက လူတွေကို ရယ်ရအောင်၊ ငိုရအောင် လုပ်နိုင်တဲ့ အနုပညာဖန်တီးမှုကို ကျွန်မ သဘောကျနေတာ၊ ရယ်ရတာ စိတ်နှလုံးရွှင်လန်းပြီး ပျော်ရွှင်မှုဖြစ်စေသလို၊ ငိုရတာလည်း အရသာတစ်မျိုးပဲ။ ပြောမယ်ဆိုရင် အလွမ်းဝတ္ထုတွေကို ကျွန်မပိုကြိုက်တယ်။ ဒီတော့ ကျွန်မဘာသာ ဇာတ်လမ်းထွင်ပြီး ၀တ္ထုတွေရေးကြည့်တယ်။ မဂ္ဂဇင်းတွေပို့တယ်။ ၀တ္ထုတိုရေးနည်းကိုသိလို့ ရေးတာမဟုတ်ဘူး။ ရွေးခံရတာလည်း ရှိပါရဲ့။ ပယ်ခံရတာ ခပ်များများပေါ့။ ပယ်ခံရမှာပေါ့။ ကျွန်မရေးတာ အချိုးမှမပြေဘဲ။ အဆီအငေါ် အစပ်အဟပ်မှ မတည့်ဘဲကိုး။ ကျွန်မဖတ်ဖြစ်တဲ့စာတွေကလည်း ၀တ္ထုတို ရှည်မည်မည်ရရ မရှိဘူးလေ။ ဖေဖေဖတ်တဲ့စာအုပ်တွေက ကမ္ဘာကျော်အထင်ကရ ပုဂ္ဂိုလ်ကြီးတွေရဲ့ အတ္ထုပ္ပတ္တိတွေ၊ သမိုင်းတွေ၊ တက်ကျမ်းတွေပဲ ဖြစ်နေတာကိုး။ စာပေကို ၀ါသနာပါလာတော့ ဥာဏ်မီသမျှ လိုက်လျှောက်ဖတ်ကြည့်တာပဲ။ စာလေးကြီးတွေဆိုတော့ ပျင်းလို့ ဆုံးအောင်မဖတ်နိုင်တာလဲရှိ၊ ကြိုက်တာလည်းရှိပေါ့။ ကျွန်မ ဖေဖေက အချစ်ဝတ္ထုလုံးချင်းတွေဖတ်တာ လုံးဝမကြိုက်ဘူး။ 'ဖေတော့မောင်တော့ စာတွေမဖတ်ရဘူး' တဲ့။ သူက စစ်သားကိုနော။ ပြောမှာပေါ့။

ကျွန်မ တဖြည်းဖြည်း သိလာတာက ငါစာတွေကို ဒီလိုလျှောက်ရေးနေလို့ မရတော့ဘူး။ ငါက ၀တ္ထုတိုရေးချင်တာ။ ၀တ္ထုတို ဘယ်လိုရေးသလဲဆိုတာ သေချာလေ့လာရမယ်ဆိုပြီး စာကိုရွေးဖတ်ဖို့ သိလာတယ်။ ဒါနဲ့ ၀တ္ထုတိုပေါင်းချုပ်တော်တော်များများရှာဖတ်တယ်။ ကျွန်မကြိုက်တဲ့စာကို ကျွန်မ ရွေးဖတ်ဖြစ်တာက အသက်၂၀ကျော်မှပါ။ လုံးချင်းတွေလည်းဖတ်တယ်။ နုနုရည်(အင်းဝ)၊ မစန္ဒာ၊ ဂျူး၊ မိုးမိုးအင်းလျား၊ အားလုံးဖတ်တယ်။ ဆရာကြီး သိန်းဖေမြင့်၊ ရွှေဥဒေါင်း၊ ဇ၀န၊ သော်တာဆွေ စာတွေလည်း ဖတ်တယ်။ နာမည်တွေ အကုန်ထည့်ပြောနေရင်တော့ ၀တ္ထုတစ်ပုဒ်လောက် ရှည်သွားလိမ့်မယ်နော်။ တွေ့သမျှ ကြုံးဖူးသမျှစာဖတ်တာပါပဲ။ တစ်ခုတော့ရှိတယ်။ ကျွန်မ ဖတ်ဖူးသမျှစာတွေကို ဘယ်လိုရယ်လို့ တခုတ်တရလုပ် ပြန်ပြောနိုင်တဲ့ အရည်အချင်း ကျွန်မမှာမရှိဘူး။ ဇာတ်လမ်းတွေကို ကျွန်မခေါင်းထဲ အကြာကြီးထည့်မသိမ်းထားနိုင်တာက စာဖတ်တဲ့အခါ သူတို့ရဲ့ တင်ပြပုံ၊ စာရေးသားနည်းလောက်ကိုပဲ အဓိကဖတ်ထားခဲ့လို့လား၊ ဒါမှမဟုတ် ကျွန်မမှတ်ဥာဏ်ကိုက အားနည်းလို့လားမသိဘူး။ တချို့ ၀တ္ထုတွေကတော့ ဖတ်ပြီး နှစ်အတော်ကြာ မမေ့နိုင်တာ ရှိတာပေါ့နော်။ လေရူးသုန်သုန်တို့၊ ပေါ်လီယာနာတို့ဆို ကျွန်မအကြာကြီးစွဲနေတယ်။ ပြီးတော့ ဆရာမြသန်းတင့်ရဲ့ 'နွံထဲကကြာ' ဂျာနယ်ကျော်မမလေးရဲ့ 'သွေး' တို့ 'မုန်း၍မဟူ' တို့။ ၀တ္ထုရှည်တွေကျတော့ ကျွန်မမမြင်ဖူးတဲ့ ဆရာ၊ ဆရာမကြီးတွေဖြစ်ပေမယ့် သူတို့ရဲ့ စာကို ပိုကြိုက်တယ်။ ပြောမယ်ဆိုရင် ၀တ္ထုတိုကိုပဲ ကျွန်မ ပိုအရသာတွေ့တယ်။ ကျွန်မ စာသိပ်ရေးချင်နေတဲ့အချိန်မှာ သူတို့စာတွေဖတ်ခဲ့ရတော့ ကိုယ့်အတွက် အများကြီးအကျိုးရှိခဲ့တယ်လေ။ ကျွန်မမှာက ငယ်ကတည်းက စာရေးတဲ့အကျင့်ရှိခဲ့တော့ ပါရမီတစ်မျိုးလိုဖြစ်သွားတယ်ပြောရမှာပဲ။ ကျွန်မက စာနည်းနည်းဖတ်ရင် များများရေးနိုင်တယ်။ စာတစ်ပုဒ်ဖတ်ပြီး ကူးယူခိုးချတာမျိုးမဟုတ်ဘူး။ ဆင့်ပွားဖြစ်တည်မှုပေါ့။ သြော် သူက ဒီဇာတ်လမ်းကို ဒီပုံစံနဲ့ တင်ပြထားတာကိုး။ ငါဆိုရင် ဘယ်လိုတင်ပြမှာလဲ၊ ပြန်သုံးသပ်တယ်။ ကိုယ်ကြုံတွေ့ခံစားရတဲ့ ဇာတ်လမ်းတွေကိုပဲ ကျွန်မချရေးတယ်။ စာဖတ်များလာတာနဲ့ ဇာတ်လမ်းတစ်ခုကို သပ်သပ်ရပ်ရပ် တည်ဆောက်တတ်လာတယ်။ စာတွေဖတ်ပြီးမှ ယုဒါ ကလောင်အမည်ပြောင်းပြီး ကျွန်မ စာပြန်ရေးတယ်။ ဒီအမည်ကို ရွေးပေးတာက ကျောက်ပန်းတောင်းမြို့ ရွှေတန်ဆာ ကျောင်းဆရာတော် ဦးကောသိယျ၊ ဗုဒ္ဓဟူးနဲ့ စနေတွဲမှည့်လို့ နေ့နံပေးတာကို ကျွန်မဘာသာတွဲမှည့်လိုက်တာ။ အဓိပ္ပာယ်တစ်ခုရယ် မရှိပါဘူး။

ပထမဆုံး ဖော်ပြခံရတဲ့ ၀တ္ထုက ရောင်စုံသုခုမမဂ္ဂဇင်းမှာ ကြာပါပြီ။ နှစ်ပေါင်း (၂၀)ကျော်ပြီပေါ့။ ကျွန်မ ၁၀တန်းဖြေပြီးကာစ ကာလလောက်က ပျော်တာပေါ့။ စာမူခ ၁၅၀ ရတယ်။ အဲဒီတုန်းက ၁၅၀က တန်ဖိုးရှိတယ်လေ။ ဒါပေမယ့် ယုဒါဖြစ်ရတာကို ပိုပျော်တယ်။ ဘာလို့လဲဆိုတော့ ယုဒါကလောင်အမည်နဲ့ စာမူတွေ အများကြီးပို့ထားတော့ ပထမတစ်ပုဒ်စ ပါပါချင်း အရမ်းပျော်တာပေါ့။ အံ့သြစရာကောင်းတာက ယုဒါအမည်နဲ့ပို့တဲ့ စာမူတစ်ပုဒ်တလေတောင် အပယ်မခံရတာပဲ။ ဒါကလည်း ကလောင်အမည်ထက် စာက ပိုကောင်းလာလို့ ဖြစ်မှာပါ။ ကောင်းတယ်ဆိုတာက အရင်ကလောင်နာမည်မျိုးစုံနဲ့ ကလေးဘ၀က လျှောက်ရေးနေတာထက် အရေးအသား တည်ငြိမ်လာတာကို ပြောတာပါ။ ဒါက စာဖတ်ခြင်းရဲ့ အကျိုးတွေကြောင့်ပေါ့။

စာတစ်ပုဒ် စရေးမယ်ဆိုရင် ကျွန်မ ဦးနှောက်ထဲမှာ အကြမ်းဖျင်းဇာတ်လမ်းရှိပြီးသားပဲ။ ဘယ်လိုစမယ် ဘယ်လိုဆုံးမယ် တွေးထားတာများတယ်။ ကျွန်မအတွက်တော့ အရေးကြီးတာက တင်ပြပုံပဲ။ ကိုယ့်ရင်ဘတ်ထဲမှာ ရှိနေပြီးသားဇာတ်လမ်းကို လူတကာရှေ့ ထုတ်ပြရတဲ့အခါ ဘယ်လိုတင်ပြပုံက ဖတ်ရသူရင်ကို ထိနိုင်မလဲ။ ဒါလေးကို ပထမဆုံး အရင်စဉ်းစားတယ်။ ၀တ္ထုတစ်ပုဒ်ရဲ့အစက အင်မတန်အရေးကြီးတယ်။ စရေးလိုက်တဲ့ စကားလုံးတစ်လုံး၊ စာတစ်ကြောင်းရဲ့နောက်ကို အဆက်မပြတ်လိုက်ပြီး စီးမျောသွားဖို့ဆိုတာ စာဖတ်သူရှေ့ကို အဲဒီစာမရောက်ခင် စာရေးသူက ကိုယ့်စာနောက် ကိုယ်ပါသွားမှဖြစ်တာ။ စာသုံးလေးမျက်နှာလောက်တောင် လျှောက်ဆက်ရေးလို့မရအောင် ဟိုလိုလို ဒီလိုလို ဖြစ်နေပြီဆိုရင် ကျွန်မ အဲဒီဝတ္ထုကို ဆက်မရေးတော့ဘူး။ ရေးခဲ့ရင်လည်း သိပ်ကောင်းတဲ့ဝတ္ထုမျိုး မဖြစ်နိုင်တော့ဘူး။ ကိုယ့်အာရုံကိုတောင် ကိုယ်တိုင်ဆွဲခေါ်မသွားနိုင်တဲ့ ၀တ္ထုမျိုးကို တခြားသူ စိတ်ဝင်စားမှာမဟုတ်ဘူးလို့ ကျွန်မမူနဲ့ ကျွန်မသတ်မှတ်တယ်။ ဇာတ်လမ်းက ရင်ထဲကမထွက်နိုင်အောင် ကိုယ့်ကို ဖမ်းစားထားနိုင်သေးတယ် ဆိုရင်တော့ တင်ပြပုံကို ပြောင်းပြီးရေးတယ်။ ပြောင်းမှပဲဖြစ်မယ်လေ။ ကိုယ်ရေးတဲ့စာကိုတောင် ဖတ်မကောင်းဖြစ်နေရင် ဘယ်သူက ဖတ်ချင်တော့မှာလဲနော်။ စာရေးသူတစ်ယောက်ဟာ သူများစာကို ကြိုက်တတ်ဖို့လိုသလို၊ ကိုယ်ရေးတဲ့စာကို ကိုယ့်ဘာသာ ပြန်ကြိုက်ဖို့လည်း လိုသေးတာပဲ။

ဝတ္ထုတိုပဲဖြစ်ဖြစ်၊ အရှည်ပဲဖြစ်ဖြစ် အများအားဖြင့်တော့ ဇာတ်လမ်းအားပြုရေးတာကို ကျွန်မက ပိုအားသန်တယ်။ ပုံသေကားကျ ပြောလို့တော့မရပါဘူး။ တစ်ခါတစ်ခါတော့ ခေါင်းစဉ်လေးတစ်ခုကို ကိုယ့်ဘာသာစဉ်းစားမိလို့ ချရေးရင်း ၀တ္ထုတစ်ပုဒ်ဖြစ်သွားတာမျိုးလည်း ရှိတာပါပဲ။ ဇာတ်လမ်းတစ်ခုလုံးအဆုံးသတ်ပြီးတာတောင် ခေါင်းစဉ်ရှာမရလို့ မဂ္ဂဇင်းတိုက်ပို့ခါနီးမှ ကောက်ခါငင်ခါ ခေါင်းစဉ်တပ်လိုက်ရတဲ့ ၀တ္ထုမျိုးလည်း ရှိတာပဲ။ ဇာတ်လမ်းရယ်လို့မရှိဘဲ ဇာတ်ကောင်ရဲ့ ခံစားမှုသက်သက်ကို ဖွဲ့တာလည်းရှိတာပဲ။ ကျွန်မက ဒါရိုက်တာတစ်ယောက်ဖြစ်ချင်ခဲ့တာဆိုတော့ ဇာတ်လမ်းတစ်ပုဒ်ကို ချရေးတဲ့အခါ ကိုယ်ကဒါရိုက်တာဖြစ်ပြီပဲလေ။

ဒါရိုက်တာဆိုတာ ဇာတ်လမ်းထဲမှာ ပါဝင်သူအားလုံးရဲ့ခံစားမှု လှုပ်ရှားမှုတွေကို ထောင့်ပေါင်းစုံကနေ အသေးစိတ်စောင့်ကြည့် ကွပ်ကဲနိုင်ရတယ်။ တစ်ခန်းလေးပဲ ပါဝင်ရမဲ့သူဖြစ်ပါစေ။ သူ့ကို ဘယ်လိုစကားပေးပြောမှာလဲ။ ဘယ်လိုလှုပ်ရှားမှုပေးလုပ်မှာလဲ။ သူ့ပုံရုပ်ကို ဘယ်လိုချပြမှာလဲ။ ထိထိမိမိ ညွှန်ကြားနိုင်ရမယ်။ ဇာတ်လိုက်မဟုတ်ပေမယ့် ခဏတာဇာတ်ကောင်မျှသာဖြစ်တဲ့ ဇာတ်ဆောင်တစ်ဦးဦးရဲ့ အပြုအမူအပြောအဆိုဟာ ဇာတ်လမ်းရဲ့အသက်လည်း ဖြစ်နေတတ်တယ် မဟုတ်လား ဆရာမ။ ဒါကြောင့် ကျွန်မ စာရေးတဲ့အခါ ဇာတ်ကောင်တိုင်းကို တလေးတစား အသိအမှတ်ပြုပြီး ရေးပါတယ်။

ငယ်ဘ၀တွေက ရုပ်ရှင်ဒါရိုက်တာတစ်ယောက်ဖြစ်ချင်ခဲ့ပေမယ့် စာရေးသူတစ်ယောက်ဖြစ်လာတဲ့အခါမတော့ စာရေးဆရာဘ၀ကို ကျေနပ်ပါတယ်။ (စာရေးဆရာဆိုတာ ဘယ်သူနဲ့မှညှိစရာမလိုဘဲ၊ ဘယ်သူ့ကြောင့်ကျမှုမျိုးကိုမှ ခံစားစရာမလိုဘဲ လွတ်လပ်စွာ ခံစားပေးဆပ်နိုင်သူဖြစ်တယ်။ မိမိစိတ်တိုင်းကျ စီစဉ်ညွှန်ကြားနိုင်သူဖြစ်ပါတယ်။ ဒါကြောင့် ခုချိန်မှာတော့ စာရေးဆရာဘ၀ကို ပိုကြိုက်သွားပါပြီ။)

မေး။    ။ ဆရာမရဲ့ဝတ္ထုတွေထဲ တူးနှိုက်ကြည့်လိုက်တဲ့အခါ 'ဓမ္မ' နဲ့ပတ်သက်ပြီး ဆရာမရင်ထဲမှာ တစ်ခုခုကိန်းနေတယ်လို့ ကျွန်မခံစားမိလို့ပါ။ 'အေးရိပ်' လို ၀တ္ထုမျိုး၊ 'ကြာတစ်ပွင့်ရဲ့ဒဏ္ဍာရီ' ၀တ္ထုမျိုး၊ 'အမှတ်မရှိကြသူများ'လို ၀တ္ထုမျိုးတွေကိုဖတ်ပြီး ဆရာမကို တစ်ခုလောက် မေးပါရစေ။ ဆရာမရဲ့ ဘာသာရေးခံယူချက်က ဘယ်လိုမျိုးလဲ။ ဆရာမပေးချင်တာ 'ကံ'လား 'ခံနိုင်ရည်'လား 'အတ္တ'လား။

ဖြေ။     ။ ဟုတ်ကဲ့ပါ။ ဓမ္မနဲ့ပတ်သက်ပြီး ကျွန်မရင်ထဲတစ်ခုခု ကိန်းနေသလားလို့ ဆရာမလိုပဲ ကျွန်မရဲ့ စာဖတ်ပရိသတ်က မေးလေ့ရှိတယ်။ ရင်းနှီးတဲ့သူတွေမေးတာကတော့ 'သီလရှင်လုပ်တော့မလို့လား' တဲ့။ သီလရှင်ဝတ္ထုတွေ ရေးလို့ထင်ပါရဲ့။ အဲဒီဝတ္ထုရေးတဲ့အချိန်က မြစ်ကြီးနားမှာ ကျွန်မတရားစခန်းတစ်လ၀င်ပြီး သီလရှင်ဝတ်တာ ထွက်ပြီးကာစအချိန်တွေပေါ့။ တရားစခန်းက လတ်တလောထွက်လာတဲ့ လူတစ်ယောက်ဆိုတော့ ကျွန်မရင်ထဲမှာ ဓမ္မကအပြည့်ကိန်းနေတာ။

ပြောရရင် သီလရှင် တစ်လလေးဝတ်ရတဲ့အချိန်မှာ ကျွန်မရလိုက်တဲ့ခံစားမှုကို ပြောမပြတတ်အောင် ငြိမ်းချမ်းလွန်းလို့ အဲဒီလိုဖြစ်သွားတာထင်တယ်။ သီလရှင်ဝတ်တဲ့အချိန်ကလည်း တရားစခန်းတွေမှာ လူများတဲ့ ရာသီချိန်မဟုတ်ဘဲ ကျွန်မတစ်ယောက်တည်းဆိုတော့ ဘ၀မှာ ဘာနဲ့မှ လဲလှယ်လို့မရနိုင်တဲ့ အကျိုးတွေရခဲ့လို့ အဲဒီလိုဝတ္ထုမျိုးတွေ ရေးဖြစ်သွားတာပါ။ နောက်တော့လည်း အိမ်မှာလူတွေနဲ့ ပြန်နေလိုက်တော့ ကိုယ်လုပ်စရာရှိတာကို ဆက်လုပ်ရတာပဲပေါ့နော်။

ကျွန်မရဲ့ ဘာသာရေးခံယူချက်က 'ကံကောင်းချင်ရင် ကံကောင်းစေမဲ့အလုပ်'တွေကိုသာ လုပ်နေဖို့ပါပဲ။ လူတိုင်းကိုလည်း ဒါလေးပဲ ကျွန်မပေးချင်တာပါ။ ဆရာမမေးသလို တစ်ခုချင်းခွဲထုတ် ပြောရမယ်ဆိုရင် ကောင်းမှု မကောင်းမှုရဲ့ ကံကိုလည်း ပေးချင်ပါတယ်။ ခံနိုင်ရည်လည်းပေးချင်ပါတယ်။ ရှောင်လွှဲလို့မရတဲ့ အနတ္တကိုလည်း ဆင်ခြင်ရင်းပေါ့။

မေး။    ။ ၁၉၉၉ စက်တင်ဘာလထုတ် မြှားနတ်မောင်မဂ္ဂဇင်းမှာပါတဲ့ 'သံသရာကြွေး' ဆိုတဲ့ ၀တ္ထုနဲ့ပတ်သက်ပြီး ကျွန်မ ဆရာမကို စိတ်တောင်ဆိုးမိပါတယ်။ မရင်မေဟာ ပညာတတ် အဆံချောင်ပီပီ၊သူယုတ်မာပက်စက်တာကို ခံနိုင်ပေမင့်လို့ (မရင်မေတို့လို မိန်းမယုတ်တွေဟာ သူတို့ရဲ့ နောက်ဆုံးထွက်သက်အထိ အဲ့သလိုပဲ ယုတ်မာနေကြဦးမှာမို့) 'နွဲ့' လို မနက်မိုးလင်းတာနဲ့ ကြေးစည်တနောင်နောင်ထုပြီး အရပ်တကာကို မေတ္တာပို့လို့၊ အမျှဝေလို့၊ အိမ်ဖော်မလေးဖြူဖြူကို သမီးအရင်းလို ပြုစုစောင့်ရှောက်ကယ်မထားလို့ ကျွန်မက သူတော်ကောင်းမကြီးလို့ ထင်မြင်ယူဆထားတဲ့အတွက် နွဲ့ရဲ့နောက်ဆုံးလုပ်ရပ်ကို ကျွန်မ ဘယ်တော့မှ ခွင့်လွှတ်ချင်မှာမဟုတ်ပါဘူး။ 'မရင်မေ'မို့ပဲ အိမ်ဖော်မလေး 'ခင်ဦး' ကို 'အိမ်ဖော်' လို့ သဘောထားပြီး ယုတ်မာရက်စက်နိုင်ပေမင့်လို့ နွဲ့က ဒီလိုလူလား။ နွဲ့ဟာ ခင်ဦးရဲ့ 'ဟစ်တိုင်' ဖြစ်ခဲ့သူ။ ခင်ဦးရဲ့ 'ထွက်ပေါက်' ဖြစ်ခဲ့သူက ခင်ဦးကို ကျောသပ်ရင်သပ်နှစ်သိမ့်ရုံအပြင် မိခင်စိတ်မဆန်ခဲ့ဘူး။ မရင်မေရဲ့သား ဖိုးသံလုံး ၀ရံတာပေါ်က ပြုတ်ကျသေတာကို မရင်မေက 'ခင်ဦး' သတ်တယ်ချည်း၊ တရားခံ မဖြစ်ဖြစ်အောင် ယိုးစွပ်တွန်းပို့နေတာကို မြင်တွေ့နေပါရဲ့နဲ့၊ ခင်ဦးကို အသူရာနက်တဲ့ ချောက်ထဲတွန်းချခံနေရတာကို ဒီအတိုင်း လက်ပိုက်ပြီး အ,အကြီးတစ်ယောက်လို ကြည့်နေနိုင်တဲ့အတွက်..၊ ခင်ဦး မသတ်ဘူးဆိုတာ၊ မဟုတ်ဘူးဆိုတာ ခင်ဦး မလုပ်ဘူးဆိုတာ နွဲ့သိနေရဲ့နဲ့၊ ဒီအပြစ်မဲ့လှတဲ့ မျက်နှာမွဲမလေး၊ မျက်နှာငယ်မလေးရဲ့ အနာဂတ်နဲ့၊ ဘ၀တစ်ခုလုံး ပျက်စီးတော့မယ်ဆိုတာ သိပါရက်နဲ့ မတရားသဖြင့် အနိုင်ကျင့်ခံနေရမှန်း သိပါရဲ့နဲ့ ခင်ဦးရှေ့ကနေ တစ်ချက်ကလေးမှ ၀င်မကာလိုက်တာ၊ ခင်ဦးရဲ့လက်ကလေးကို တစ်ချက်ကလေးလောက်တောင် လှမ်းမဆွဲလိုက်တာကတော့ နွဲ့အနေနဲ့ ရက်စက်ရာကျလွန်းပါတယ်။ နွဲ့ကို 'သူတော်ကောင်းယောင်ဆောင်သူ' 'သူရဲဘောကြောင်သူ' 'လုံးလုံးသတ္တိမရှိသူ' 'လူသားမဆန်သူ' 'ယုံကြည်ကိုးစားမှု' နဲ့ မထိုက်တန်သူလို့ ကျွန်မက အများကြီးအပြစ်တင် ယိုးစွပ်လိုက်ချင်ပါရဲ့။ ခင်ဦးကို ရအောင် ပြန်ခေါ်ပေးပါလို့ နွဲ့ကို ပြောပေးပါဆရာမ။

ဖြေ။     ။ ဟုတ်ကဲ့၊ အဲဒါလေး ပြန်ပြောချင်ပါတယ်။ 'သံသရာကြွေး'ကို ကျွန်မရဲ့ ပထမဆုံးဝတ္ထုတိုပေါင်းချုပ်မှာ ထည့်ထားပါတယ်။ ကျွန်မရေးတဲ့ စာတွေထဲမှာ အဲဒီဝတ္ထုကလည်း ကျွန်မရင်ကို အနာတရဖြစ်စေပြီးမှ ရေးခဲ့တဲ့ဝတ္ထုစာရင်းမှာ တစ်ပုဒ်အပါအ၀င်ပေါ့။

ဆရာမရဲ့ ဝေဖန်သုံးသပ်ချက်တွေအတွက် ကျွန်မ၀မ်းသာအားရ ကျေးဇူးတင်တယ်ဆိုတာတော့ ကျွန်မပြုံးနေတာမြင်ရုံနဲ့ ဆရာမသိမှာပါ။ ဒါပေမယ့် ကျွန်မပြန်ရှင်းဖို့လိုမယ်မဟုတ်လား။ ဆရာမ လမင်းအေးရဲ့ ယိုးစွပ်ချက်တွေက ပြင်းထန်လွန်းလို့ နွဲဖြင့်ငိုတော့မှာပဲ။ ဒါဆိုလည်း နွဲ့က ငိုရုံသာငိုတတ်သူလို့ ဆရာမက ပြောဦးမှာနော်။ နွဲ့ကို ချီးမြှင့်လိုက်တဲ့ ဘွဲ့ငါးဘွဲ့မှာ 'လူမဆန်သူ' ဆိုတဲ့ဘွဲ့အတွက်တော့ နွဲ့က နှလုံးကွဲပြီးတောင် သေချင်ဦးမှာ။ ဘာကြောင့်ဆိုတော့ နွဲ့က ခင်ဦးနဲ့ အိမ်ချင်းကပ်နေခဲ့သူပါ။ ခင်ဦးအကြောင်းကို နွဲ့သိပါတယ်။ ခင်ဦးခံစားချက်ကို နွဲ့နားလည်ပါတယ်။ ဒါကြောင့်လည်း ခင်ဦးအတွက် နွဲ့ဘာလုပ်ပေးနိုင်မလဲလို့ အမြဲစဉ်းစားခဲ့ပါတယ်။ ခင်ဦးကို နှစ်သိမ့်အားပေးနေသူကလည်း နွဲ့ပါပဲ။ ဖိုးသံလုံး သူ့ဘာသာ ၀ရန်တာပေါ်က ပြုတ်ကျသေသွားခဲ့တဲ့ ဖြစ်ရပ်မှာ ခင်ဦးက သူသတ်တာလို့မဟုတ်ဘဲနဲ့ ထွက်ဆိုလိုက်တယ်။ ဒါကို နွဲ့ဝင်ပြောချင်ခဲ့ပါလျက် ၀င်မပြောနိုင်ခဲ့တာ။ ဒါက နွဲ့ရဲ့ လူမဆန်တဲ့သရုပ်ကိုပြချင်လို့မဟုတ်ပါဘူး။ ဆရာမ လမင်းအေးက နွဲ့ကို လူမဆန်လိုက်တာလို့ ယိုးစွပ်ချင်ပေမယ့် ကျွန်မကတော့ လူဆန်တဲ့သဘာဝကိုပြချင်တာပါ။ လူဆိုတဲ့ သဘာဝက ကိုယ့်ထမင်းကိုယ်စားပြီး ကြီးတော်နွားမကျောင်းချင်ဘူးဆိုတဲ့ အမျိုးပါ။ အမှုအခင်းတစ်ခုဖြစ်လို့ စပ်စပ်စုစု ရပ်ကြည့်မိရင်တောင် အဆုံးသတ်မှာတော့ 'လာလာ မြန်မြန်သွားရအောင်၊ အမှုထဲမှာ ပါနေဦးမယ်' ဆိုပြီး ကိုယ်နဲ့ပတ်သက်တဲ့လူကိုတောင် ဆွဲခေါ်ရှောင်ထွက်သွားတတ်တာ လူ့သဘာဝပဲ။ လူ့လောကီထဲမှာရှိနေသေးတဲ့လူဆိုရင်တော့ ဘယ်လောက် မေတ္တာတရားကြီးတဲ့ လူပဲဖြစ်ဖြစ် ကိုယ့် ကိုယ်ကိုယ် အထိခိုက်ခံပြီး အမှန်တရားဘက်က ၀င်ရပ်တဲ့သူရှားပါတယ်။ ကိုယ်တိုင်အထိခိုက်ခံပြီး ၀င်ရပ်ရဲရင်တော့ အဲဒီလူ သူရဲကောင်းပဲ၊ နွဲ့က သူရဲကောင်းတစ်ယောက် မဟုတ်ခဲ့ပါဘူး။ စိတ်နုတဲ့ ခပ်ပျော့ပျော့ မိန်းမတစ်ယောက်ပါ ဆရာမ။

မရင်မေ ဆိုတာက စိတ်အလိုမကျရင် အိမ်နီးနားချင်းကိုတောင် စောင်းချိတ်ဆူပူတတ်တဲ့သူမျိုး၊ ဒီတော့ နွဲ့လိုအအေးသမားက မရင်မေကိုယှဉ်ပြီး လုပ်ရမယ့်အလုပ်မျိုးကို ဘာမှလုပ်နိုင်မှာမဟုတ်ဘူး။ ဒီအခြေအနေမှာ ကိုယ်ကဘာမှ လုပ်မပေးနိုင်တော့တဲ့ အတူတူ ဒီဇာတ်လမ်းကို ဒီလိုအဆုံးသတ်လိုက်တာပဲ ကောင်းတယ်လို့ နွဲ့က ယူဆတယ်။

ဆရာမက ခင်ဦးကို အသူရထက်နက်တဲ့ချောက်ထဲ တွန်းချခံနေရတယ်ဆိုတဲ့ ယူဆချက်နဲ့ အမှန်တရားဘက် ၀င်မရပ်ခဲ့တဲ့ နွဲ့ကို မကျေနပ်နိုင်တာပါ။ နွဲ့က ဒီလိုမယူဆဘူး ဆရာမရဲ့။ ခင်ဦးဟာ မရင်မေ အိမ်မှာနေရတာထက်စာရင် ထောင်ထဲမှာနေရင်တောင်မှ ကောင်းလိမ့်ဦးမယ်လို့ တွေးပုံရပါတယ်။ ပြီးတော့ တရားဥပဒေက ဒီအတိုင်း လက်လွတ်စပယ် မလုပ်ပါဘူးဆရာမ။ ခင်ဦးရဲ့ အနာဂတ်ကို သူ့ရင်ထဲက မခံမရပ်နိုင်အောင် နာလွန်းလို့ ထွက်လာတဲ့ စကားလေးတစ်ခွန်းနဲ့ ဖျက်စီးပစ်မှာမဟုတ်ပါဘူး။ ဒီအဖြစ်အပျက်အတွက် နွဲ့ရင်ထဲမှာလည်း နာပါတယ်။ ဒီလောက်အထိဖြစ်မသွားခင်၊ ခင်ဦးကို ကယ်မထုတ်နိုင်ခဲ့တဲ့အတွက်လည်း နွဲ့က ကိုယ့်ဘာသာ စိတ်ဆိုးပါတယ်။ ဒါပေမယ့် နွဲ့က ခင်ဦး လွတ်မြောက်သွားပြီလို့ ဖြေလိုက်ချင်တဲ့လူမျိုးပါ။ ကဲ ဒီလောက်ဆိုရင် ဆရာမ အခဲမကျေဖြစ်ခဲ့တဲ့ နွဲ့အပေါ် နည်းနည်းတော့ ကျေနပ်နိုင်ပြီ ထင်ပါတယ်နော်။

မေး။    ။ 'လမင်းဖတ်ဖို့စာ'၊ (ကြာတစ်ပွင့်၏ဒဏ္ဍာရီနှင့် အခြားဝတ္ထုတိုများ ၂၀၀၂ ခုနှစ် ဖေဖော်ဝါရီထဲက) ဒီလိုဝတ္ထုမျိုးများများ ရေးဖွဲ့နိုင်ပါစေလို့ ကျွန်မ ဆုတောင်းပေးပါတယ်ဆရာမ။ ဒီလို ၀တ္ထုအသွားမျိုးက သိပ်ပြီး နှစ်လိုချစ်မက်စရာကောင်းတယ်။ ကျွန်မတို့ဟာ ပြုပြင်ရေးဝါဒသမားတွေ မဟုတ်ကြပါဘူး။ ဒါပေမယ့် ကျွန်မတို့ကိုယ်တိုင် ဘာမှဝင်ပြီး စွက်ဖက်စရာမလိုဘဲနဲ့ ကလေးတစ်ယောက်ဟာ ဖြူစင်ရိုးသားလှတဲ့ သူ့ရဲ့ ပကတိနှလုံးတစ်စုံနဲ့ အာဃာတအလွဲတွေနဲ့ အမှောင်ပိတ်ဖုံးနေတဲ့ ဖခင်ဖြစ်သူရဲ့ မျက်လုံးအစုံကို အမြင်မှန်ရောက်အောင်လို့ လမ်းကြောင်းမှန်ပေါ် ဆွဲတင်ရုံလေး ဆွဲတင်ပေးသွားခဲ့တာ သိပ်လှတဲ့အပြကလေးပါ။ ကလေးတစ်ယောက်ကို ပျိုးထောင်ဖို့အတွက် မိဘတွေရဲ့ရင်ဟာ ဘာအကြောင်းကြောင့်ပဲဖြစ်ဖြစ် အတ္တမြူတွေပိတ်မနေဘဲ ရှင်းလင်းနေဖို့ ဘယ်လောက်လိုအပ်တယ်ဆိုတာ ထင်းထင်းကြီးမြင်လိုက်ရလို့ပါပဲ။ ဒါက အရေးတကြီး သတိပြုရမယ့် အချက်ပဲလေ။ ဒီဝတ္ထုကို ဆရာမ ဘယ်လိုခံစားရေးဖွဲ့ခဲ့တယ်ဆိုတာ သိပါရစေ။

ဖြေ။     ။ 'လမင်းဖတ်ဖို့စာ'၊ ဟုတ်ကဲ့၊ ၁၉၉၉ ခုနှစ် အောက်တိုဘာလထုတ် ရုပ်ရှင်တေးကဗျာမှာ ဖော်ပြခဲ့တဲ့ ၀တ္ထုပါ။ အဲဒီဝတ္ထုကို ကျွန်မမြစ်ကြီးနားမှာ နေတုန်းက ရေးခဲ့တာပါ။ မြစ်ကြီးနားမှာ ကျွန်မ လေးငါးခြောက်လနေဖူးတယ်။ ဒီတော့ တစ်ခါတလေ ကမ်းနားကို လမ်းလျှောက်သွားဖြစ်တယ်။ တစ်နေ့တော့ ဧရာဝတီမြစ်ဆိပ်ကမ်း (၀ိုင်းမှော်ဘက်ကိုကူးတဲ့ လှေဆိပ်) တစ်ခုမှာထိုင်ရင်း စိတ်ဝင်စားစရာကောင်းတဲ့ အဖြစ်အပျက်ကလေးတစ်ခုကို တွေ့ခဲ့တယ်။ ကလေးတစ်ယောက် လှေပေါ်တက်သွားတဲ့ မိန်းမတစ်ယောက်နောက်ကို လူမှားပြီး ဇွတ်အတင်းပြေးလိုက်ရင်း ရေနစ်တဲ့အဖြစ်အပျက်ပေါ့။

သူတို့ ဘယ်သူဘယ်ဝါတွေဆိုတာ ကျွန်မ မသိပါဘူး။ ကျွန်မက ကမ်းနားမှာနေတဲ့သူလည်း မဟုတ်ဘူး။ ဧည့်သည်တစ်ယောက်ကိုး။ ဒါပေမယ့် ရုန်းရင်း ဆန်ခတ်ဖြစ်နေတဲ့ အဲဒီမြင်ကွင်းလေးကို ခပ်လှမ်းလှမ်းကကြည့်မိရင်း ကြေကွဲသွားတယ်။ ဒါနဲ့ အိမ်ပြန်ရောက်တော့ အဲဒီကလေးမလေးကိုယ်စား လမင်းဖတ်ဖို့စာကို စရေးဖြစ်ပါတယ်။ ကလေးတစ်ယောက်ရဲ့ ခံစားချက်ကတော့ ကျွန်မရဲ့ ငယ်ဘ၀ခံစားချက်တစ်စိတ်တစ်ပိုင်းကို အခြေတည်ပြီး ဆင့်ပွားဖန်တီးတာပေါ့နော်။ ကျွန်မ အဖေကလည်း စာမေးပွဲစစ်တာကို ၀ါသနာပါတဲ့ လူမျိုးလေ။ ကျွန်မကလည်း ငယ်ဘ၀ကတည်းက စာရေးတတ်ခဲ့သူကိုး။ ဒါကြောင့် ဒီဝတ္ထုလေးက အသက်ပါပြီး နှစ်လိုချစ်မက်ဖွယ် ကောင်းသွားတာ ဖြစ်ပါလိမ့်မယ်။ ဘာပဲဖြစ်ဖြစ် ခုလို အသေးစိတ် ဝေဖန်သုံးသပ်ပြတာလေးကိုပဲ ကျေးဇူးအများကြီးတင်ပါတယ်ဆရာမ။

မေး။    ။ ဆရာမရဲ့ ၀တ္ထုတွေထဲမှာတော့ ၂၀၀၂ ခုနှစ် ဇန်န၀ါရီလထုတ် ရွှေအောင်လံ မဂ္ဂဇင်းမှာပါခဲ့တဲ့ 'ကြယ်ကြွေညရဲ့ လတစ်စင်း' ဟာ ကျွန်မရဲ့ ရင်ကို အကြီးအကျယ်လာထိခိုက်တဲ့ ၀တ္ထုတစ်ပုဒ်ပဲ ဆိုပါတော့။ ဒီဝတ္ထုကိုဖတ်ပြီး ခံစားရတယ်။ နာကျင်ဝမ်းနည်းရတယ်။ ပြီးတော့ ဂုဏ်ယူချီးမြှောက်ရပြန်သလို၊ ပကာသနမက်တဲ့ ယောက်ျားတွေအဖို့၊ ဂုဏ်အဆောင်အယောင်ကိုသာ ရှေ့တန်းတင်ဖို့ သတိပြုနေတတ်တဲ့ ယောက်ျားတွေအဖို့ အချစ်စစ် အချစ်မှန်နဲ့ မထိုက်တန် မအပ်စပ်ဘူးဆိုတာကိုပါ သိခွင့်ရလိုက်ပါတယ်။ တိတ်ဆိတ်စွာသည်းခံခြင်းရဲ့ နောက်ကွယ်မှာ၊ အသံမမြည်၊ အသံမထွက်အောင် ရင်ထဲမှာ လှိုင်းကြီးလေကြီးကျလောက်အောင် ကျိတ်ပြီးပွက်ထလောင်မြိုက်နေခဲ့ရတဲ့ မိန်းမတစ်ယောက်ရဲ့ ပေးဆပ်ခြင်းရဲ့နောက်ကွယ်မှာ ရှိနေခဲ့တာဟာ ဘာပဲရယ်လို့ မမြင်နိုင် မသိနိုင်လောက်အောင် အချစ်ကို ပမာမခန့်ပြက်ရယ်ပြု၊ ကန်းခဲ့တဲ့နောက်မှတော့၊ လရဲ့အေးမြတဲ့အရိပ်ကို ခံစားရယူဖို့ မထိုက်တန်တဲ့သူတွေအဖို့ ရှေ့ဆက်ပြီး သူတို့လျှောက်ရမယ့်လမ်းက မှောင်နေဦးမှာပါပဲ။ တချို့က အမှောင်ကိုကြိုက်တယ်မဟုတ်လား ဆရာမ။

ဖြေ။     ။ 'ကြယ်ကြွေညနဲ့ လတစ်စင်း' ကိုရေးတော့ ဒီဝတ္ထုကို လူကြိုက်မှကြိုက်ပါ့မလားလို့ ကျွန်မ စိုးရိမ်ခဲ့မိတယ်။ ရေးပြီးတော့ မြမိုးယံကိုယ်စား သူနဲ့ထပ်တူခံစားပြီး ကျေနပ်လောက်အောင် ရေးဖွဲ့နိုင်ခဲ့တဲ့အတွက် ကျွန်မ ၀မ်းလည်းဝမ်းသာတယ်၊ ၀မ်းလည်းနည်းခဲ့ရပါတယ်။ ကျွန်မအတွက်တော့ ဘယ်အချိန်ပြန်ဖတ်ဖတ် ရင်ဘတ်တွေအောင့်နာနေအောင် ငိုရတဲ့ ၀တ္ထုတစ်ပုဒ်ပါ။ တိတ်တိတ်လေးကြေကွဲနေခဲ့တဲ့ မြမိုးယံအတွက် မျှဝေခံစားပေးကြတဲ့ ဆရာမနဲ့အတူ တခြားပရိသတ်အားလုံးကိုပါ အထူးကျေးဇူးတင်ပါတယ်လို့။ ပြီးတော့ ကျွန်မရေးတာထက် ဆရာမလမင်းအေးရဲ့ အညွှန်းတွေက ပိုများကောင်းနေသလားလို့ပါ။

မေး။    ။ ဆရာမက 'ညွှန်းတယ်' လို့ ထင်တဲ့အတွက် ဒီနေရာမှာ စာဖတ်ပရိသတ်ကို နားလည်ခွင့်လွှတ်ပါလို့ ကျွန်မက တောင်းပန်ရတော့မှာပါ။ ကျွန်မက စာတစ်ပုဒ်တိုင်းကို ရင်ဘတ်နဲ့ ဖတ်တတ်ခဲ့လို့ပါ။ 'ဒုတိယမြောက် ပေးဆပ်ခြင်း ၀တ္ထုတိုပေါင်းချုပ် ၂၀၀၅ စက်တင်ဘာလထုတ်' ထဲမှာပါတဲ့ 'သူစိမ်းသက်သက်' က 'မ'သဘာဝကို ပီပီပြင်ပြင် ဖော်ပြဖန်တီးသွားနိုင်တဲ့ ၀တ္ထုတစ်ပုဒ်ပါ။ ကမ္ဘာကမ္ဘေထဲက ဖြစ်နေကျအတိုင်းဖြစ်လာတဲ့ 'ယောက္ခမနဲ့ ချွေးမ'တို့ရဲ့ မသဘာဝ ပြဿနာရပ်တွေနဲ့၊ ရှောင်လွှဲလို့မရအောင် နေ့စဉ်ရင်ဆိုင်နေကြရရင်း အဆုံးတစ်နေ့မှာ ကြေကွဲစွန့်ခွာရခြင်းတွေနဲ့ ပြီးဆုံးရတဲ့အကြောင်းလေး။ သမာရိုးကျ အကြောင်းအရာပေမယ့်လို့ တင်ပြပုံလေးက လှလွန်းလို့ ဖတ်ရတာ အင်မတန်ဆွဲဆောင်မှုရှိတဲ့ ၀တ္ထုပါ။ ဒါ ထားပါတော့။ ကျွန်မ သိချင်တာက ၀တ္ထုတိုပေါင်းချုပ်စာအုပ်ကို ကိုယ့်ဘာသာ ထုတ်ဝေတဲ့အခါကျတော့ တွေ့ကြုံရင်ဆိုင်ဖြတ်ကျော်ရတဲ့ အခက်အခဲလေးကို ပြောပြပေးစေချင်ပါတယ်။ ကျွန်မတို့လည်း စာအုပ်တစ်အုပ်ဖြစ်လာဖို့ ဘယ်လောက်အားထုတ်ရတယ်ဆိုတာ၊ ပင်ပန်းခက်ခဲတယ်ဆိုတာ သိရအောင်လို့ပေါ့လေ။

ဖြေ။     ။ မထင်မရှား ကျွန်မ၀တ္ထုလေးတွေကို အမြတ်တနိုးပြောပြနိုင်တဲ့ ဆရာမကို ဘယ်လိုကျေးဇူးတင်ရမှန်းတောင် မသိတော့ပါဘူး။ စာရေးဖို့ စိတ်အားလျှော့သွားတဲ့ ယုဒါကို ဆရာမက ပြန်ဆွဲခေါ်လိုက်သလိုပါပဲ။ ဟုတ်တယ်။ 'သူစိမ်းသက်သက်' က ဒုတိယမြောက်ပေးဆပ်ခြင်း စာအုပ်မှာထည့်ထားတယ်။ အဲ့ဒီ ဒုတိယ၀တ္ထုတိုပေါင်းချုပ်စာအုပ်၊ အဲ… ကျွန်မကတော့ မဂ္ဂဇင်းဝတ္ထုရှည်များလို့ ခေါင်းစဉ်တပ်ထားတာ။ အဲဒီစာအုပ်လေးအကြောင်း နည်းနည်းပြောချင်တယ်။ 'ငပိန်' ၀တ္ထုကလွဲရင် ကျန်တာ ၀တ္ထုရှည်တွေချည်းပဲ စုထားတာပါ။ အဲဒီစာအုပ်ကိုထုတ်ဖို့ ကျွန်မမိတ်ဆွေ အယ်ဒီတာတစ်ယောက်ဆီမှာ အပ်ထားတာ။ ပထမ စာအုပ်ကလည်း သူပဲ အားလုံး အစ-အဆုံး လုပ်ပေးခဲ့တာလေ။ စီးပွားရေးအရလုပ်တာလည်း မဟုတ်ဘူးလေ၊ ကိုယ့်ဝတ္ထုလေးတွေ ပြန်စုသိမ်းတဲ့ သဘောပါပဲ။ ဒါနဲ့ သူနဲ့တိုင်ပင်ပြီး ထုတ်မယ်ပေါ့။ သူပဲ မျက်နှာဖုံးပန်းချီအပ်တယ်၊ စာပေစိစစ်ရေးတင်တယ်။ စိစစ်ရေးက စာအုပ်ပြန်မကျခင် ဗြုန်းဆို သူကပျောက်သွားပါလေရော။ ကျွန်မ ဘာဆက်လုပ်ရမှန်းမသိဘူးဖြစ်သွားတယ်။ စာအုပ်ထုတ်တာတို့ ဘာတို့ဆိုတာ ကျွန်မ လုံးဝမကျွမ်းကျင်တဲ့ကိစ္စ။ ဒါပေမယ့်လည်း စာအုပ်က တိုးလို့တန်းလန်းကြီးဖြစ်နေပြီ။ မတတ်သာတဲ့အဆုံး ကျွန်မဘာသာ ဆက်လုပ်ခဲ့ရတယ်။ စာအုပ်ဆိုင်တွေ တင်တာကအစ ကျွန်မလိုက်လျှောက်လုပ်ခဲ့ရတယ်။

ပြောရရင် အဲဒီစာအုပ်ကို ကျွန်မက လှလှပပကလေးဖြစ်ဖို့ မျှော်လင့်ထားတာ။ နောက်တော့ ကျွန်မရဲ့ မသိနားမလည်မှုနဲ့ ညံ့ဖျင်းမှုပေါင်းပြီး ကျွန်မတော်တော်စိတ်ပျက်ရတဲ့ စာအုပ်ဖြစ်သွားတယ်။ ၀တ္ထုတစ်ပုဒ်စီအတွက် သရုပ်ဖော်ပုံထည့်မယ်ဆိုတော့လည်း ဒီဇိုင်းဆရာက 'ပုံတွေမထည့်နဲ့တော့ ဆရာမစာအုပ်က အရမ်းထူနေပြီ' တဲ့။ အသုံးမကျတဲ့ ကျွန်မကလည်း 'ဟုတ်လား' ပေါ့။ သူပြောသမျှအဟုတ်ပေါ့။ ထွက်လာတော့ စာအုပ်က စာစီစာကုံး စာအုပ်လိုလို၊ ခပ်ညံ့ညံ့လုံးချင်းဝတ္ထုစာအုပ်လိုလိုနဲ့၊ အညွှန်းမပါ ဘာမပါ ကပေါက်တိကပေါက်ချာ၊ အဲဒီနောက်ပိုင်း ကျွန်မစာရေးဖို့ အင်အားတွေတောင် လျှော့ကျသွားခဲ့တယ်။ ကိုယ်မကျွမ်းကျင်တဲ့ အလုပ်တစ်ခုကို မလုပ်တတ် မကိုင်တတ်နဲ့ လုပ်လိုက်ရတော့ စာပေလောကကိုတောင် စိတ်ကုန်သွားသလိုပါပဲ။ အခက်အခဲတွေ အများကြီးတွေ့ခဲ့ရတာကိုး။ သင်ခန်းစာတစ်ခုရတယ်ပဲ အောက်မေ့ရတော့တာပေါ့ ဆရာမရယ်။ ဒါပေမယ့် စာအုပ်ရဲ့ အပြင်အဆင်ကိုဘေးဖယ်ထားပြီး စာကိုပဲ အဓိကထား ဖတ်ပေးခဲ့တဲ့ ကျွန်မရဲ့ ပရိသတ်ကို အားနာစွာနဲ့ ကျေးဇူးတင်ရပါကြောင်း ပြောချင်ပါတယ်။

မေး။    ။ ၂၀၀၈ နိုဝင်ဘာလထဲ ထုတ်ဝေတဲ့ 'ခေတ်ပြိုင်များရဲ့သတို့သမီး' ၀တ္ထုတိုပေါင်းချုပ်စာအုပ်ကြီးထဲမှာ ဆရာမရဲ့ 'ငပိန်' ၀တ္ထုလေး ပြန်သုံးထားပုံကိုတွေ့ရပါတယ်။ 'ငပိန်'ကို ၂၀၀၁ ခုနှစ် မေလထုတ် မင်္ဂလာမဂ္ဂဇင်းမှာ ကျွန်မတစ်ခါမက ဖတ်ခဲ့ရပါတယ်။ အခုထပ်တွေ့ရပြန်တော့ ၀မ်းသာမိပါတယ်။ မဂ္ဂဇင်းဝတ္ထုတိုတွေ ရွေးချယ်တဲ့ အဲဒီ အယ်ဒီတာတွေနဲ့ ကျွန်မ အကြိုက်တူနေလို့လေ။ ဆိုပါစို့။ အပြောကျယ်လွန်းလှတဲ့ ဟော့ဒီ ကမ္ဘာမြေကြီးပေါ်မျာ ခွေးလေခွေးလွင့်မကလေးဖြစ်တဲ့ 'ငပိန်' လို့ နေစရာမြေမရှိခဲ့ဘူး။ ကျောချစရာတစ်နေရာအတွက် ကြီးနိုင်ငယ်ညှင်း ဒီလောကကြီးထဲမှာ နေစရာတစ်ခုရဖို့ ငပိန်ဘယ်လို နေထိုင်နည်းတွေနဲ့ ဘ၀သစ်ကိုထွင်ပြီး လျှောက်ခဲ့ရသလဲ။ 'လွတ်လပ်စွာမျှဝေသုံးစွဲခွင့်ရနိုင်လိမ့်မယ်' လို့ ထင်ရတဲ့ လမ်းဘေးအမှိုက်ပုံကြီးမှာတောင် ငပိန် အလူးအလဲ အကွဲအပြဲခံခိုက်ရတယ်။ 'ဂိန်'လို့ အော်မြည်တတ်တဲ့ ငပိန်ကနေ 'ဂဲ' ကနဲ့ ဖြဲချောက်တတ်တဲ့ ငပိန်ဖြစ်လာပြီး နောက်မှာတော့ ငပိန်ဟာ ၀လင်ဆူဖြိုးလာခဲ့ပြီး ခွေးရုပ်ပီပြင်လာခဲ့တယ်။

'ငပိန်'ဟာ တွေးစရာတွေကို အများကြီးချန်ထားပေးခဲ့တဲ့ ၀တ္ထုတိုပီပြင်တဲ့ ၀တ္ထုတိုတစ်ပုဒ်ပါ။ တတ်မြောက်ဖို့၊ ကျွမ်းကျင်ဖို့၊ လိမ္မာပါးနပ်စွာ ရပ်တည်နိုင်ဖို့ ငပိန်ဘယ်လောက်အထိနာခဲ့ရသလဲ။ ငပိန် ဘာတွေပေးဆပ်ခဲ့ရသလဲ။ နေနည်းကို ဘယ်လိုပြောင်းလဲခဲ့သလဲ။ ဒီဝတ္ထုကိုဖတ်ပြီး 'သံသရာကြွေး' ဆိုတဲ့ ၀န်စည်စလွယ်ကို ခေါင်းပေါ်ရွက်သယ်ရင်း မချိမဆံ့၊ မတန်မရာ အနိုင်ကျင့်ခံနေရတဲ့ 'ခင်ဦး' ကို ပြေးမြင်မိပါရဲ့။ 'ခင်ဦး'သာ ငပိန်လို နေခွင့်ရခဲ့မယ်ဆိုရင်များ…။

ဖြေ။     ။ 'ငပိန်'၀တ္ထုလေးကို ဖတ်ဖူးသူ တော်တော်များများက ကြိုက်ကြောင်းပြောပါတယ်။ ကျွန်မကိုယ်တိုင်လည်း အဲဒီဝတ္ထုလေးကိုကြိုက်တယ်။ ကျွန်မက ၀တ္ထုတိုရေးသူဆိုပေမယ့် ကျွန်မရေးတဲ့ ၀တ္ထုအများစုက ခပ်ရှည်ရှည်ဖြစ်နေတတ်တယ်။ 'ငပိန်'ကတော့ ၀တ္ထုတိုပီသတဲ့ ၀တ္ထုတစ်ပုဒ်ဖြစ်လို့ ဆိုပေမယ့် အားရတယ်ပြောပါတော့။ ပြောရမယ်ဆိုရင် ကျွန်မက သရော်စာတွေကိုလည်းကြိုက်တယ်။ ကျွန်မ မျက်လုံးထဲမှာ အဆီအငေါ်မတည့်တဲ့လူတွေနဲ့ ကမောက်ကမဖြစ်နေတဲ့ လောကကြီးကို သရော်ချင်လို့ ငပိန် ၀တ္ထုကို ရေးဖြစ်ခဲ့တာပါ။ ဟာသလေးတစ်ခု ပြန်ပြောပြမယ်။ ကျွန်မနေခဲ့ဖူးတဲ့ အိမ်တစ်အိမ်ဘေးမှာ ငပိန်ကို အသားလွတ်မုန်းနေတဲ့ လူတစ်ယောက်ရှိတယ်။ အိမ်နီးချင်းဆိုပါတော့။ အဲဒီလူက ခွေးမြင်ရင် ခဲနဲ့ပေါက်ချင်ဆိုတဲ့လူပေါ့။ ရယ်စရာလည်း ကောင်းပါရဲ့။ ငပိန်ဝတ္ထုထဲမှာ ငပိန်ပြောတဲ့အတိုင်းပဲပေါ့ ဆရာမရယ်။ ခွေးကို ခဲနဲ့ပေါက်တယ်ဆို ထိပြီး ဂိန်လို့ အော်သံကြားမှ သဘောကျတတ်တဲ့လူစားမျိုးပေါ့။ တစ်နေ့တစ်နေ့ ခွေးနဲ့သူဖြစ်နေတဲ့ အဖြစ်အပျက်ကို ကျွန်မက ကျိတ်ပြီးသဘောကျလွန်းလို့ ဒီဝတ္ထုရေးဖြစ်သွားတာပေါ့။ ဒါပေမယ့် တစ်ယောက်တည်းကို ရည်ရွယ်ပြီး ဒီဝတ္ထုကိုရေးတာမဟုတ်ပါဘူး။ တလောကလုံးက လူတွေအတွက်ပါ။

ခင်ဦးကိုတော့ ကျွန်မက ငပိန်လို နေခွင့်မပြုနိုင်ဘူးဆရာမရဲ့။ ခင်ဦးကို ငပိန်လို နေခွင့်ပြုလိုက်ရင် ဒီထက်ရင်နင့်နာကျင်စရာ ဇာတ်လမ်းတွေဖြစ်သွားမှာစိုးလို့ပါ။

မေး။    ။ နောက်ဆုံးမေးခွန်းလေးပါ။ အနုပညာဟာ ဆရာမအနေနဲ့ ဘယ်သူ့အတွက်ရယ်လို့ ခံယူထားပါသလဲ။ ၀တ္ထုတိုအားကောင်းလှတဲ့ စာရေးဆရာမတစ်ယောက်ရဲ့ ခံယူချက်ကလေးကို သိချင်စိတ်နဲ့ ရိုးရိုးသားသားမေးတာပါ။ ဖန်တီးသူတွေအတွက်ချည်းလား။ ခံစားသူအတွက် ဖန်တီးပုံဖော်တာလား။ ပြည်သူ့ဘက်က ရပ်တည်မဲ့ ပြည်သူ့အတွကလား။ အနုပညာဟာ ဘယ်သူ့အတွက်မှ မဟုတ်ဘဲ အနုပညာသက်သက်အတွက်ရယ်လို့ ရည်စူးပါသလား။ သိခွင့်ရပါရစေ။ တစ်ဆက်တည်းမှာပဲ စာဖတ်ပရိသတ်တစ်ယောက်အနေနဲ့ ပြောရမယ်ဆိုရင်၊ ဆရာမကို မဂ္ဂဇင်းစာမျက်နှာတွေပေါ်ကို ပြန်လာခဲ့ပါလို့ လေးလေးစားစား တောင်းဆိုလိုက်ပါရစေ။

ဖြေ။     ။ အဲဒီမေးခွန်းမျိုးက ကျွန်မအတွက် နည်းနည်းကြီးကျယ်နေသလိုပဲ။ ဒါပေမယ့် ကိုယ့်ကိုမေးလာတော့လည်း ကိုယ့်ခံယူချက်နဲ့ကိုယ်ဖြေရမှာပဲပေါ့နော်။ ကျွန်မရဲ့ အနုပညာ။ ကျွန်မက ၀တ္ထုတို၊ ရှည်ရေးသူ တစ်ယောက်ဖြစ်တဲ့အတွက် စာရေးခြင်းအနုပညာပေါ့။ ရသများကို ထုဆစ်သူပေါ့။ ကျွန်မရင်ထဲက အမှန်စကားတစ်ခွန်းကို ဆိုပါ့မယ်။ အနုပညာဟာ ဘယ်သူ့အတွက်ဆိုတဲ့ ခံယူချက် ကျွန်မမှာမရှိပါဘူး။ အနုပညာတစ်ခုကို ဖန်တီးတာဟာ ကျွန်မကိုတစ်စုံတစ်ယောက်က ဖန်တီးခိုင်းလို့ ဖန်တီးတာမဟုတ်ပါဘူး။ တစ်ခု ထူးခြားချက်ရှိတာကတော့ ၀တ္ထုတစ်ပုဒ်ရေးချင်မိတဲ့အခါမှာ ကိုယ်ချင်းစာတရားနဲ့ မျှဝေခံစားလိုစိတ် ကျွန်မရင်ထဲမှာ ချရေးဖြစ်သွားတယ်။ ကျွန်မစိတ်ကကို မရေးရရင် မနေနိုင်လို့ ရေးတာ၊ ဒီတော့ ယုဒါ ဖန်တီးလိုက်တဲ့ အနုပညာဟာ ဖန်တီးသူအတွက်လို့ ယူဆနိုင်စရာဖြစ်သွားတယ်။

ဒီလိုတော့လည်း မဟုတ်ပြန်ဘူး။ ကျွန်မ ဖန်တီးတဲ့ အနုပညာကို ခံစားသူရှိမှသာ အနုပညာမည်ပါတယ်။ ကိုယ့်အိမ်ထဲမှာ ကိုယ်နေပြီး ခံစားချက်တစ်ပုံတပင်ကြီးနဲ့ ဒိုင်ယာရီရေးနေတဲ့ လူတစ်ယောက်ကို အနုပညာဖန်တီးသူလို့ အမည်မတပ်ကြပါဘူး။ ဒီလိုပဲ စက်ချုပ်တတ်လို့ ကိုယ့်အင်္ကျီကိုယ် ချုပ်ဝတ်တဲ့သူကို အနုပညာသမားလို့ မသတ်မှတ်ပါဘူး။ လူအများအတွက် ဆန်းသစ်တဲ့ပုံစံထုတ်ပြီး အထည်ပေါင်းများစွာကို ဖန်တီးချုပ်လုပ်ပေးနိုင်မှသာ ဒီဇိုင်နာဖြစ်ပါတယ်။ အနုပညာ ဖန်တီးသူဖြစ်ပါတယ်။ အရှင်းဆုံးပြောရရင် ပရိသတ်ရှေ့ချပြနိုင်မှ အနုပညာလို့ လူတွေက ခေါ်တွင်ကြတာပါ။ ဘာလုပ်ငန်းပဲလုပ်လုပ် လူအများအတွက် လုပ်ပေးနိုင်မှသာ တန်းဝင်တဲ့ အနုပညာဖြစ်ပါတယ်။

ဒါကြောင့်မို့ ကျွန်မ နားလည်တာကတော့ လူတိုင်းဟာ ကိုယ့်အတွက် ကိုယ်လုပ်တယ်။ ကိုယ့်အတွက်မပါဘဲ သူများအတွက် သက်သက်လုပ်တဲ့ အနုပညာမရှိဘူးလို့ ကျွန်မ ယူဆပါတယ်။ အနုပညာသက် ရင့်လာတဲ့အခါ၊ အနုပညာအရည်အသွေး မြင့်လာတဲ့အခါမှသာ ပြည်သူ့အတွက် ဖြစ်လာတတ်ပါတယ်။ ဒီလိုပါပဲ ကျွန်မလည်း စာရေးချင်လို့ ရေးခဲ့တာဖြစ်ပေမယ့် အနုပညာသက်ရင့်လာတာနဲ့အမျှ သူများတွေအတွက် ပေးချင်တဲ့စိတ်နဲ့ အနုပညာကို ဖန်တီးတတ်လာပါတယ်။ ဘယ်အနုပညာသမားမဆို တချိန်လုံး ကိုယ့်ဖို့ချည်းပဲတော့ လုပ်မနေနိုင်ကြပါဘူး။ ဟုတ်တယ်မဟုတ်လား ဆရာမ။ အနုပညာနဲ့ပတ်သက်နဲ့ ကျွန်မသဘောထားကို ဒီလောက်ဆို သိနိုင်ပြီထင်ပါတယ်။

ဆရာမရဲ့ တောင်းဆိုမှုကို နှစ်လိုစွာဖြည့်ဆည်းတဲ့အနေနဲ့ မဂ္ဂဇင်းစာမျက်နှာတွေပေါ် ၂၀၀၉ ခုနှစ်နဲ့အတူ ကျွန်မ ပြန်လာခဲ့ပါမယ်လို့ ကတိပေးရင်း ယုဒါရဲ့ပရိသတ်ကိုလည်း အစဉ်ထာဝရ ချစ်ခင်စွာ မေတ္တာထားလျက် ကျေးဇူးအထူးတင်ရှိပါကြောင်း ပန်းအလင်္ကာမှတစ်ဆင့် ပြောလိုက်ပါရစေ။

မေးမြန်းသူ။ ဆရာမ လမင်းအေး