(၁)
မိဝါ…
နင် ငါ့ကို
စိတ်ဆိုးနေမယ်ဆိုတာ သိပါတယ်။ ဒါပေမဲ့ ငါ ဘာမှလုပ်မပေးနိုင်တော့ဘူး မိဝါ။ ဒီအဖြစ်အပျက်ရဲ့
တရားခံဟာ ငါတစ်ယောက်တည်းပဲလို့ ငါ နားလည်လက်ခံထားပါတယ်။ မလေးနဲ့ ငါ့ကို မျက်နှာချင်းဆိုင်ဆုံပေးဖို့
နင် မကြိုးစားပါနဲ့တော့ဟာ။ ငါ ဘယ်တုန်းကမှ အမိန့်ပေးလို့မရတဲ့ နင့်ကို ငါ အနူးအညွတ်
တောင်းပန်လိုက်တာပါ။
နင့်အမုန်းကို
ခံနိုင်ရည်ရှိဖို့ ကြိုးစားနေတဲ့…
ဖိုးကြာ
"တောက်…"။
ကျွန်မရဲ့ တောက်ခေါက်သံဟာ အသံလုံနေတဲ့ အဆောင်တိုက်ခန်းကျဉ်းလေးထဲမှာ ပဲ့တင်ရိုက်ခတ်သွားတဲ့အထိ
ကျယ်လောင်သွားတယ်။ ဖိုးကြာပြောတဲ့ စိတ်ဆိုးတယ်ဆိုတဲ့စကားက ကျွန်မအတွက် မလုံလောက်သေးပါဘူး။
ကျွန်မ စိတ်ဆိုးသွားခဲ့တာမဟုတ်ဘူး။ ဒေါသထွက်သွားခဲ့တာ။ ကြိတ်မနိုင် ခဲမရ သွေးပွက်ပွက်ဆူသွားခဲ့တာ။
ဖြစ်နိုင်ရင် အင်းစိန်ကို ခုချက်ချင်း ထလိုက်သွားလိုက်ချင်တာ။ ကျွန်မ သူနဲ့ မျက်နှာချင်းဆိုင်
တွေ့လိုက်ချင်တယ်။ သူ့မျက်နှာကို စေ့စေ့ကြည့်ပြီး ပက်ပက်စက်စက် ကျိန်ဆဲပစ်လိုက်ချင်တယ်။
ပြီးတော့… ယောက်ျားမဆန်တဲ့ ယောက်ျားတစ်ယောက်ရဲ့ ပါးကို ဘယ်ပြန်ညာပြန် ရိုက်ချပစ်ချင်နေတယ်။
ဒါဟာ မင်းကြာညိုဆိုတဲ့လူတစ်ယောက်
ထည်ဝါ၀င့်ဆိုတဲ့ မိန်းမတစ်ယောက်အပေါ်ထားတဲ့ နားလည်မှုတဲ့လား။ လောကမှာ နင့်ရဲ့စိတ်ကို
နားအလည်နိုင်ဆုံးလူဟာ ငါပါပဲလို့ သူ ပြောချင်ဦးမှာလား။ အောက်နှုတ်ခမ်းကို နာနာကျင်ကျင်
ဖိကိုက်ပြီး ဖိုးကြာရဲ့စာကို လုံးချေပစ်လိုက်မိတဲ့အချိန်လေးမှာပဲ ဟေမာနေ၀င်းရဲ့
"ယုံလား" သီချင်းကို တစ်ဆောင်လုံးကြားအောင် အော်ဆိုလာတဲ့ ဇာဇာ့အသံကို ကျွန်မ
ကြားလိုက်ရတယ်။ ဇာဇာကျောင်းကပြန်လာပြီ။ မလေး ဘာလို့ ကျောင်းပြန်နောက်ကျနေရတာပါလိမ့်။
ကျွန်မရယ်၊
ဇာဇာရယ်၊ မလေးရယ် သုံးယောက်က ညီအစ်မရင်းတွေလို ရင်းနှီးချစ်ခင်ကြတဲ့ အခန်းဖော်တွေပါ။
ဇာဇာနဲ့ ကျွန်မက ကိုးတန်းနှစ်ကတည်းက တွဲခဲ့ကြတာ ခု နောက်ဆုံးနှစ်ရောက်တဲ့အထိပဲ။ မလေးကိုတော့
တက္ကသိုလ်ပထမနှစ်စတက်မှ ခင်မင်ခဲ့တာဆိုပေမယ့် အခန်းဖော်တွေဖြစ်နေတော့ လပိုင်းလေးအတွင်း
ရင်းနှီးသွားခဲ့ရပြန်တယ်။ ဒါပေမဲ့ မလေးက ကျွန်မတို့နဲ့ စရိုက်မတူဘူး။ တကယ့်ရိုးရိုးလေး။
သိမ်သိမ်မွေ့မွေ့ကလေး။ ကျွန်မတို့လို သွက်သွက်ခါတွေမဟုတ်ဘူး။ ဒါပေမဲ့ အံ့သြစရာကောင်းလှတဲ့
ရှေးရေစက်ကြောင့် ကျွန်မတို့သုံးယောက်ဟာ ခွဲမရအောင် တွဲဖြစ်ခဲ့ကြတယ်။
စကားများလွန်းတဲ့
ကျွန်မတို့နှစ်ယောက်ကြားမှာ မလေးဟာ နားထောင်သူသက်သက်၊ ရယ်မောသူ သက်သက်ဖြစ်ခဲ့တယ်။ မလေးက
ကျွန်မတို့လို့ ဗရွတ်ရွှတ်တနိုင်သူ မဟုတ်ဘူး။ ကျွန်မတို့လို အလှပြင်သူလည်း မဟုတ်ဘူး။
တကယ်တော့ မလေးက လှတယ်လို့ ပြောရလောက်တဲ့ ခေတ်မီမီကောင်မလေးလည်း မဟုတ်ပါဘူး။ ဒါပေမဲ့
မလေးက ချစ်စရာကောင်းတယ်။ မလေးမျက်လုံးလေးတွေက အလိုလိုနေရင်း ပြုံးလက်နေတာ။ မလေးက အမြဲတမ်း
အကောင်းမြင်ဝါဒကို လက်ကိုင်ထားနိုင်တဲ့သူ။ ဒါကြောင့်လည်း မလေး နှလုံးသားရဲ့ အရိပ်ဖြစ်တဲ့
မျက်လုံးလေးတွေက ကြည်စင်တောက်ပနေတာပေါ့။ ခုရော အစဉ်အမြဲ ပြုံးပြုံးလေး နေတတ်တဲ့ မလေး
ပြုံးနိုင်ဦးမှာတဲ့လား။ မလေးရဲ့ ကြည်လင်တဲ့ အပြုံးမျက်နှာနဲ့ သာယာအေးချမ်းနေတဲ့ ဘ၀လေးကို
အမှောင်ရိပ်ထိုးပြီး ဖျက်ဆီးပစ်ခဲ့တာ ကျွန်မလား၊ ဇာဇာလား၊ မင်းကြာညိုလား။
(၂)
တအင့်အင့်ရှိုက်ငိုနေတဲ့
ဇာဇာ့ကိုကြည့်ပြီး ကျွန်မ ရယ်မလို ငိုမလို ဖြစ်သွားတယ်။ မလေးရေးထားခဲ့တဲ့ စာလေးကိုဖတ်ပြီး
ဇာဇာ ဟီးချငိုတော့တာပဲ။ သူများကို စ,ရနောက်ရတော့မယ်ဆိုရင် ပျော်ရွှင်ကျေနပ်တတ်လွန်းတဲ့
ဇာဇာဟာ ထစ်ခနဲဆိုရင် အငိုသန်တတ်သူ ဖြစ်နေပြန်တယ်။
ဝါလေး - ဇာဇာ …
မင်းတို့နှစ်ယောက်ရှေ့မှာနေရတာ
ကိုယ်မျက်နှာပူလွန်းလို့ အိမ်ခဏပြန်သွားတယ်။ စိတ်မကောင်းမဖြစ်ကြနဲ့နော်။ မင်းတို့ကို
မလေး လွမ်းနေမှာပါ။
မလေး
အဲဒါ ကျွန်မနဲ့
ဇာဇာ ကျောင်းကပြန်မရောက်ခင် မလေး ရေးထားခဲ့တဲ့စာ။ မလေးက ပဲခူးကနေ ကျောင်းလာတတ်တဲ့သူမို့
စနေ၊ တနင်္ဂနွေ ကျောင်းပိတ်ရက်ဆို ပဲခူးပြန်လေ့ရှိတယ်။ ဒါပေမဲ့ ကျွန်မနဲ့ ဇာဇာတို့ စည်းရုံးမှုကြောင့်
နှစ်ပတ်သုံးပတ်ရှိမှ တစ်ခေါက်ပဲ ပြန်တတ်တဲ့အကျင့် ဖြစ်နေတာ ကြာခဲ့ပါပြီ။ မလေး ပဲခူးပြန်ရင်
နှစ်လတစ်ခေါက်လောက်တော့ ကျွန်မတို့ ပါသွားနေကျ။ ခုတော့ မလေးက ကျွန်မတို့နှစ်ယောက်စလုံးကို
တစ်စုံတစ်ရာမပြောဘဲ တိတ်တိတ်ကလေး ထွက်သွားခဲ့တာ။ ခုတစ်လော မလေး မျက်နှာမကောင်းတာ ကျွန်မတို့
သတိထားမိပေမယ့် ကျွန်မတို့ ဟာသလုပ်သမျှတွေကို ရယ်မောနေဆဲမို့ ဒီလောက် ဆိုးဆိုးဝါးဝါး
ဖြစ်ပျက်သွားခဲ့တဲ့ ပြဿနာကို နောက်ကျပြီးမှ ကျွန်မတို့ သိခဲ့ရတာ။
မလေးဟာ
သူ့အတွက်နဲ့ ဘယ်သူ့ကိုမှ မထိခိုက်စေချင်တဲ့လူမျိုးပါ။ ခုလည်းကြည့် သူခံစားခဲ့ရတာတွေကို
ဘာတစ်ခုမှမပြောဘဲ အောင့်အီးခံနေခဲ့တာ။ တကယ်တော့ ဒီပြဿနာရဲ့ တရားခံဟာ ကျွန်မနဲ့ ဇာဇာပဲ။
ဟောကြည့်… ကိုယ်ကတော့ ဇာဇာ့ကို အဖော်ဆွဲထည့်နေပြန်ပြီ။ အမှန်ကို ၀န်ခံရဲတယ်ဆိုရင် ဒီကိစ္စရဲ့
တရားခံဟာ ထည်ဝါ၀င့်ဆိုတဲ့ ကျွန်မတစ်ယောက်တည်းသာ မဟုတ်လား။
ကျွန်မတို့သုံးယောက်ရဲ့
ပျော်ရွှင်စရာကောင်းလှတဲ့ ဘ၀လေးကို ဖျက်ဆီးပစ်ခဲ့တာ ကျွန်မ မဟုတ်ပါဘူးနော်။ သူပါ။ မင်းကြာညိုဆိုတဲ့
ယောက်ျားတစ်ယောက်ပါ။ ဖိုးကြာဟာ ကျွန်မနဲ့ ပတ်သက်ပြီးမှ မလေးကို သိခဲ့ရတာ။ ကျွန်မနဲ့
ဖိုးကြာက ကျောင်းစတက်တဲ့ ကလေးဘ၀ကတည်းက ခင်မင်ရင်းနှီးခဲ့ကြတဲ့ အိမ်နီးချင်းသူငယ်ချင်းတွေ။
ရှစ်တန်းနှစ်မှ ကျွန်မတို့ မိသားစု နယ်ကနေ ရန်ကုန်ပြောင်းလာလို့ ကွဲသွားခဲ့ကြတယ်။ အဲဒီနောက်
ကိုးတန်း ဆယ်တန်းအထိ စာချင်းအဆက်အသွယ်ရှိကြပြီး ဆယ်တန်းဖြေခါနီးမှာ အဆက်အသွယ် ပြတ်သွားခဲ့တယ်။
နောက်ပိုင်း ကျွန်မ ဒုတိယနှစ် စတက်တဲ့အချိန်မှာကျမှ ပြန်ဆုံခဲ့ကြတာ။ အဲဒီအချိန်မှာ
ဖိုးကြာက ဂျီတီအိုင် ပထမနှစ်ပဲရှိသေးတယ်။ ကျွန်မနဲ့ ဖိုးကြာ ရန်ကုန်တက္ကသိုလ်ကြီးထဲမှာ
မမျှော်လင့်ဘဲ ပြန်တွေ့ရပြီးတဲ့နောက် ကျွန်မနေတဲ့ အပြင်ဆောင်ကို ဖိုးကြာ မကြာမကြာ လာတွေ့ခဲ့ပါတယ်။
ဖိုးကြာနဲ့
ပြန်ဆုံရတဲ့အတွက် ကျွန်မ အတိုင်းမသိ ပျော်ရွှင်ခဲ့ရတာတော့ အမှန်ပဲ။ ကျွန်မအပေါ် ဖိုးကြာလောက်
သည်းခံပေါင်းတဲ့ ယောက်ျားလေးသူငယ်ချင်း နောက်ထပ် မရှိနိုင်တော့ဘူး မဟုတ်လား။ ဖိုးကြာက
စကားနည်းနည်း ခပ်အေးအေး ကောင်လေးတစ်ယောက်ပါ။ ရုပ်ကလေးက ချောချောလေးပေမယ့် ခပ်ရိုးရိုးပဲ
နေတတ်ထိုင်တတ်တယ်။ ယောက်ျားလေးတစ်ယောက်အနေနဲ့ဆိုရင် နုတယ်လို့ ပြောလို့ရတဲ အစားထဲကပေါ့။
ဘာပဲဖြစ်ဖြစ် ကျွန်မကိုတော့ သူ အတော်လေး သံယောဇဉ်ကြီးပါတယ်။ ဖိုးကြာဟာ ငယ်ငယ်ကတည်းက
ကျွန်မရဲ့ ခိုင်းဖက်ပဲ။ ဖိုးကြာနဲ့ ကျွန်မ အတူနေခဲ့ဖူးတဲ့ မြို့လေးက ရှမ်းပြည်တောင်ပိုင်းက
ဗထူးဆိုတဲ့ ချစ်စရာမြို့လေးပေါ့။ ဗထူးမှာ ကျွန်မတို့ အတူနေခဲ့ဖူးတဲ့ ကျောင်းက သိပ်စည်းကမ်းကြီးတာ။
အဲဒီကျောင်းရဲ့ ထူးထူးခြားခြား ပေါ်လစီက မိန်းကလေးနဲ့ ယောက်ျားလေး တူတူထိုင်ရတာပဲ။ မူလတန်း
အဆင့်တွေမှာပေါ့။
ဖိုးကြာနဲ့
ကျွန်မက အိမ်ချင်းကပ်လျက်ဖြစ်သလို အတန်းထဲမှာလည်း တစ်ခုံတည်းတွဲထိုင်ရပြန်တော့ မရင်းနှီးဘဲ
ရှိပါတော့မလား။ ဒီတော့ ကျွန်မ နိုင်စားသမျှကို ဖိုးကြာ ကောင်းကောင်းခံခဲ့ရတယ်။ ထစ်ခနဲဆို
ကျွန်မက ဖိုးကြာခေါင်းကို သံကွန်ပါဘူးနဲ့ ခေါက်ထည့်လိုက်၊ ခဲတံရှည်နဲ့ တောင်ခနဲမြည်အောင်
ရိုက်ပစ်လိုက် နည်းမျိုးစုံနဲ့ အနိုင်ကျင့်ခဲ့တာ။ ကျောင်းမှာ ၀ါ၊စိမ်း၊နီ၊ပြာ အသင်းလေးသင်းဖွဲ့ပြီး
သန့်ရှင်းရေးလုပ်ခိုင်းတော့ ဖိုးကြာနဲ့ ကျွန်မ ကွဲသွားတာ။ ကျွန်မ အသင်းအလှည့်ကျရင်
ကျောင်းစောစောလာပြီး သန့်ရှင်းရေးမလုပ်ချင်လို့ ဖိုးကြာကိုပဲ ကိုယ်စား ခိုင်းခဲ့တာ။
ကျွန်မခိုင်းတာမလုပ်ရင်
ကျွန်မသူ့ကိုရိုက်လို့ နှက်လို့ အိမ်ကို ပြန်တိုင်ရင် "နင်နဲ့ငါ နောက်ဘယ်တော့မှ
မခေါ်တော့ဘူး။ နင်တို့ကားနဲ့လည်း မလိုက်တော့ဘူး" ဆိုပြီး ကျွန်မကပဲ ဦးအောင်ဆန္ဒပြသေးတာ။
ပြန်တွေးကြည့်ရင်တော့ ရယ်စရာကောင်းတဲ့အဖြစ်တွေပေါ့။ သူ့ကားကို ကပ်စီးပြီး ကျွန်မှဗိုလ်ကျခဲ့ပုံတွေကု
သူ အမှတ်တရပြန်ပြောလို့ ကျွန်မတို့ ပြန်ရယ်မိကြသေးတယ်။ ဖိုးကြာအိမ်ကကားနဲ့ ကျွန်မဘာသာ
ကျောင်းမလိုက်ဘဲ နေခဲ့ပြီး ဖိုးကြာက သူ့ကားနဲ့မလိုက်နဲ့လို့ ပြောတယ်ဆိုပြီး တိုင်ပြောလိုက်တာ
ဖိုးကြာတစ်ယောက် အကျင့်ပုပ်လှချည်ရဲ့လို့ သူ့အိမ်က အခန်းတံခါးပိတ် အရိုက်ခံခဲ့ရပါရောလား။
ထည်ဝါ၀င့်ဆိုတာ ငယ်ငယ်ကတော့ အဲသလိုဆိုးခဲ့တဲ့ ကောင်မလေးပေါ့။
ဖိုးကြာနဲ့
ကျွန်မ ကွဲကွာသွားတဲ့အချိန်မှာ ကျွန်မတို့ အပျိုပေါက်၊ လူပျိုပေါက်လေးတွေ ဖြစ်နေကြပေမယ့်
ရှက်ကိုးရှက်ကန်း ဖြစ်သွားတာတို့ ဘာတို့ မရှိခဲ့ဘူး။ ပြန်တွေ့တော့လည်း ဒီအတိုင်းပဲ။
"ဟယ်… ဖိုးကြာစုတ် ရန်ကုန်ရောက်နေတာ ငါ့ကိုလိုက်မရှာဘူး။ ခုမှပဲ တွေ့ရတယ်။ အဲဒါ
နင့်ကြောင့်" ဆိုပြီး တွေ့တွေ့ချင်း ဖိုးကြာနဖူးကို ကျွန်မတအားထုချလိုက်မိတာ သူငယ်ချင်းတွေတောင်
အံ့အားသင့်ခဲ့ရတယ်။ ဖိုးကြာကို ပြန်တွေ့ရတဲ့အတွက် ကျွန်မ ဟန်မဆောင်နိုင်လောက်အောင်
ပျော်သွားရတာကိုး။ အဲဒီကစလို့ အင်းစိန်မှာ ဂျီတီအိုင် တက်နေတဲ့ ဖိုးကြာ ကျွန်မအဆောင်ကို
ရောက်ရောက်လာတော့တာပဲ ဆိုပါတော့လေ။
(၃)
ကျွန်မသိခဲ့ပါတယ်။
ဖိုးကြာ ကျွန်မဆီကို ဘာလို့ မပျက်မကွက်လာနေခဲ့တယ်ဆိုတာကို။ ဘယ်လောက်ရိုးသားတဲ့ ယောက်ျားဖြစ်ပါစေ
သူတို့ မ"အ"ကြဘူးဆိုတာ ကျွန်မ သိတာပေါ့။ ဒါပေမဲ့ ဒီက ထည်ဝါ၀င့်ပဲလေ။ ခပ်ထူထူမိန်းမမှ
မဟုတ်ခဲ့တာ။ ဘယ်ရလိမ့်မလဲ။ ငယ်ငယ်ကတည်းက နားရွက်လိမ်ဆွဲပြီး ခေါင်းခေါက်ခဲ့တဲ့သူမဟုတ်လား။
ရှေ့တစ်လှမ်းတိုးဖို့ မကြိုးစားနဲ့ဦး မင်းကြာညို။ ထည်ဝါ၀င့်ဟာ သူများနဲ့မတူဘူးဆိုတာ
သိနေသားမဟုတ်လား။
ကျွန်မအဆောင်ကို
လာမြဲတိုင်း လာတွေ့နေဆဲအချိန်မှာ ကျွန်မအကြံတစ်ခုရသွားတယ်။ ဇာဇာ့ကို တိုင်ပင်ကြည့်တယ်။
ဇာဇာကလည်း အိုကေ စိန်လိုက်တဲ့။ ကျွန်မနဲ့ ဇာဇာ နှစ်ယောက်သား စီမံကိန်းတစ်ခု ဆွဲလိုက်ကြတယ်။
မလေး မသိအောင် မလေးမရှိတဲ့ ကျောင်းပိတ်ရက်တွေမှာရယ်၊ မလေး ကျောင်းသွားချိန်တွေမှာရယ်
နှစ်ယောက်သား ကျိတ်ကြံခဲ့ကြတယ်။ အဲဒီအစီအစဉ်ဆွဲပြီးတဲ့နောက် ဖိုးကြာ ကျွန်မတို့အဆောင်ကိုလာရင်
ကျွန်မနဲ့ဇာဇာ တိုင်ပင်ထားတဲ့အတိုင်း အကောင်အထည်ဖော်တော့တာပဲ။ ဖိုးကြာ ကျွန်မကိုလာတွေ့ရှု
မလေးကို အရင်ထွက်တွေ့ခိုင်းလိုက်တယ်။ ထည်ဝါ၀င့် ဧည့်သည်ဆိုတဲ့အသံကြားမှ ရေချိုးခန်းထဲ၊
အိမ်သာထဲပြေးဝင်ပြီး ခဏရှောင်ပုန်းတဲ့နည်းကတော့ ကျွန်မတို့ရဲ့ ပထမဦးဆုံး ဗျူဟာပေါ့။
ရိုးသားတဲ့ မလေးကတော့ ကျွန်မတို့ကိုယ်စား ရိုးရိုးသားသားပဲ ဧည့်သည်ကို ထွက်တွေ့ပေးရှာပါတယ်။
ဘာမှမသိရှာတဲ့
ဖိုးကြာကလည်း အရင်ဆုံးထွက်တွေ့တဲ့ မလေးနဲ့ စကားပြောပြီး ကျွန်မထွက်အလာကို ပုံမှန်အတိုင်း
စောင့်နေခဲ့တယ်။ အဲဒီကနေ ဒုတိယတစ်ဆင့်တက်လို့ ကျွန်မတို့ ကြိုးစားကြပြန်တယ်။ ဖိုးကြာလာပြီဆိုတာနဲ့
မလေးကို "ဖိုးကြာနဲ့ မလေး ရွှေနှလုံးသားမှာ သွားစောင့်နေဟာ၊ အဆောင်ရှေ့မှာ ဖိုးကြာ
ရပ်စောင့်နေရတာ သနားပါတယ်။ ပါလာလည်း ရှိတာမဟုတ်ဘူး၊ ဟိုလူကကြည့်၊ ဒီလူကကြည့်နဲ့။ လက်ဖက်ရည်ဆိုင်မှာဆိုတော့
ဣနြေ္ဒရတာပေါ့ မလေးရယ်" ဆိုပြီး နှစ်ယောက်တွဲ ပ,ထုတ်လိုက်ကြတယ်။ ဖိုးကြာလာရင် ကျွန်မတို့
သုံးယောက်နဲ့ ဖိုးကြာ လှည်းတန်းက လက်ဖက်ရည်ဆိုင် တစ်ဆိုင်ဆိုင်ဖြစ်ဖြစ်၊ အင်းလျားဖြစ်ဖြစ်
သွားတတ်ကြတယ်။ မလေးနဲ့ ဇာဇာကလည်း ဖိုးကြာကို သူငယ်ချင်း တစ်ယောက်အဖြစ် တော်တော်လေး
ခင်မင်ရင်းနှီးနေပြီလေ။ ဒါပေမဲ့ ကျွန်မနဲ့ ဇာဇာက မလေးနဲ့ ဖိုးကြာကို သူငယ်ချင်းအဖြစ်ထက်
ပိုသွားစေချင်တာ မဟုတ်လား။
အလှပြင်ရင်
သိပ်ကြာတဲ့ ကျွန်မနဲ့ ဇာဇာအကြောင်းကို ဖိုးကြာရော မလေးပါ သိကြပြီးသားလေ။ ဒီတော့ ကျွန်မတို့နှစ်ယောက်
အလှပြင်လို့ ကြာနေတယ်ပဲ အောက်မေ့ပြီး တစ်နေရာရာကနေ မလေးတို့ စိတ်ရှည်လက်ရှည် စောင့်နေခဲ့ကြတယ်။
တစ်ခါတစ်လေ လက်ဖက်ရည်ဆိုင်ထဲမှာ ဖိုးကြာနဲ့ မလေး တစ်နာရီကျော် ထိုင်စောင့်နေတဲ့နေ့တွေလည်း
ရှိတယ်။ အချိန်သိပ်ကြာသွားလို့ ကျွန်မတို့ ပေါ်မလာရင် မလေးကို အဆောင်ပြန်ပို့ပြီး ဖိုးကြာ
ပြန်သွားလေ့ရှိတယ်။ အဲဒီအခါ ကာယကံရှင်ဖြစ်တဲ့ ကျွန်မရောက်မလာလို့ စိတ်ဆိုးလာတဲ့ မလေးကို
"မလေးရယ် မိဝါအိမ်က ဖုန်းလာလို့တော့။ မိဝါအမေရယ် တော်တော်နေမကောင်းဖြစ်နေသတဲ့။
ခု… မိဝါကြီး ငိုနေတယ်" ဆိုတာမျိုး၊ "မလေးရေ… ဇာဇာ ရေချိုးရင်း ချော်လဲတာ
ခြေထောက် ထောက်လို့မရဘူး ဖြစ်သွားတယ်။ မိဝါဖြင့် မလေးကိုလည်းအားနာ၊ ဇာဇာကိုလည်း ထားခဲ့လို့မရနဲ့
စိတ်ကိုညစ်ရော။ ဖိုးကြာပြန်သွားပြီလား" ဆိုတဲ့ ဇာတ်လမ်းမျိုးစုံနဲ့ မျက်ကလဲဆန်ပျာ
လုပ်ပြလိုက်တော့ မလေးကတောင် တစ်ပြန် သနားစိတ်တွေ ၀င်သွားလို့ပေါ့။ ရိုးစင်းလှတဲ့ မလေးဟာ
ကျွန်မတို့နှစ်ယောက် လှိမ့်သမျှ အဟုတ်ကြီး ထင်နေခဲ့တယ်လေ။
ဒါပေမဲ့လို့
ဖိုးကြာနဲ့ မလေး နှစ်ယောက်လုံးဟာ အင်မတန် ရိုးအေးတဲ့သူတွေဖြစ်တာရယ်၊ သူတို့ စိတ်ကိုက
သူငယ်ချင်းစိတ်ထက် မပိုတာရယ်ကြောင့် ကျွန်မတို့ ဘယ်လောက်ပဲ တွန်းပို့တွန်းပို့ ဘာတစ်ခုမှ
ထူးခြားပြောင်းလဲ မလာခဲ့ပါဘူး။ ဒီတော့ ကျွန်မနဲ့ ဇာဇာ ခေါင်းချင်းရိုက်ကြရပြန်တယ်။
ဖိုးကြာကို ပေါ်တင်ဖွင့်ပြောဖို့ နှစ်ဦးသဘောတူ ဆွေးနွေးလိုက်တယ်။ အကောင်အထည်ဖော်ရသူကတော့
ကျွန်မပေါ့။ ဖိုးကြာက ကျွန်မ သူငယ်ချင်းမဟုတ်လား။
အံ့သြတကြီးဖြစ်သွားတဲ့
ဖိုးကြာမျက်လုံးတွေကို ခုချိန်ထိ ကျွန်မ မြင်ယောင်မိပါသေးတယ်။ "မလေးနဲ့ နင့်ကို
ငါတို့ သဘောတူထားတယ်ဟ၊ နင်က သိပ်ရိုးတော့ ခပ်လည်လည်မိန်းမနဲ့ တွေ့သွားမှာစိုးလို့။
နင်သိတဲ့ အတိုင်းပဲ ခုခေတ်ကောင်မလေးတွေ ဘယ်လောက်လည်တယ်ဆိုတာ ယောက်ျားကောင်းကောင်းတော့
လိုချင်ကြတယ်၊ အိမ်ထောင်မှုကို ဘာမှ နိုင်နင်းတာမဟုတ်ဘူး။ မလေးကတော့ ငါတို့ကိုလည်း ချစ်တယ်၊
တော်လည်းတော်တယ်၊ စိတ်ရင်းလည်းဖြူတယ်၊ နင်နဲ့အကိုက်ဆုံးပါပဲ။ ဒါပဲနော် ဖိုးကြာ နင်
မလေးကလွဲရင် ဘယ်သူ့ကိုမှ မကြိုက်ရဘူး။ မလေးကို နင် ကြိုက်ရမယ်"
ကျွန်မရဲ့
အကျပ်ကိုင်စကားကိုကြားတော့ ဖိုးကြာ အတော်ကြီးကို စိတ်ပျက်လက်ပျက် ဖြစ်သွားခဲ့တာ။
"မဖြစ်နိုင်ပါဘူးဟာ" ဆိုတဲ့ စကားကိုသာ ထပ်တလဲလဲ ပြောနေခဲ့တယ်။ ကျွန်မကလည်း
လုံးဝမလျှော့ဘူး။ "နင် ငါ့အဆောင်ကိုလာရင် လေးစန္ဒာလို့ ခေါ်ရမယ်။ မဟုတ်ရင် နင်နဲ့ငါ
မခေါ်ဘူး။ နင် ငါ့ဆီ လုံးဝမလာနဲ့တော့" လို့ ကျွန်မ အရဲစွန့်ခြိမ်းခြောက်လိုက်တာနဲ့
ဖိုးကြာ သုံးလေးပတ်ဆက်တိုက် ပေါ်မလာတော့ဘူး။ ဇာဇာကတော့ ဖိုးကြာ ပေါ်မလာတော့လို့
"နင့်အမိန့်ကြီးက ပြင်းထန်လွန်းပါတယ် ဟာ၊ ခုကြည့်… ဖိုးကြာ မလာတော့ ငါတို့ ဘာမှ
ဆက်မလှုပ်ရှားနိုင်တော့ဘူး၊ သူငယ်ချင်းတစ်ယောက် အလကားဆုံးရတာပဲရှိတယ်" ဆိုပြီး
စိတ်မကောင်းဖြစ်နေသေးတယ်။
ဘာမှမသိတဲ့
မလေးကတော့ "မိဝါနဲ့ ဖိုးကြာ ရန်ဖြစ်ထားကြပြန်ပြီလား၊ ခုတစ်လော ဖိုးကြာ မလာပါလား"
တဲ့ … မေးရှာတယ်။ ကျွန်မလည်း ပြောသာပြောလိုက်ရပေမယ့် ဖိုးကြာမလာတော့ စိတ်ဆင်းရဲနေမိတယ်။
ဖိုးကြာ ပြန်လာပါစေဆိုပြီး ဆုတောင်းရတာလည်း အမောပါပဲ။ တစ်လကျော်တော့ ဖိုးကြာ ပြန်ပေါ်လာပါလေရော။
သူဇာနိုင်ဆိုတဲ့ ဇာဇာ့အမည်ကိုတပ်ပြီး ကျွန်မတို့အဆောင်ကို ရောက်လာခဲ့တာ။ ဇာဇာနဲ့ ကျွန်မဆိုတာ
ပျော်လိုက်ရတာလေ အရမ်းပါပဲ။ "ဖိုးကြာရယ် ဒီတစ်ခါ နင့်မျက်နှာကိုတွေ့ရတာ မင်းသားရန်အောင်ကို
လက်ဆွဲနှုတ်ဆက်ရတာထက်တောင် ပျော်သေးတယ်" လို့ ဇာဇာပြောတော့ ထုံးစံအတိုင်း ဖိုးကြာ
ပြုံးနေခဲ့တယ်။
ဘာပဲဖြစ်ဖြစ်
ဖိုးကြာ ကျွန်မကို ပစ်ပယ်စွန့်ခွာမထားနိုင်ဘူးဆိုတာ ပိုသိလာတဲ့အတွက် ကျွန်မ ကျေနပ်သွားတယ်။
ဖိုးကြာကို ကျွန်မ အဆုံးရှုံးမခံနိုင်ဘူးလေ။ ဖိုးကြာအပေါ် ချစ်သူတစ်ယောက်လို ကျွန်မ
ဘယ်လိုမှ ချစ်လို့မရဘူး။ သံယောဇဉ်ရှိတာတစ်ခုပဲ။ ဒါပေမဲ့ ဖိုးကြာရဲ့ အရည်အချင်းကို ကျွန်မ
အထင်ကြီးတယ်။ ဖိုးကြာရဲ့ ကိုယ်ကျင့်တရားနဲ့ စိတ်ကို သဘောကျတယ်၊ ဖိုးကြာလို ရိုးသားဖြူစင်တဲ့
ယောက်ျားတစ်ယောက်ကို ရဖို့ မလွယ်ဘူးဆိုတာ ကျွန်မသိတာပေါ့။ ဒါကြောင့်လည်း ကျွန်မချစ်တဲ့
မလေးနဲ့ ကျွန်မ သံယောဇဉ်ကြီးတဲ့ ဖိုးကြာကို ဖြစ်သွားစေချင်ခဲ့တာ။ ဒီကိစ္စမှာ ကျွန်မ
တရားတယ်၊ မတရားဘူးဆိုတာ ဝေဖန်ဆွေးနွေးပေးမယ့်သူတစ်ယောက်မှ မရှိခဲ့တဲ့အတွက် ကျွန်မဖန်တီးတဲ့ဇာတ်လမ်းဟာ
ရုပ်လုံးပေါ်လာခဲ့ပြန်တယ်။ တစ်သက်လုံး ကျွန်မကို အလျှော့ပေး အရှုံးခံလာတဲ့လူတစ်ယောက်ကို
ကျွန်မ နိုင်ထက်စီးနင်း ဗိုလ်ကျပြီးနောက် ကျွန်မမျှော်လင့်တဲ့ အနာဂတ် ပီပြင်လာခဲ့တယ်ဆိုပါတော့။
(၄)
ရှက်ကိုးရှက်ကန်း
ရယ်မောနေတဲ့ မလေးကိုကြည့်ပြီး ကျွန်မနဲ့ဇာဇာ အူလှိုက်သည်းလှိုက် ရယ်မောခဲ့ကြတယ်။ ဖိုးကြာက
မလေးကို ရည်းစားစကား ပြောလိုက်တယ်ဆိုတပဲ။ ဇာဇာနဲ့ ကျွန်မဟာ မျက်နှာတွေ နီရဲနေတဲ့ မလေးကို
အားမနာပါးမနာ စစ်စစ်ပေါက်ပေါက် မေးခွန်းတွေ ထုတ်ကြတယ်။ ပြီးတော့ ဖိုးကြာရဲ့ဂုဏ်ပုဒ်တွေကို
ကျွန်မတို့ မေဂျာက ပြဌာန်းစာအုပ် ခြောက်အုပ်စာလောက်ရှိအောင် ထုတ်ဖော်ချီးမွမ်းပေးလိုက်ကြတယ်။
အဲဒီအချိန်အထိ မလေးဟာ ဖိုးကြာအပေါ် သူငယ်ချင်း တစ်ယောက်အဖြစ်သာ ရိုးရိုးသားသား ခင်မင်ခဲ့တာ။
မောင်လေးတစ်ယောက်လိုပဲ
ချစ်နိုင်ပါတယ်ဟယ်လို့ ဆိုနေတဲ့ မလေးကို ညစဉ်ညတိုင်း စာမကျက်ဘဲ ဖိုးကြာ ဘယ်လောက်တော်ကြောင်း၊
ရည်းစားဘယ်လိုထားသင့်ကြောင်းတေါ လက်ချာရိုက်ပေးသူတွေကတော့ ကျွန်မနဲ့ ဇာဇာ နှစ်ယောက်တည်းပေါ့။
"မလေးရယ် နင် ကံကောင်းလွန်းလို့ သိလား၊ နင်နဲ့ ဖိုးကြာကို ငါတို့က သဘောတူနေတာဟာ၊
စိတ်ထဲကပေါ့ဟာ၊ ခုတော့ ငါတို့တောင် ပြောစရာမလိုတော့ဘူး၊ နင်မို့လို့ ဖိုးကြာက ကြိုက်တာမလေးရဲ့။
ဇာဇာ့ကိုကြိုက်ရင်လည်း မိဝါက သဘောမတူပါဘူး။ မလေးနော် ဖိုးကြာကို ပြန်ကြိုက်လိုက်။ မဟုတ်ရင်တော့
ဇာဇာက ဖြတ်ခုတ်ပစ်လိုက်မှာပဲလို့" ဇာဇာက ဘေးတီးပေးလိုက်၊ ကျွန်မက…
"မလေးနော်
မိဝါသူငယ်ချင်းကို ငြင်းရဲငြင်းကြည့် မလေးသဘောမတူတဲ့ လောဖိုင်နယ်က ဟို… ရုပ်ဆိုးဆိုးကောင်ကို
မိဝါ အဟုတ်ပြန်ကြိုက်ပစ်လိုက်မှာ" လို့ ခြိမ်းခြောက်လိုက်နဲ့ မလေးတစ်ယောက် ဘေးကျပ်နံကျပ်ဖြစ်လာအောင်
ဝိုင်းပြီး မြှောက်ထိုးပင့်ကော်လုပ်ခဲ့ကြတယ်။ မလေးတို့ကျောင်းက ကျောင်းသားတစ်ယောက်က
ကျွန်မကို အသည်းအသန်ကြိုက်နေတာ ရှိတယ်လေ။ ဆံပင်ကောက်ကွေးနဲ့ ကာတွန်းရုပ်နဲ့တူတဲ့ အဲဒီလူ
ကျွန်မကိုမှ ကြိုက်ရပါ့မလားဆိုပြီး မလေးဆို ဒေါသမထွက်စဖူး ထွက်ပြီး ဆွေ့ဆွေ့ခုန်နေခဲ့တာ။
ကျွန်မ မလေးစာသင်ခန်းရှိတဲ့ ရာမညဆောင်အပေါ်ထပ်ကိုသွားရင် အခန်းပြင်ကို မလေး အပြေးအလွှားထွက်လာတော့တာပဲ။
အဲဒီလူ ကျွန်မကို စေ့စေ့ကြည့်တာတောင် မလေးက မခံနိုင်လွန်းလို့တဲ့။ မလေးဆိုတာ ကျွန်မအပေါ်
ဒီလောက်ချစ်တဲ့လူ။
ဇာဇာလည်း
ကျွန်မကို ချစ်တာပါပဲ။ ဒါပေမဲ့ မလေးလောက်တော့ သည်းခံစိတ်မရှည်နိုင်ဘူး။ ကျွန်မ ခါးကိုက်လို့၊
ကိုယ်လက်တွေ ညောင်းညာနေလို့ဆိုရင် စိတ်ရှည်လက်ရှည် နင်းပေးတတ်သေးတာ။ ဘယ်လောက်ကြာကြာ
နင်းရပါစေ တစ်ချက်မညည်းညူဘူး။ ဇာဇာ့ကိုများ နင်းခိုင်းလိုက်ရင် လမ်းလျှောက်သလို တက်နင်းချတော့တာပဲ။
မလေးထက် ပိုပိန်တဲ့ ဇာဇာ့အနင်းကို ကျွန်မ မခံနိုင်ဘူး။ ဇာဇာက စိတ်မရှည်တတ်ဘူးလေ။ ဘာပဲဖြစ်ဖြစ်
ကျွန်မတို့သုံးယောက်ကြားမှာ မနာလိုတာ၊ ပြိုင်ဆိုင်တာ လုံးဝမရှိဘဲ တူညီတဲ့စိတ်ထားတွေနဲ့
ပေါင်းခဲ့ကြတာမို့ အားလုံး စိတ်ချမ်းသာပျော်ရွှင်မှု ရခဲ့ကြတာတော့ အမှန်ပါပဲ။ ကျွန်မတို့မှာ
ကျောင်းပြီးလို့ ကွဲသွားကြရင်ဆိုပြီး တွေးမိရင်တောင် မျက်ရည်ကျရတဲ့အထိ ဖြစ်ကြရတာ။
ကျွန်မတို့နှစ်ယောက်အပေါ်
မလေး ဘယ်လောက်ထိ အလေးထားချစ်ခဲ့တယ်ဆိုတာ သိသာပါတယ်။ ကျွန်မတို့စိတ်ကြိုက် ရွေးချယ်ပေးတဲ့
ယောက်ျားတစ်ယောက်ကို လက်ခံတဲ့အထိပဲလေ။ မိဝါနဲ့ ဇာဇာ မလေးနဲ့ ပတ်သက်ပြီး စိတ်ချမ်းသာရတယ်ဆိုရင်ပဲ
မလေး ကျေနပ်လှပါပြီတဲ့။ အဲဒီကာလတွေမှာ ကျွန်မတို့ သူငယ်ချင်းသုံးယောက်ရဲ့ အပျော်ဆုံးကာလတွေပေါ့။
လေးစန္ဒာ ဧည့်သည်ဆိုတဲ့ အသံကြားရင် ကျွန်မနဲ့ဇာဇာ ၀မ်းသာအားရဖြစ်ကြရတယ်။ ထည်ဝါ၀င့်ဆိုတဲ့အမည်ကိုခေါ်ရင်
ချက်ချင်း ထွက်မတွေ့ခဲ့တဲ့ ကျွန်မဟာ လေးစန္ဒာအမည်ကြားရတဲ့အခါ ပြုံးစိစိမျက်နှာနဲ့ မလေးနောက်ကလိုက်ပြီး
ဖိုးကြာကို ထွက်နှုတ်ဆက်ခဲ့တယ်။ တကယ်ဆို အဲဒီကတည်းက ဖိုးကြာရဲ့ မျက်လုံးတွေကို အဓိပ္ပါယ်ဖတ်ကြည့်ခဲ့ဖို့
ကောင်းတာပေါ့။ အင်းလေ။ မင်းကြာညိုရဲ့မျက်လုံးထဲမှာ ဘာတွေရှိခဲ့တယ်ဆိုတာကို ကျွန်မ သိခဲ့လျက်နဲ့ပဲ…။
(၅)
မလေး
ပဲခူးပြန်သွားတဲ့ ကျောင်းပိတ်ရက် ညနေခင်းတစ်ခုမှာ ဖိုးကြာ ကျွန်မတို့အဆောင်ကို ရောက်လာခဲ့တယ်။
လေးစန္ဒာ ဧည့်သည်လို့ အဆောင်သူတစ်ယောက်က လှမ်းအော်ပေးတော့ မလေးအစား ကျွန်မထွက်တွေ့ခဲ့တယ်။
ဖိုးကြာလို့ ကျွန်မ ထင်မထားခဲ့မိတဲ့အတွက်လေ။ မလေး အိမ်ပြန်သွားတာ ဖိုးကြာ သိနေတာပဲ
မဟုတ်လား။ ဖိုးကြာကိုတွေ့လိုက်ရတော့ ကျွန်မ အံ့သြသွားခဲ့တယ်။ "မလေး မရှိဘူး ဖိုးကြာ"
လို့ ကျွန်မ ပြောမိတော့ "ငါ သိပါတယ်" တဲ့၊ ကျွန်မစိတ်ထဲ တစ်မျိုးကြီးခံစားလိုက်ရတယ်။
"ငါက ထည်ဝါ၀င့်ရဲ့ သူငယ်ချင်းလား၊ လေးစန္ဒာရဲ့ သူငယ်ချင်းလားဆိုတာ နင် မခွဲခြားတော့ဘူးလား
မိဝါ" လို့ သူပြောတော့ "ထည်ဝါ၀င့် သူငယ်ချင်း လေးစန္ဒာ ရည်းစားလေ" လို့
ကျွန်မ ပြန်ဖြေလိုက်တယ်။ ဖိုးကြာ ပြုံးသွားတယ်။ ဒါပေမယ့် မဲ့ပြုံးဖြစ်နေခဲ့တယ်။ အဲဒီနေ့က
ကျွန်မနဲ့ ဖိုးကြာ စကားတွေ အများကြီး ပြောဖြစ်ခဲ့ကြတယ်။ ကျွန်မတို့ ပုဂ္ဂလိကအဆောင်မှာ
ပါလာမရှိတဲ့အတွက် လက်ဖက်ရည်ဆိုင်မှာပဲ စကားထိုင်ပြောကြရတယ်။ ကျွန်မတို့အဆောင်နဲ့ သိပ်မဝေးလှတဲ့
အင်းစိန်လမ်းမကြီးပေါ်က 'Spectrum' (အရင်တုန်းက Peace House) ဆိုတဲ့ ဆိုင်လေးထဲမှာပေါ့။
ဇာဇာက သူ့အဒေါ်အိမ် ညအိပ်ထွက်သွားလို့ ကျွန်မတစ်ယောက်တည်း ဖြစ်နေခဲ့တာ။ ဖိုးကြာ ဘာတွေပြောမှာပါလိမ့်ဆိုပြီး
ရင်ထိတ်နေတဲ့ ကျွန်မဟာ ဖိုးကြာကို မကြောက်စဖူး ကြောက်နေခဲ့မိတယ်။
"
နင် ပျော်နေလား မိဝါ " ဆိုတဲ့ ဖိုးကြာရဲ့ အူကြောင်ကြောင်နိုင်လှတဲ့ အမေးကို
"ပျော်တယ်၊ နင်နဲ့ မလေး ပြေလည်သွားကတည်းက ငါ အမြဲပျော်နေတာပဲ" လို့ လွယ်လွယ်ကူကူ
ပြန်ဖြေလိုကတယ်။ "ငါကလည်း နင့်ကို အမြဲပျော်နေစေချင်တာပါ။ ဒါပေမယ့် နင် ပျော်ရဖို့
တစ်ခုအတွက်နဲ့ အပြစ်မဲ့တဲ့လူတစ်ယောက်ကို ငါ မရက်စက်ချင်တော့ဘူး မိဝါ။ ငါ မလေးကို ဆက်ပြီး
ဟန်ဆောင်မနေချင်တော့ဘူး"
"နင်…
နင် ဘာတွေလာပြောနေတာလဲ ဖိုးကြာ။ နင် ငါ့ကို စိတ်ချမ်းသာစေချင်တယ်ဆို။ နင့်ကို မလေး
လက်ခံအောင် ငါ ဘယ်လောက်စည်းရုံးခဲ့ရတယ်ဆိုတာ နင်သိသားနဲ့ ဖိုးကြာရယ်။ ပြီးတော့ ဒီကိစ္စဟာ
ပျော်ဖို့သက်သက် လုပ်ပေးခဲ့တဲ့ ကိစ္စမဟုတ်ပါဘူး ဖိုးကြာရဲ့။ နင်တို့နှစ်ယောက်လုံးအပေါ်
စေတနာ မေတ္တာအပြည့်ထားပြီး လုပ်ပေးခဲ့တဲ့ ကိစ္စပါ။ ခု မလေးက နင့်ကို တကယ် စွဲစွဲလမ်းလမ်း
ချစ်သွားပြီဆိုတာ နင် မသိဘူးလားဟင်"
"သိတယ်၊
သိပ်သိတာပေါ့၊ ဒါကြောင့် သူ့ကို ငါ ဟန်မဆောင်ချင်တော့တာ။ သိပ်ပြီး အပြစ်ကင်းဖြူစင်တဲ့
လူတစ်ယောက်အပေါ် ဒီထက်ပိုပြီး ငါ မရက်စက်ချင်တော့လိုပဲ မိဝါ"
"အိုး…
နင်မရက်စက်ချင်တာက ပိုပြီး ရက်စက်ရာကျသွားမှာပေါ့။ ငါတို့ သူ့ကို ၀ိုင်းလိမ်ခဲ့ကြတယ်လို့
သူ ထင်သွားတော့မှာပေါ့ ဖိုးကြာရဲ့"
ကျွန်မအသံတွေက
ငိုချင်စိတ်ကြောင့် ထိန်းလို့မရအောင် တုန်နေခဲ့တယ်။ "အေးလေ ခုလည်း… ၀ိုင်းလိမ်နေကြတာပဲ
မဟုတ်ဘူးလား" လို့ ဖိုးကြာပြန်ပြောတော့ ကျွန်မမျက်ဝန်းက မျက်ရည်တွေ စီးကျလာတော့တာပဲ။
ဟုတ်တယ်။ ကျွန်မတို့ မလေးကို ၀ိုင်းလိမ်ခဲ့ကြတယ်။ ဟင့်အင်း… မဟုတ်ဘူး။ စေတနာ စေတနာနဲ့
ပြောခဲ့ကြတာပါ။ ကျွန်မ ဖိုးကြာစကားတွေကို မကြားတစ်ချက် ကြားတစ်ချက် နားထောင်နေခဲ့တယ်။
ဖိုးကြာအကြောင်းကို ကျွန်မ ပြောပြရင် မျက်လုံးလေးဝိုင်းပြီး ပြုံးပြုံးလေး ငြိမ်နားထောင်တတ်တဲ့
မလေးမျက်နှာ သွယ်သွယ်လေးကိုပဲ မြင်ယောင်နေမိတယ်။
လက်ဖက်ရည်ဆိုင်ထဲမှာပဲ
ကျွန်မ မျက်ရည်တွေ တားမရအောင် စီးကျလာတော့ ဖိုးကြာ ပျာယာခတ်သွားတယ်။ မင်းကြာညိုဟာ ထည်ဝင့်ဝါရဲ့
မျက်ရည်တွေကို ဇိမ်ခံကြည့်နေနိုင်သူမဟုတ်ဘူးဆိုတာ ကျွန်မ သိပါတယ်။ "သွားမယ်"
လို့ ဗလုံးဗထွေးပြောပြီး လက်ဖက်ရည်ဆိုင်ထဲကနေ ကျွန်မတို့နှစ်ယောက် ပြန်ထွက်ခဲ့ကြတယ်။
လမ်းမပေါ်ရောက်တာနဲ့ မျက်ရည်တွေကို ကျွန်မ ဒေါသတကြီးသုတ်ပြီး ဖိုးကြာကို ရန်တွေ့တော့တာပဲ။
ယောက်ျားမပီသတဲ့ကောင်၊ လူယုတ်မာ၊ ခွေးကောင်စုတ်၊ သစ္စာဖောက် ဆိုတဲ့ စကားလုံးအမျိုးမျိုးနဲ့
ဖိုးကြာကို ကျွန်မ စိတ်တိုင်းကျ ဆဲဆိုပစ်လိုက်တယ်။
ဒါပေမဲ့
ဖိုးကြာကို ဘယ်လိုပြောလို့မှ ကျွန်မ အားမရနိုင်ဘူး ဖြစ်နေတယ်။ ဖိုးကြာကတော့ ကျွန်မ
ပြောသမျှ ငြိမ်ခံလာတာပါပဲ။ မလေးကို ဖိုးကြာ ပစ်ပယ်ထားခဲ့မှာကို သေရမလောက်ကြောက်နေတဲ့
ကျွန်မဟာ နှုတ်သီးကောင်းလျှာပါး ရန်စကားဆိုပြီး တစ်ခါ ငိုချမိပြန်တယ်။ ပြီးတော့ မျက်ရည်သုတ်ရင်း
သက်ပြင်းအခါခါချနေတဲ့ ဖိုးကြာကို အနုနည်းသုံးပြီး ရှိခိုးမတတ် တောင်းပန်နေမိပြန်တယ်။
"ဖိုးကြာရယ်…
မလေး သနားပါတယ်။ နင် မရက်စက်ပါနဲ့နော်။ ဟန်ဆောင်လက်စနဲ့ ဆက်ပြီး ဟန်ဆောင်လိုက်ပါတော့နော်။
မလေးက နင့်ကို သိပ်ချစ်တာ ဖိုးကြာရဲ့။ တဖြည်းဖြည်းနဲ့ နင်လည်း မလေးကို ချစ်သွားမှာပါ။
မလေး ငါ့ကိုအထင်လွဲအောင် မလုပ်ပါနဲ့ ဖိုးကြာရယ်။ နင်က ငါ့ရဲ့ သူငယ်ချင်းကောင်း အမြဲတမ်း
ဖြစ်နေမယ်ဆို။ ငါ့ကိုသနားရင် နင် မလေးကို မရက်စက်ပါနဲ့နော်"
ဖိုးကြာရဲ့
သက်ပြင်းချသံတွေ ပိုပြီး ကျယ်လောင်လာခဲ့တယ်။ အဲဒီနေ့က ကျွန်မတို့အဆောင် ခြံဝင်းထိပ်ထိ
ကျွန်မကို ပြန်ပို့ပေးခဲ့တဲ့ ဖိုးကြာဟာ တစ်လမ်းလုံး စကားတစ်ခွန်းမှ ပြောမသွားခဲ့ဘူးထင်ပါတယ်။
(၆)
ကျွန်မအဆောင်ကို
ဖိုးကြာ သိသိသာသာ အလာနည်းသွားတဲ့အချိန်မှာ ပျာယာခတ်နေရတဲ့လူက ဖိုးကြာရည်းစား လေးစန္ဒာမဟုတ်ဘဲ
ထည်ဝါ၀င့် ဖြစ်နေခဲ့တယ်။ မလေးက "ဖိုးကြာ စာမေးပွဲနီးလို့ စာကျက်နေတယ်" လို့
ပေါ့ပေါ့လေးပြောနိုင်ပေမယ့် အကြောင်းသိနေတဲ့ ကျွန်မကတော့ စိတ်တွေလေးနေခဲ့တယ်။ ဖိုးကြာတို့က
နှစ်ဝက်စာမေးပွဲဖြေရသူတွေ။ တကယ်ဆို မကြာခင်ကမှ နှစ်ဝက်စာမေးပွဲဖြေထားရတာမို့ စာကို
ဒီလောက် သဲသဲမဲမဲ ကျက်နေစရာမလိုတာ ကျွန်မသိတာပေါ့။ ဖိုးကြာမလာတာဟာ စာကျက်နေရလို့မဟုတ်ဘဲ
တမင်မလာချင်လို့ မလာတာဆိုတာ ကျွန်မ သိနေခဲ့တယ်။
အင်းစိန်
ဂျီတီအိုင်ဝင်းထဲမှာနေတဲ့ ကောင်လေးတစ်ယောက်အတွက် လှည်းတန်း ဇေယျာသီရိလမ်းထဲမှာနေတဲ့
ကောင်မလေး တစ်ယောက်ဆီ သုံးလေးရက်တစ်ခါ လာတွေ့ဖို့ကိစ္စဟာ ခက်ခဲတဲ့အလုပ် တစ်ခုမှ မဟုတ်ဘဲ။
စနေ၊ တနင်္ဂနွေ ကျောင်းပိတ်ရက်မှာ ပဲခူးပြန်ဖို့ စီစဉ်ထားတဲ့ မလေးဟာ ဖိုးကြာလာမယ်အထင်နဲ့
အိမ်မပြန်ဘဲ စောင့်နေခဲ့တယ်။ ညနေစောင်း ကျွန်မနဲ့ ဇာဇာ အပြင်ထွက် ထမင်းဝယ်ရင်တောင်
မလိုက်ဘဲ ဖိုးကြာကို မျှော်နေခဲ့တာ။ နှစ်ပတ်ဆက်တိုက် ဖိုးကြာပေါ်မလာတော့ ကျွန်မနဲ့ ဇာဇာ
စိုးရိမ်စိတ်တွေ ကြီးထွားလာရတယ်။
ဒါနဲ့
မလေးမသိအောင် ဖိုးကြာတို့ကျောင်းကို ကျွန်မတို့ လိုက်သွားခဲ့ကြတယ်။ ဂျီတီအိုင်ကျောင်းထဲကို
သွားရတဲ့အလုပ်ဟာ ကျွန်မတို့အဖို့ တော်တော်ကို ကြောင်စီစီနိုင်ခဲ့တယ်။ တစ်ခါမှ မရောက်ဖူးတဲ့နေရာ
ဖြစ်နေတာရယ်၊ ယောက်ျားလေးအများစုကြားထဲမှာ ဖြစ်နေတာရယ်ကြောင့် ကျွန်မတို့ အတော် ဒုက္ခရောက်ခဲ့ကြရတယ်။
နောက်ဆုံးတော့ ဂျီတီအိုင်ကျောင်းရှေ့က လက်ဖက်ရည်ဆိုင်မှာ ဖိုးကြာကို သွားတွေ့ခဲ့တယ်။
တစ်ကျောင်းလုံးကလူတွေ ကျွန်မတို့ကို ၀ိုင်းကြည့်နေသလို ခံစားရပေမယ့် ကိုယ့်အပူနဲ့ကိုယ်
ဖြစ်နေတာမို့ ကျွန်မတို့ ရှက်ရမှန်းလည်း မသိခဲ့ကြဘူးလေ။ လက်ဖက်ရည်ဆိုင်ထဲက ၀ုန်းဝုန်းဒိုင်းဒိုင်း
ဖွင့်ထားတဲ့ သီချင်းသံကြောင့် ဖိုးကြာကို ကျွန်မတို့ စိတ်ထဲရှိတဲ့အတိုင်း အော်ဟစ်ပြောဆိုခွင့်ရခဲ့တယ်
ဆိုပါတော့။
မင်းကြာညိုဆိုတဲ့
ကောင်လေးကတော့ ထုံးစံအတိုင်း စကားများများ မဆိုခဲ့ပါဘူး။ ကျွန်မတို့ ချော့တစ်လှည့်
ခြောက်တစ်လှည့်လုပ်နေတာကို ဣနြေ္ဒရရပဲ နားထောင်နေခဲ့တာ။ ကျွန်မတို့နှစ်ယောက် ပြန်သာလာခဲ့ကြတယ်။
ကျွန်မတို့လိုချင်တဲ့ ကတိစကားကို ဖိုးကြာဆီက မရခဲ့ကြဘူး။ ကျွန်မတို့ အဆောင်ပြန်ရောက်ချိန်မှာ
"ဖိုးကြာ လာသွားတယ်" လို့ မလေးပြောတဲ့အခါ ကျွန်မတို့ သိပ်အံ့သြသွားကြရတာပေါ့။
ဒီနေ့အဖို့ ဖိုးကြာ ဘယ်လိုနည်းနဲ့မှ မလေးဆီကို ရောက်မလာနိုင်တာ ကျွန်မတို့ သိနေသားပဲ
မဟုတ်လား။ ဒါဆိုရင် ဖိုးကြာမလာဘဲနဲ့ လာတယ်လို့ မလေး ဘာကြောင့် ညာပြောခဲ့ရတာလဲ။ မလေးရင်ထဲကို
ထိုးဖောက်ကြည့်မိလိုက်တဲ့အချိန်မှာ ကျွန်မ တစ်သက်နဲ့တစ်ကိုယ် မခံစားရဖူးတဲ့ ကြေကွဲမှုမျိုးနဲ့
ကြေကွဲသွားရတယ်။ မလေးက ကျွန်မနဲ့ဇာဇာတို့နှစ်ယောက် စိတ်ချမ်းသာမှုအတွက် မလိမ်စဖူး လိမ်ညာခဲ့တာကိုး။
ညဖက်
ကျွန်မတို့ အဆောင်အပေါ်ထပ်မှာ တီဗွီတက်ကြည့်ကြတော့ မလေး မလိုက်ဘဲ ကျန်ရစ်တယ်။ ဇာတ်လမ်းတွဲပြီးလို့
ကျွန်မတို့ ပြန်ဆင်းလာတော့ မလေးက ခြင်ထောင်ချပြီး အိပ်နေပြီလေ။ မလေးခြင်ထောင်ကို ကျွန်မ
အသာလေးမ,ကြည့်တော့ တစောင်းလေးအိပ်နေတဲ့ မလေးပါးပြင်ပေါ်မှာ ခြောက်သွေ့စပြုနေပြီဖြစ်တဲ့
မျက်ရည်စတွေနဲ့။ ဘုရားရေ… မလေး ငိုနေခဲ့ပါရောလား။ ကျွန်မနဲ့ ဇာဇာ တစ်ယောက်ကိုတစ်ယောက်
ကြည့်ပြီး သက်ပြင်းရှိုက်လိုက်မိကြတယ်။ ကဲ… ဘယ်လိုလဲ ဒေါ်ထည်ဝါ၀င့် မြားနတ်မယ် လုပ်ချင်လှတဲ့ရှင်
ဒီကိစ္စကို ဘယ်လိုဆက်လုပ်ပေးဖို့ စဉ်းစားထားသလဲဆိုတာ ပြောပါဦး။ တစ်စုံတစ်ယောက်က လှမ်းမေးသံလိုလို
ကျွန်မ ကြားလိုက်ရလို့ ဇာဇာ ဘာလဲဟင်လို့တောင် မေးမိသွားတယ်။ ဇာဇာက မျက်လုံးလေး ကလယ်ကလယ်နဲ့
ကျွန်မကို မေးမိသွားတယ်။ အဲဒီညက ကျွန်မနဲ့ဇာဇာ ညလုံးပေါက် ထိုင်စကားပြောနေဖြစ်ခဲ့တယ်။
မနက်လင်းပိုင်းရောက်မှ အိပ်ဖြစ်ကြလို့ နေ့လယ်စာစားဖို့ မလေးနိုးတော့မှ အိပ်ရာထဖြစ်ခဲ့ကြတာ။
ကျွန်မတို့
အိပ်ရာက နိုးတဲ့အချိန်မှာတော့ မလေးတစ်ယောက် ညက ဘာမှမဖြစ်ခဲ့တဲ့ပုံနဲ့ ကျွန်မတို့အတွက်
ထမင်းပွဲကို စာကြည့်စားပွဲ နှစ်လုံးဆက်ပြီး သူ့ခုတင်ပေါ်မှာ ပြင်ထားပြီးခဲ့ပြီ။ ကျောင်းပိတ်ရက်တွေမှာဖြစ်ဖြစ်၊
စိတ်ကူးရရင်ဖြစ်ဖြစ် ကျွန်မတို့ ထမင်းတစ်လှည့်စီ ချက်စားလေ့ရှိတယ်။ တစ်လှည့်စီဆိုပေမယ့်လည်း
ကျွန်မတို့အလှည့်က ရောက်လာတယ်ဆိုတာ မရှိသလောက် ဆိုတော့ မလေးတစ်ယောက်သာ ဒိုင်ခံပေါ့။
မလေးချက်ကျွေးတာကိုချည်း စားနေရတာ အားနာပေမယ့် မလေးလက်ရာက သိပ်ကောင်းနေတာရယ်၊ မလေးကိုယ်တိုင်က
ထမင်းဟင်းချက် ၀ါသနာပါပြီး စေတနာရှိရှိ ချက်ကျွေးချင်တာရယ်ကြောင့် ကျွန်မတို့ ဟန်ကျနေခဲ့တယ်။
အဆောင်မှာ
ကျွန်မတို့ရဲ့ အစ်မကြီးဟာ မလေးပဲ။ အိမ်မှာလည်း အငယ်ဆုံးမို့ ဗိုလ်ကျခွင့်ရတဲ့ ကျွန်မဟာ
အဆောင်မှာလည်း အငယ်ဆုံးမို့ ဗိုလ်ကျခွင့်ရခဲ့ပြန်တယ်။ ဒါကတော့ မလေးရဲ့ နေရာတကာအလျှော့ပေးတတ်တဲ့
အစ်မကြီးစိတ်ကြောင့် ဒီလိုအခွင့်ရနေတာလည်း ဖြစ်နိုင်ပါတယ်။ ငယ်တယ်ဆိုတာ တစ်ခုနဲ့ အလျှော့ပေးသည်းခံသူ
မရှိတဲ့နေရာမျိုးမှာ ဘယ်လိုလုပ် ဗိုလ်ကျနိုင်မတဲ့လဲ။ ကျွန်မနဲ့ ဇာဇာရဲ့ အ၀တ်တွေပုံနေရင်
ဘာမပြော ညာမပြော လျှော်ပေးထားတတ်တဲ့၊ မီးပူတိုက်ပေးထားတတ်တဲ့၊ သူနဲ့ လုံးဝမသက်ဆိုင်တဲ့စာတွေကို
မညည်းမညူ ကူးပေးတတ်တဲ့၊ မနက် ငါးနာရီမထိုးခင် အိပ်ရာထပြီး ဘုရားရှိခိုး တရားထိုင်လေ့ရှိတဲ့၊
နာမည်ရ တရားသူကြီး တစ်ယောက်ဖြစ်ဖို့ မျှော်လင့်စိတ်ကူးနေတဲ့ စိတ်နှလုံးဖြူစင်လှတဲ့
မိန်းမတစ်ယောက်ရဲ့ အဖြူထည်သက်သက်ဘ၀လေးကို ကျွန်မတို့ ဘာကြောင့်များ ဆေးရောင်ခြယ်ခဲ့မိပါလိမ့်။
စာမေးပွဲရက်နီးပြီဖြစ်တဲ့
ကျွန်မဟာ မလေးတို့ နှစ်ယောက်ကြားမှာ ဗျာများနေခဲ့တယ်။ သေချာသွားခဲ့ပြီ။ ကျွန်မ ဘယ်လိုမှ
စေ့စပ်ပေးလို့မရတဲ့ လုပ်ရပ်တစ်ခုနဲ့ ဖိုးကြာဟာ ကျွန်မ ဇာတ်ညွှန်းရေး၊ ဒါရိုက်တာလုပ်ခဲ့တဲ့
မပြီးဆုံးသေးတဲ့ ဇာတ်လမ်းတစ်ပုဒ်ကနေ ထွက်ခွာသွားခဲ့ပြီ။ ဇာဇာကတော့ မလေးကို သနားလို့ဆိုပြီး
ငိုချည်းနေခဲ့တယ်။ "ဖိုးကြာကိုတွေ့ရင် နင် ပါးရိုက်ပြစ်လိုက်စမ်းပါ" ဆိုပြီး
ကျွန်မကို လူမိုက်ငှားနေပြန်တယ်။ တကယ်ဆို ကျွန်မက နဂိုကတည်းက မိုက်ခဲ့မိတဲ့လူပါ။ ဒီဇာတ်လမ်းမှာ
တာဝန်အရှိဆုံးဖြစ်တဲ့ ကျွန်မကတော့ ကိုယ်မပိုင်ခဲ့တဲ့ မင်းသားတစ်လက်ရဲ့ ပြတ်သားမှုအပေါ်
စွဲချက်အမျိုးမျိုးတင်ပြီး ရတက်ပွေနေရတုန်းပေါ့။
"မိဝါအပြစ်ပါပဲ
မလေးရယ်၊ မိဝါ တိုက်တွန်းခဲ့လို့ ဖိုးကြာကို မလေး လက်ခံလိုက်ရတာပါ" လို့ မလေးကို
ကျွန်မ တောင်းပန်တော့ မလေးက "မိဝါ အပြစ်မဟုတ်ပါဘူး။ မလေး ဆန္ဒပါမှ လုပ်လို့ရတဲ့ကိစ္စပါ။
မလေးက သူ့ကို ချစ်သွားမိခဲ့မှကိုး။ ဒါ မလေးကံနဲ့ပဲ ဆိုင်ပါတယ်။ မိဝါတို့က မလေးအပေါ်
စေတနာထားပြီး တိုက်တွန်းခဲ့ကြတာပဲ။ မလေး ဒီလိုဖြစ်စေတော့ဆိုတဲ့ စိတ်နဲ့ လုပ်ခဲ့ကြတာမှ
မဟုတ်ဘဲ။ မိဝါတို့နဲ့ မဆိုင်ပါဘူးကွယ်" လို့ ကျွန်မကို တစ်ပြန် ဖြေသိမ့်နေခဲ့တယ်။
ကြည့်စမ်းပါ။ ဘယ်လောက် အကောင်းမြင်ဝါဒ ရှိလိုက်တဲ့ မိန်းမလဲဆိုတာ။
ကျွန်မတို့သုံးယောက်ဟာ
မင်းကြာညိုဆိုတဲ့ နာမည်တစ်ခု ပါမလာအောင် စကားပြောဆိုရင်း စာမေးပွဲအတွက် လုံးပန်းရတော့တယ်။
စာမေးပွဲဖြေဖို့က တစ်လတောင် မလိုတော့တဲ့အချိန်ကို ရောက်လာခဲ့ပြီလေ။ တစ်ပွဲတိုးသမားတွေဖြစ်တဲ့
ကျွန်မနဲ့ ဇာဇာကတော့ တစ်ခန်းတည်းအတူနေရင်း အော်ဟစ်ပြီး စာကျက်ကြတယ်။ မလေးက စိတ်ထဲက
ကျက်တတ်သူမို့ ကျွန်မတို့လို နေရာလုရန်ဖြစ်တဲ့ အထဲ မပါရဘူးလေ။ ကျွန်မနဲ့ ဇာဇာကတော့
နေရာခွဲ စာကျက်လိုက်၊ တစ်ယောက်ကျက်နေတဲ့နေရာကို တစ်ယောက်က မနေနိုင်မထိုင်နိုင် လိုက်လာလိုက်နဲ့ပဲ
စာထဲမှာစိတ်ကို အပြည့်မြှုပ်နှံရင်း မင်းကြာညိုဆိုတဲ့ သူငယ်ချင်းတစ်ယောက်ကို မေ့လျော့သွားခဲ့ကြတယ်။
အင်းလေ… ထည်ဝါ၀င့်နဲ့ သူဇာနိုင်က ကိုယ်တိုင်ခံစားလိုက်ရသူတွေမှ မဟုတ်ပေဘဲကိုး။ စာမေးပွဲနီးရင်
ကယောင်ချောက်ချားတွေဖြစ်တတ်တဲ့ ကျွန်မတို့နှစ်ယောက်ကို မလေးက အားပေးစကားတွေ ဆိုနေတော့
မလေးလည်း ဖိုးကြာကို မေ့ပြီထင်ပါရဲ့လို့ ကျွန်မတို့ ထင်မိကြတယ်။ ဒါက ကျွန်မတို့အထင်လေ။
တကယ်တမ်း ဖိုးကြာကို မလေး မမေ့နိုင်ဘူးဆိုတာ ကျွန်မတို့ သိခွင့်ရခဲ့တော့မှ ကျွန်မတို့ဘာသာ
မကျေမနပ် ဖြစ်ကြရတယ်။
စာကျက်ရင်း
မလေးရေးထားတဲ့ မင်းကြာညိုဆိုတဲ့ စာလုံးလေးတွေကို စာမျက်နှာအပြည့် ကျွန်မတို့ ဖတ်ကြည့်မိကြတယ်။
မင်းစာမေးပွဲဖြေနိုင်ပါစေလို့ မလေး ဆုတောင်းပေးနေပါတယ်။ မင်းထားရစ်ခဲ့တဲ့ဘ၀မှာ မလေး
ပျော်ပျော်ကြီး ကျန်ရစ်နေပါ့မယ်။ မလေး တစ်ခါက ပြောခဲ့ဖူးသလိုပဲ မလေးကို ထားရစ်ခဲ့ဖို့
မင်း အကြောင်းပြချက်ပေးစရာမလိုဘူးဆိုတဲ့စကား မင်းတကယ်ပဲ လိုက်နာခဲ့တာလား… ဆိုတဲ့ ဟိုတစ်ကြောင်း
ဒီတစ်ကြောင်း ရေးထားတဲ့ မလေးရဲ့ ခံစားချက်အပိုင်းအစတွေကို ကောက်ယူဆက်စပ်ကြည့်မိတဲ့အခါ
ကျွန်မ ပစ္စုပ္ပန်ထဲမှာ ခဏတာ လဲကျသေဆုံးသွားခဲ့တယ်။ အဲဒီနောက် ဆုံးဖြတ်ချက်တစ်ခု ခိုင်ခိုင်မာမာချလိုက်မိတယ်လေ။
(၇)
ဇာဇာ့ကိုမတိုင်ပင်ဘဲ
ကျွန်မတစ်ယောက်တည်း ထွက်လာခဲ့တာ။ စာအပြင်းအထန်ကျက်နေတဲ့ ဇာဇာ့ကို စိတ်အနှောင့်အယှက်
မဖြစ်စေချင်ဘူးလေ။ ဖိုးကြာတို့ စာမေးပွဲဖြေပြီးတဲ့ နေ့တစ်နေ့ပေါ့။ ကျွန်မကိုမြင်တော့
ဖိုးကြာ မျက်လုံးတွေ ချက်ချင်း အရောင်တောက်ပသွားတယ်။ ဒါပေမယ့် ခဏလေးပါပဲ။ ခေါင်းငိုက်စိုက်ကျပြီး
မှုန်ဝါးဝါးဖြစ်သွားတဲ့ မျက်လုံးတွေကိုသာ ကျွန်မရင်ဆိုင်လိုက်ရတာ။ လျှပ်စစ်မီးမှုန်မှုန်လေးတွေ
ထွန်းစပြုနေပြီဖြစ်တဲ့ အင်းစိန်ရွာမရဲ့ ဘူတာဈေးတန်း လက်ဖက်ရည်ဆိုင်လေးတစ်ခုမှာ ကျွန်မနဲ့
ဖိုးကြာ မျက်နှာချင်းဆိုင် ထိုင်ခဲ့ကြတယ်။
"နင်
ငါ့ပါးကိုရိုက်ဖို့လာခဲ့တာဆိုရင်လည်း ငါခံမှာပါ မိဝါ။ ဒါပေမယ့် စာမေးပွဲသိပ်နီးနေပြီဆိုတာတော့
နင် သတိရဖို့ ကောင်းတယ်" ဖိုးကြာရဲ့ စကားသံမှာ စေတနာ ကရုဏာတွေ ပျော်ဝင်နေမှန်း
သိပေမယ့် နှုတ်ခမ်းကို အစွမ်းကုန်မဲ့ပစ်မိတယ်။ "မလိုပါဘူး၊ ငါ စာမေးပွဲနီးပေမယ့်
နင် စာမေးပွဲပြီးသွားပြီပဲ။ ငါတို့ ကျောင်းကစာတွေက နင်တို့ကျောင်းက စာတွေလောက် မခက်ခဲပါဘူး"
"ကဲ…
ပြော… နင်ဘာတွေပြောချင်လို့လဲ။ ငါ နားထောင်ပေးမှာပါ"
"နားထောင်ရုံသက်သက်တော့
မရဘူး ဖိုးကြာ၊ နင်တစ်ခုခုလုပ်ပေးရမယ်။ နင် ငါ့သူငယ်ချင်းအပေါ် သိပ်ကိုရက်စက်လွန်းတယ်
ဖိုးကြာ"
"နင်
မှားနေပြီ မိဝါ၊ နင့်အယူအဆတွေ မှားနေပြီ၊ ငါ ပြောခဲ့ပြီပဲ မိဝါ။ ငါ မလေးကို မရက်စက်ချင်လို့
ထားခဲ့တာ။ နင် သိခဲ့သားပဲ မိဝါရယ်။ ငါ မလေးကို…"
ဖိုးကြာ
စကားမဆုံးခင်မှာ "မကြားချင်ဘူး၊ အဲဒါတွေ ဆက်မပြောနဲ့၊ နင်တို့ယောက်ျားတွေဆီမှာရှိတဲ့
အချစ်ဆိုတာ ပုံစံအမျိုးမျိုးပြောင်းလို့ရတယ်ဆိုတာ ငါသိပြီးသား" လို့ ဆရာကြီးလေသံနဲ့
ကျွန်မအော်ပစ်လိုက်တယ်။ ဒါပေမယ့် ဖိုးကြာက ကျွန်မကို ဒီတစ်ခါတော့ အလျှော့မပေးချင် ပုံစံမျိုးနဲ့
ရယ်မောနေခဲ့တယ်။
"နေပါဦး
ဆရာမကြီးရဲ့။ အချစ်ဆိုတာကို ဒဿနဖွင့်ပြီး သရုပ်ခွဲနေရအောင် နင့်ရင်ထဲမှာ အချစ်ဆိုတာရော
ရှိခဲ့လို့လား"
ကျွန်မ
ဖိုးကြာစကားကို ဆတ်ဆတ်ခါနာသွားရတယ်။ ဘာဆိုင်သလဲ။ ယောက်ျားတစ်ယောက်ကို ချစ်သူရည်းစားအဖြစ်
မချစ်ဖူးတာနဲ့ ကျွန်မ မှားရမတဲ့လား။ ကျွန်မ မမှားဘူး။ မှားခြင်းမှား မင်းကြာညိုကသာ
မှားမှာ။
"နင်
ငါ့ကို ဘာမှခနဲ့နေစရာမလိုဘူး ဖိုးကြာ။ ဒီကိစ္စဟာ ငါ့ရင်ထဲမှာ အချစ်ရှိတာ၊ မရှိတာနဲ့
ဘာမှမဆိုင်ဘူး။ ဒါကို နင်ထည့်ပြောနေစရာမလိုပါဘူး"
"ဆောရီး
မိဝါ၊ နင့်ကို ငါ တမင်ခနဲ့လိုက်တာ မဟုတ်ပါဘူး။ ငါ ခံစားရတာကို ပြောချင်တာ လောကြီးသွားလို့ပါ။
နင် မသိပါဘူး မိဝါရယ်။ နင် နားလည်ထားတဲ့အချစ်နဲ့ ငါ ခံစားနားလည်ထားတဲ့အချစ်ဆိုတာ ပုံစံချင်းမတူပါဘူး။
နင်တို့မိန်းကလေးတွေက ယောက်ျားတွေရဲ့ ချစ်ခြင်းမေတ္တာဆိုတာကို မေ့လွယ် ပျောက်လွယ် ပြောင်းလဲလွယ်တဲ့အရာလို့
ပုံသေကားကျ သတ်မှတ်ထားကြတာကိုး။ လူတစ်ယောက်နဲ့တစ်ယောက် စိတ်ခံစားမှုချင်း မတူနိုင်ကြပါဘူး
မိဝါ။ လူတစ်ယောက်ရဲ့ စိတ်အခြေခံ၊ ဗီဇရယ်၊ အခြေအနေ အချိန်အခါပေါ်မှာရယ် မူတည်ပြီး ချစ်ခြင်းမေတ္တာဆိုတာလည်း
အရောင်အပြောင်းအလဲရှိတာ ငါ လက်ခံပါတယ်။ ဒါပေမယ့် ရင်ထဲမှာ အခိုင်အမာ အမြစ်တွယ်နေတဲ့
အချစ်ဆိုတာကြီးကို ထုတ်ပစ်ဖို့ဆိုတာတော့ မလွယ်ပါဘူးဟာ။ ငါ မလေးကို ဒီထက်ပိုပြီး ဟန်ဆောင်နေရင်
အချိန်ကြာလာတာနဲ့အမျှ သူ ပိုခံစားလာရလိမ့်မယ်။ ငါ သူ့ကို သနားတဲ့စိတ်နဲ့ပဲ ချစ်ကြည့်ပါသေးတယ်။
မရဘူး မိဝါရယ်။ မလေးကို အစ်မတစ်ယောက်လို၊ သူငယ်ချင်းတစ်ယောက်လို၊ မိတ်ဆွေတစ်ယောက်လိုထက်
ပိုချစ်လို့ မရနိုင်ဘူး။ ဒါကိုတော့ နင်ကိုယ်ချင်းစာတတ်လိမ့်မယ် ထင်ပါတယ်ဟာ"
ကျွန်မကို
စိုက်ကြည့်လာတဲ့ ဖိုးကြာမျက်လုံးတွေနဲ့ မဆုံရအောင် ညနေစောင်း လက်ဖက်ရည်ဆိုင်ထိုင်ဖို့
ထွက်လာတဲ့ လမ်းမပေါ်က ဂျီတီအိုင် ကျောင်းသူကျောင်းသားတွေကို ငေးကြည့်နေလိုက်တယ်။ စာမေးပွဲပြီးစမို့
ထင်ပါရဲ့၊ လွတ်လပ်ပျော်ရွှင်နေတဲ့ သူတို့မျက်နှာလေးတွေက သိသာလိုက်တာ။
"နင့်
ရင်ထဲမှာ လူတစ်ယောက်အပေါ် ချစ်တဲ့စိတ် နည်းနည်းလေးမှ မရှိဘူးဆိုရင် အဲဒီလူကို နင် ဘယ်နည်းနဲ့မှ
လက်ခံမှာမဟုတ်ဘူး မဟုတ်လား မိဝါ။ နင်က အဲသလို ခေါင်းမာနိုင်သူဆိုတာ ငါသိပါတယ်။ ကံမကောင်းတဲ့
ငါဆိုတဲ့ကောင်သာ အဲဒီလို ခေါင်းမာမပြနိုင်ခဲ့တာ။ ခေါင်းမာဖို့အတွက်လည်း ငါ့နှလုံးသားက
ခွင့်မပေးခဲ့ဘူးလေ။ ငါက နင် စိတ်မချမ်းမသာ ဖြစ်မှာကို သေမလောက် ကြောက်ခဲ့မိတာကိုး။
အဲဒီအတ္တကြောင့် ကံဆိုးချင်တဲ့ မလေးက အချောင်ဓားစာခံ ဖြစ်ခဲ့ရတယ်။ ငါ မလေးကို မချစ်နိုင်ဘဲနဲ့
ဒုက္ခမပေးချင်တော့ဘူး မိဝါ။ မလေးဟာ သိပ်ပြီးဖြူစင်တဲ့ မိန်းကလေး။ သူလိုလူမျိုးရဲ့ စိတ်ကို
အရောင်ဆိုးပေးတာ ပိုအပြစ်ကြီးပါတယ် မိဝါရယ်"
လေသံအေးအေးနဲ့
ပြောနေတဲ့ ဖိုးကြာစကားတွေကို ကျွန်မ ငြိမ်ငြိမ်သက်သက် နားထောင်လာနိုင်ခဲ့တယ်။ သူ့ပါးကို
စိတ်ရှိလက်ရှိ ရိုက်ချပစ်ချင်စိတ်တွေလည်း ကြက်ပျောက်ငှက်ပျောက် ပျောက်ဆုံးကုန်တယ်။
"ဒီဇာတ်လမ်းမှာ
အပြစ်အကြီးဆုံးလူဟာ ငါပဲလို့ ငါ့ကိုယ်ငါ သတ်မှတ်ထားပါတယ်။ နင်ဖြစ်စေချင်တာကို ဇွတ်မှိတ်ပြီးလုပ်ပေးမိခဲ့တဲ့
ငါသာတရားခံပါ။ ငါ့ကြောင့် တစ်စုံတစ်ယောက် ထိခိုက်နစ်နာသွားရတဲ့အတွက် ငါ့ကိုယ်ငါ အမြဲမကျေမနပ်
ဖြစ်နေရဦးမှာပါ။ ငါ့ကို ခွင့်လွှတ်ပါလို့လည်း မတောင်းပန်တော့ပါဘူး မိဝါ။ နင်တို့စာမေးပွဲ
သိပ်နီးနေပြီမဟုတ်လား။ အနည်ထိုင်စပြုနေတဲ့ အမှုန်လေးတွေ လှုပ်ခတ်သွားအောင် မလုပ်ပါနဲ့တော့
မိဝါရယ်။ နင် စိတ်ဆင်းရဲမခံပါနဲ့တော့ဟာ။ မလေးက နင်တို့နှစ်ယောက်လို တစ်ပွဲတိုးသမားမဟုတ်ပါဘူး။
ပြီးတော့ နင့်လို သွေးဆူလွယ်သူလည်း မဟုတ်ဘူး။ သူ ငါ့ကို နားလည်သွားပါလိမ့်မယ်"
ကျွန်မမှာ
ဖိုးကြာကို ပြန်ပြောစရာ စကားတစ်ခွန်းမှ မရှိတော့သလို ဖြစ်သွားတယ်။ ဖိုးကြာနဲ့ မလေးမျက်နှာကို
တစ်လှည့်စီမြင်ယောင်ကြည့်နေမိတဲ့အချိန်မှာ ကျွန်မပါးပြင်ပေါ်ကို မျက်ရည်တွေ စီးကျလာခဲ့တယ်။
ဖိုးကြာက သူကိုင်ထားတဲ့ မွေးပွလက်ကိုင်ပ၀ါလေး ကမ်းပေးတယ်။ ကျွန်မ မယူဖြစ်ဘဲ လက်ခုံနဲ့
ပွတ်သုတ်လိုက်မိတယ်။
"မိုးချုပ်နေပြီ
မိဝါ။ အဆောင်ပိတ်သွားလိမ့်မယ်။ ငါ ကားငှားပေးလိုက်မယ်။ ငါ လိုက်ပို့ဖို့လိုသေးလား။
နင် ပြန်ရဲရဲ့လား"
"ရတယ်၊
ပြန်ရဲပါတယ်၊ သွားကြရအောင်လေ"
ရွာမလက်ဖက်ရည်ဆိုင်လေးထဲက
ပြန်ထွက်လာတဲ့ ကျွန်မဟာ အလာတုန်းက ထည်ဝါ၀င့်မဟုတ်တော့သလိုပဲ ဖြစ်သွားရတယ်။ စောစောက
ရှိနေခဲ့တဲ့ အခဲမကျေနိုင်တဲ့ဒေါသတွေ ကျွန်မရင်ထဲက ပြေးထွက်ကုန်ပြီ။ လတ်တလော ကျွန်မရင်ထဲကို
ဝင်လာတာတွေကတော့ ကြိတ်မနိုင်ခဲမရ နာကျင်မှုတွေရယ်၊ ဘယ်လိုမှ ဖြေမဆည်နိုင်မှုတွေရယ်ပေါ့။
"ကျွန်တော့်
ညီမလေးကို လှည်းတန်း ဇေယျာသီရိလမ်းကို ပို့ပေးလိုက်ပါ ဦးလေး"
အငှားကားမောင်းတဲ့လူကြီးကို
ကားခပေးပြီး ကျွန်မကို ဖိုးကြာ နှုတ်ဆက်တယ်။ "ကားနံပါတ်မှတ်ထားလိုက်တယ်။ သွားတော့နော်။
စာမေးပွဲအောင်အောင်ဖြေ၊ ဘုရားစာရွတ်သွား" လို့ မှာနေတဲ့ ကျွန်မရဲ့ အမြဲတမ်း သူငယ်ချင်းကို
ကျွန်မငိုချင်လျက်နဲ့ ပြုံးပြနှုတ်ဆက်ခဲ့တယ်။ အဲဒီလောက် ကျွန်မအပေါ်ကောင်းတဲ့ ငယ်သူငယ်ချင်းတစ်ယောက်ကို
ကျွန်မခွင့်လွှတ်သင့်ပြီမဟုတ်လား။ အတွေး တသီတတန်းကြီးနဲ့ အင်းစိန်-ရွာမကနေ လှည်းတန်း
ဇေယျာသီရိလမ်းကို တစ်ယောက်တည်းပြန်လာခဲ့တဲ့ မိန်းမတစ်ယောက်ဟာ ပြန်လည်ပြင်ဆင်လို့မရတဲ့
နောင်တတွေနဲ့လေ။
တကယ်တော့
လူတစ်ယောက်ရဲ့ နှလုံးသားရေးရာ ကိစ္စတစ်ခုကို ရင်ထဲကလာတဲ့ ကောင်းစေလို့တဲ့ စေတနာ မေတ္တာအရင်းခံသက်သက်နဲ့ပဲ
ဖြစ်ဖြစ်၊ ရင်ထဲကမပါတဲ့ ချောက်ကျစေလိုတဲ့ စိတ်မိုက်စိတ်ရိုင်းမျိုးပဲဖြစ်ဖြစ် အတင်းအကျပ်
အားပေးအားမြှောက်မပြုအပ်ဘူးဆိုတာ ကောင်းကောင်းကြီး သိလိုက်ရတဲ့အချိန်မှာ အရာအားလုံး
ပြီးဆုံးသွားခဲ့ပြီ။ ဒါပေမယ့် ဘယ်သူမှ အနိုင်မရခဲ့တဲ့ပွဲတစ်ပွဲမှာ စတေးခံလိုက်ရတဲ့
နှလုံးသားတစ်ခုကတော့ ထည်ဝါ၀င့်ဆိုတဲ့ မိန်းမတစ်ယောက်ရဲ့နောက်ကို အရိပ်မည်းကြီးတစ်ခုလို
မခွဲမခွာ ကပ်ပါလိုက်နေဆဲရယ်လေ။
(ခွင့်လွှတ်တတ်သူသို့ အမှတ်တရ…)
၁၉၉၈ ဒီဇင်ဘာလထုတ်၊ မြားနတ်မောင် မဂ္ဂဇင်း
၁၉၉၉ ဇန်န၀ါရီလထုတ်၊ မြားနတ်မောင် မဂ္ဂဇင်း
(၂ လဆက်)
မေတ္တာဖြင့်
ယုဒါ
12-10-2016 (WED)
No comments:
Post a Comment
အားပေးမှုအတွက် ကျေးဇူးတင်ပါသည်...
မေတ္တာဖြင့်...
ယုဒါ