စာအုပ်တစ်အုပ်ကိုမြင်ရုံနှင့် လူတစ်ယောက်ကို
နင့်နင့်သည်းသည်း လွမ်းသွားရမိအောင် တစ်ယောက်သောသူက ကျွန်မအတွက် အမှတ်တရစာအုပ်တစ်အုပ်
ချန်ထားခဲ့ဖူးသည်။ စင်စစ်ထိုသူက ကျွန်မအတွက် မှတ်မှတ်ရရဖြစ်စေလောက်အောင်ပေးအပ်ခဲ့သော
စာအုပ်သည် ကျွန်မကိုယ်တိုင်ရေးသားထား သည့် ၀တ္ထုတစ်ပုဒ်ပါဝင်သော မဂ္ဂဇင်းစာအုပ်တစ်အုပ်သာဖြစ်လေသည်။
ကြာတော့ဖြင့်ကြာခဲ့ပေပြီ။ သူ့ကို ပထမဆုံးအကြိမ်စတင်သိကျွမ်းသည့်နေ့က
ကျွန်မတို့အလုပ်ခွင်သို့ သူစတင်ရောက်ရှိလာသောနေ့ပင် ဖြစ်သည်။ ထုံးစံအတိုင်း အလုပ်ခွင်သို့
စတင်ရောက်ရှိလာသည့် လူသစ်တစ်ယောက်အတွက် ကိုယ်ရေးရာဇ၀င်နှင့် လိုအပ်သောအချက်အလက်မှတ်တမ်းတို့ကို
ကျွန်မတို့ဌာနမှ ပြုစုထိန်းသိမ်းပေးခြင်းဖြင့် သူနှင့်ရိုးရှင်းစွာပင် သိကျွမ်းခဲ့ရသည်။
ယောက်ျားလေးဝန်ထမ်းသစ်ဆိုတော့ မိန်းကလေးတွေက ကွက်ကြည့်ကွက်ကြည့်လုပ်ကြသည်။ တကယ်တော့
သူသည် မိန်းကလေးတစ်ယောက် စိတ်ဝင်တစားကြည့်ရလောက်သော ရုပ်ရည်မျိုးရှိသူမဟုတ်။ အရပ်မနိမ့်မမြင့်
ပိန်နွဲ့နွဲ့ခန္ဓာကိုယ်နှင့် သာမန်ရွက်ကြမ်းရေကျိုယောက်ျားတစ်ယောက်သာဖြစ်လေသည်။
ဝန်ထမ်းထုံစံအတိုင်း အပြာရောင်ကွက်စိပ်ပုဆိုးနှင့်
အဖြူရောင်လည်ကတုံးအင်္ကျီလက်ရှည်ကို ၀တ်ဆင်ထားခြင်းဖြင့် အနည်းငယ်ဖြူဝင်းသောအသားအရည်ကြောင့်သာ
ဥပဓိရုပ်ကောင်းသူဟု သူ့အားထင်မှတ်နိုင်လေသည်။ သူ၏ ကျယ်ပြန့်သောနဖူးနှင့် မထင်မရှားမျက်ခုံးတစ်စုံက
အလှကြိုက်တတ်သော မိန်းမတို့ကို ရုတ်ချည်းစွဲဆောင်နိုင်လောက်သော ရုပ်လက္ခဏာမဟုတ်ခဲ့။
သို့သော် ကျွန်မတို့ဝန်ထမ်းများအားလုံး သူ့ပေါ်စိတ်ဝင်တစားရှိခဲ့ကြလေသည်။
"အသစ်ရောက်လာတဲ့ ကောင်လေးက လင်းလင်းအောင်တဲ့။
နာမည်ကတော့ မိန်းမလိုလို ယောက်ျားလိုလိုနဲ့။ ပညာအရည်အချင်းကတော့ ဘီအီးဘွဲ့ရပြီးသားတဲ့။
အရင်ကျောင်းဆရာလုပ်ဖူးတယ်လည်းကြားတာပဲ။"
သူ့အပေါ် ကျွန်မတို့စိတ်ဝင်စားလောက်သည့်
အရည်အချင်းမှာ အင်ဂျင်နီယာဘွဲ့ရဆိုသည့် ဂုဏ်အင်တစ်မျိုးကြောင့်သာဖြစ်လေသည်။ အင်ဂျင်နီယာဘွဲ့တစ်ခု
ရထားပြီးဖြစ်လျက် နေ့စားအောက်ခြေ၀န်ထမ်းအလုပ်ကို ၀င်လုပ်သော ယောက်ျားတစ်ယောက်အဖြစ်
ကျွန်မအံ့သြခဲ့ရလေသည်။ သူဘာရည်ရွယ်ချက်ဖြင့် သူနှင့်မသက်ဆိုင်သောလုပ်ငန်းခွင်တစ်ခုဆီသို့
ရောက်ရှိခဲ့တာပါလိမ့်။ သူရရှိထားသောဘွဲ့နှင့် လျော်ကန်သည့်အလုပ် ကျွန်မတို့ဌာနတွင်းမှာမရှိ။
တစ်ဆင့်မြင့်တက်လှမ်းရလောက်အောင် လှေကားထစ်များလည်း ထိုအလုပ်ခွင်ကပေးအပ်လိမ့်မည်မဟုတ်။
သို့သော်သူသည် ကျွန်မတို့ဌာနတွင်း ၀န်ထမ်းတစ်ယောက်ဖြစ်လာခဲ့သည်။
ကျွန်မ၏ သူငယ်ချင်းတစ်ယောက်ဖြစ်လာခဲ့သည်။ သူသည် ဘေးလွယ်အိတ်တစ်လုံးကို ရုံးလာသည့်အချိန်မှစ၍
ပြန်သည့်အချိန်ထိမချတန်းလွယ်ထားလေ့ရှိ၏။ သူက ကွန်ပျူတာစာစီစာရိုက်အလုပ်ကို အများဆုံးလုပ်ရသော
ဝန်ထမ်းတစ်ယောက်ဖြစ်လေသည်။ သူအလုပ်လုပ်နေသည့် တစ်ချိန်လုံး ထိုဘေးလွယ်အိတ်ကို ရင်ခွင်တွင်ပိုက်လျက်ပင်
အလုပ်လုပ်လေ့ရှိ၏။ "လင်းလင်းရယ် နင့်အိတ်ကြီး ဘေးချထားလို့မရဘူးလား" ဟု ကျွန်မကပြောလျှင်
သူပြုံးရယ်နေတတ်ပြီး "ကျွန်တော်အကျင့်ပါနေလို့ အမရ။ ဒီအိတ်ကို ရင်ခွင်ထဲထည့်မထားရရင်
မပြည့်စုံဘူးဖြစ်နေတယ်။ ဟာတာတာနဲ့။ အိမ်မှာကလည်း ကျွန်တော်ညီတွေနဲ့ ပစ္စည်းအတူထားရတော့
သူတို့ဖွလို့မရအောင် ကျွန်တော်မြတ်နိုးတဲ့ပစ္စည်းကို ကျွန်တော့်ကိုယ်နဲ့မကွာ သိမ်းထားရတာလေ"
ဟု ဆိုတတ်လေသည်။
သူက အလုပ်လုပ်ရင်း ကွမ်းစားတတ်သူဖြစ်သည်။
နောက်တော့ ဘယ်အချိန်ကစ၍ ကွမ်းအလွံအကျွန်စားတတ်သွားမှန်း မသိလိုက်မိဘဲ တစ်ချိန်လုံး
ကွမ်းစားနေသူတစ်ယောက်အဖြစ် ကျွန်မသတိထားလာမိလေသည်။ နောက်တော့ သူအရက်သောက်တတ်မှန်း ကျွန်မသိလာခဲ့သည်။
သူ့ဘေးတွင် ကျွန်မကပ်ထိုင်၍ အလုပ်လုပ်မိချိန်များတွင် အရက်နံ့နှင့်ကွမ်းနံ့ရောသော ခပ်ပြင်းပြင်းချဉ်စူးစူးအနံ့တို့
ရောပေါင်းလျက် နှာခေါင်းရှုံ့ထားမိသည့် အနေအထားရောက်အောင် သူပြောင်းလဲလာခဲ့လေသည်။ သူရယ်လိုက်လျှင်
ယခင်ကတွေ့ခဲ့ဖူးသော သွားဖြူဖြူတို့ကို လုံးဝမမြင်ရတော့။ ကွမ်းချိုးများစွဲထင်နေပြီဖြစ်သော
သွားများကလည်း နီညိုညိုအရောင်မှ မဲတူးတူးအရောင်သို့ ပြောင်းလာခဲ့လေသည်။ သူဘာလို့ ဒီလောက်တောင်
ပြောင်းလဲသွားခဲ့ရတာပါလိမ့်။ သုံးလေးငါးနှစ်ကာလအတွင်း သူနှင့်အရိပ်အမိုးတစ်ခုအောက်တွင်
အလုပ်လုပ်ခဲ့ရလျက် ကျွန်မ ဂဃနဏ သေချာမသိခဲ့။
ကျွန်မသူ့ကို ဂရုစိုက်ကြည့်ခဲ့မိသောအချိန်တွင်
သူသည်အရက်ကို ပုံမှန်နီးပါးသောက်နေတတ်သူ တစ်ယောက်ဖြစ်နေလေပြီ။ တစ်ခါတစ်ရံကျပြန်တော့
ကွမ်းချိုးများစွဲနေသော သွားများကို သွားဆေးခန်းတွင် သေချာစွာသန့်ရှင်းရေးလုပ်လျက်
ဖြူစင်သောသွားစွယ်တန်းများဖြင့် ကျွန်မကို သူပြုံးပြတတ်လေသည်။
"လင်းလင်း နင့်သွားတွေလေဆာနဲ့
ချွတ်လိုက်တာလား။ ကြည့်ကောင်းသွားတယ်။ အဲလိုလေးနေစမ်းပါ လင်းလင်းရယ်"
ကျွန်မသူ့ကိုကြည့်ကာ မောင်လေးတစ်ယောက်ပမာ
သဘောထားမိလျက် တကယ်ပင် ၀မ်းသာအယ်လဲ ပြောမိလေသည်။
"အစ်မ… ခုလိုဆိုတော့ ကျွန်တော်ကြည့်ကောင်းသေးတယ်မို့လား"
"အေး။ ဒီလိုနေနိုင်ရင် ကောင်းတာပေါ့။
နင်က အရက်ကလည်းသောက်သေး။ ကွမ်းကလည်းတစ်ချိန်လုံးစားနေတော့ ဘယ်လိုလုပ်ကြည့်ကောင်းမှာလဲဟယ်။
ဒီလိုပဲနေစမ်းပါ။ ကြည့်ကောင်းတယ်"
"ဟုတ်ကဲ့အစ်မ။ ကျွန်တော့်ရည်းစားလာမယ်ဆိုလို့
ကွမ်းဖြတ်ထားတာ"
နယ်မှာ သူ့ကောင်မလေးရှိကြောင်း ကျွန်မကို
ပြောပြဖူးသည်။ သူအမြဲတမ်းလွယ်ထားသည့် အိတ်ကြီးထဲတွင် သူ့ချစ်သူ၏ဓာတ်ပုံနှင့် ရည်းစားစာများရှိကြောင်းလည်း
ကျွန်မကို သူပြောပြတတ်သေးသည်။ ကောင်မလေးက ကျောင်းဆရာမဖြစ်လျက် သူလည်းကျောင်းဆရာလုပ်ခဲ့ဖူးကြောင်း
ကျွန်မသိထားပြီးဖြစ်ပါသည်။ သူ့မိဘများ ရန်ကုန်သို့ပြောင်းရွှေ့လာသဖြင့် ကျောင်းဆရာအလုပ်ကိုထွက်ကာ
သူကရရာအလုပ်ဝင်လုပ်ရင်းဖြင့် ကျွန်မတို့အလုပ်ခွင်တွင် မြဲနေခြင်းဖြစ်လေသည်။
"လင်းလင်းရယ်။ ငါတော့ နင့်ကိုဒီမှာရေရှည်မလုပ်စေချင်ပါဘူး။
နင်နဲ့စပ်အပ်မဲ့ အလုပ်တွေအများကြီး ရှိပါတယ်ဟာ။ နင်အရာရှိစာမေးပွဲတွေ ၀င်ဖြေစမ်းပါ။
နင်အင်္ဂလိပ်စာလည်း တော်ရဲ့သားနဲ့"
ကျွန်မအားမလိုအားမရနိုင်စွာပြောမိတိုင်း
သူပြုံးနေတတ်သည်ချည်း။ ပြီးတော့ ကျွန်မကို ပြန်ပြောဖူးသေးသည်။ "အစ်မကရော မဟာဘွဲ့ရပြီး
ဘာလို့ဒီမှာလုပ်နေတာလဲ။ တက်လမ်းလည်းမရှိဘဲနဲ့" ဟု ဆိုတတ်လေသည်။ သူနှင့်ကျွန်မ
ရပ်တည်မှုခြင်း၊ အခြေအနေခြင်း မတူညီကြောင်း ကျွန်မ,မပြောဖြစ်ခဲ့။
"အစ်မက ပြင်မရအောင်ရွေးချယ်မှု
မှားသွားခဲ့လို့ပါ။ အစ်မတို့ အလယ်တန်းဆင့်တုန်းက ရှစ်တန်းအောင်ရင် ၀ိဇ္ဇာသိပ္ပံခွဲပြီး
ကိုးတန်းကိုတက်ရတယ်။ အစ်မက ရှစ်တန်းကို သိပ္ပံနဲ့အောင်တယ်။ ပြောရရင် သိပ္ပံနဲ့အောင်တယ်ဆိုတာကို
တော်တယ်လို့ ခပ်လွယ်လွယ်သတ်မှတ်ကြတယ်။ မှားယွင်းတဲ့အယူအပေါ့။ ဒီတော့ အစ်မကိုးတန်း သိပ္ပံတန်းမှာတက်ရတယ်။
တကယ်က၀ါသနာပါတာမြန်မာစာပါ။ ဒီလိုနဲ့ ကိုယ်ဝါသနာပါတဲ့ မြန်မာစာကို ပြောင်းရကောင်းမှန်းလည်းမသိ။
ဝိဇ္ဇာတွဲဆိုတာ သိပ္ပံထက်နိမ့်တယ်လို့ ပြောသူကပြော၊ မိဘတွေကလည်း ၀ါသနာနဲ့အသက်မွေးဝမ်းကြောင်းပြုရမယ့်ပညာ
တွဲမိဖို့လိုတယ်ဆိုတာ ညွှန်ပြမပေးတတ်ကြတော့ စာတွေအလွတ်ကျက်ရင်းနဲ့ပဲ အတန်းတွေတစ်တန်းပြီးတစ်တန်း
ပြောင်းတက်ရင်း အစ်မတစ်လျှောက်လုံး လွဲလာခဲ့တဲ့အလုပ်ကို မာစတာတန်းပြီးခါနီးမှ သိတော့တယ်။
…. အလုပ်လုပ်ဖို့ရာကြတော့ အစ်မ၀ါသနာမပါတဲ့ပညာရပ်နဲ့ထပ်ပြီး
အချိန်မကုန်ချင်တော့လို့ အစ်မပညာရေးလိုင်းကို စွန့်လွှတ်လိုက်တာပါ။ ဒီအလုပ်ကတော့ အစ်မအလုပ်နှစ်ခု
သုံးခု တွဲလုပ်လို့ရတယ်လေ"
ကျွန်မရှင်းပြတော့ သူတွေးတွေးဆဆနားထောင်ရင်း
"ဘာပဲဖြစ်ဖြစ် အစ်မ၀ါသနာပါတဲ့ စာရေးဆရာဖြစ်လာတာပဲ တော်သေးတာပေါ့" ဟုပြောရင်း
သူအရာရှိစာမေးပွဲများဖြေခဲ့ဖူးသည်ကို ပြောပြလေသည်။
"ကျွန်တော်ဘီအီးဘွဲ့ရထားလို့ အရာရှိတန်းဖြစ်မှ
အလုပ်လုပ်မယ်ဆိုရင် မိသားစုတွေ ထမင်းငတ်သေကုန်တော့မှာပေါ့"
သူ့မိသားစုတွင် သူကအကြီးဆုံးသားဖြစ်သည်။
သူ့အောက် ညီငယ်နှစ်ယောက်နှင့် ညီမလေးတစ်ယောက်ရှိလေသည်။ သူက မိသားစုတွင် ပညာအတတ်ဆုံးသားဖြစ်လေ၏။
ညီငယ်နှစ်ယောက်က ဆယ်တန်းကျသဖြင့် ရရာအလုပ်ဝင်လုပ်နေကြသူတွေဖြစ်သည်။
ညီမငယ်လေးအလယ်တန်းကျောင်းသူ။ သူ့အဖေက လုပ်ငန်းခွင်တစ်ခုတွင် စာရင်းအင်းကွာခြားမှုဖြင့်
အလုပ်ပြုတ်၍ အိမ်မှာထိုင်နေသူဖြစ်သည်။ စိတ်ဓာတ်ကျ၍ အလုပ်မလုပ်ဘ်ဲလောင်းကစားထီထိုးခြင်းဖြင့်
အချိန်ကုန်နေတတ်သူဖြစ်သည်။ မိခင်က ဘာမှမလုပ်တတ်မကိုင်တတ် အိမ်ရှင်မစစ်စစ်။ ညီငယ်နှစ်ယောက်ကလည်း
လူပျိုလေးတွေဖြစ်သဖြင့် နေ့စဉ်ရသည့် ပိုက်ဆံကို လိုချင်တာဝယ်သုံးဖြုန်းပြီးမှ မိခင်ကိုအနည်းအကျဉ်းလောက်သာ
ငွေအပ်ကြသူဖြစ်သည်။ ဒီတော့ သူ့မိသားစုတစ်စုလုံးကို ခေါင်းခံ၍ သူတစ်ယောက်သာ ပြည့်ပြည့်၀၀ရှာဖွေကျွေးမွေးနေခြင်း
ဖြစ်လေသည်။
သူနှင့်တစ်နေ့တခြား မောင်နှမရင်းပမာခင်မင်ရင်းနှီးလာမိလျက်
သူ့အကြောင်းကို ကျွန်မစိတ်ဝင်တစားဖြစ်မိချိန်တွင် သူကားအရက်ကို နေ့ရောညပါသောက်တတ်သည့်
လူငယ်လေးတစ်ယောက် ဖြစ်သွားခဲ့ပြီဖြစ်သည်။
"လင်းလင်းရယ် နင်က၀န်ထမ်းတစ်ယောက်လေ။
အညွန့်တလူလူတက်နေရမယ့် အရွယ်ပဲရှိသေးတယ်။ အိမ်ထောင်လည်းကျသေးတာမဟုတ်ဘူး။ ကိုယ့်ဘာသာရေစုန်မျှောပစ်ဖို့
စိတ်မကူးပါနဲ့မောင်လေးရယ်"။
သူ့ရည်းစားကောင်မလေးက သူ့ကို မိသားဖသားပီပီ
တောင်းရမ်းလက်ထပ်ဖို့ ပူဆာနေပြီဖြစ်ကြောင်း ကျွန်မသိထားခဲ့ပြီဖြစ်သည်။ အခု ဟိုကောင်မလေးက
ကန့်သတ်ချိန်ကျော်လွန်သွားပြီဖြစ်တဲ့အတွက် သူ့ကို အဆက်ဖြတ်ကာ မိဘသဘောတူပေးစားမည့်လူနှင့်
လက်ထပ်ဖို့ဆုံးဖြတ်လိုက်ပြီဟုဆိုသည်။ ဒီတော့ ကောင်ကလေး အသည်းကွဲရရှာလေသည်။
သူက
သားကြီး သြရသဖြစ်သည့်ကြားထဲ တစ်မိသားစုလုံးကိုရှာဖွေကျွေးမွေးနေရသူဖြစ်သည်မို့ နှလုံးရေးရာကိစ္စအတွက်
ပို၍ခက်ခဲရလေသည်။ ထိုအချိန်မျိုးတွင် သူ့ထံ၌ မိန်းမတစ်ယောက်ကို တင့်တောင့်တင့်တယ် လက်ထပ်ယူဖို့မျှော်လင့်ချက်က
တစ်စတစ်စဝေးလာခဲ့သည်။ ဒီတော့ တစ်လတစ်လ အိမ်လခနှင့် အထွေထွေစားသောက်စရိတ်တွေကြားမှာ
နလံမထူနိုင်တော့ဘဲ အသည်းနှလုံးကို စတေးလိုက်ရခြင်းက အရက်ကိုအဖော်ပြုရခြင်း၏အကြောင်းအရင်းခံဖြစ်ချင်ဖြစ်မည်။
ခြောက်လတစ်ကြိမ် အိမ်လခပေးဖို့ သူခက်ခက်ခဲခဲရှာဖွေရတာ ကျွန်မတို့လူရင်းတွေအသိပင်ဖြစ်သည်။
လကုန်ရက်မှာ လစာထုတ်ဖို့ထက် ကြိုတင်ယူကြေးငွေများပြန်ဆပ်ဖို့၊ ကြွေးသစ်ထပ်ယူဖို့သာ
လုံးချာလည်နေရသည့်အဖြစ်အတွက် သူ့ဦးနှောက်တွေ ချာချာလည်နေရတတ်သည်။ သူက မိသားစုမောင်နှမသားချင်းအပေါ်
အင်မတန်ငဲ့ကွက်သူဖြစ်ခြင်းကြောင့်လည်း ပို၍ခေါင်းခဲရပေလိမ့်မည်။
သို့ပေမယ့် လူမှန်သမျှ ကိုယ့်အပူနှင့်ကိုယ်ဆိုတော့
သူ့အခက်အခဲကို ဘယ်သူမှပြည့်စုံလောက်အောင် မကူကယ်နိုင်ကြ။ ၀ါကြန့်ကြန့်ဖြစ်လာသော အင်္ကျ
ီဖြူနွမ်းနွမ်းလေးတွေကိုကြည့်ကာ ခင်မင်ကြသူတွေက သူ့ကို အင်္ကျီအဖြူသန့်သန့်လေးတွေ ပံ့ပိုးပေးကြဖူးသည်။
သို့ပေမယ့် သူကအရက်ကို စွဲလန်းစွာ သောက်သုံးနေသူတစ်ယောက်ဖြစ်နေသည်မို့ ဖြူစင်သန့်ပြန့်မှုတွေကို
အဖြူရောင်အင်္ကျီလက်ရှည်က ထိန်းသိမ်းထားနိုင်းစွမ်းမရှိတော့။ သူ့ကိုနီးကပ်စွာကြည့်မြင်ရလေလေ
ကျွန်မစိတ်နှလုံးများ နာကျင်ရလေလေ ဖြစ်ခဲ့သည်။
တစ်ခါက ကျွန်မပေးလိုက်သည့် လက်ပတ်နာရီကို
သူ့ညီလေးတောင်း၍ ပေးလိုက်သည်ဆိုတော့အခါ ကျွန်မအလွန်ဒေါသထွက်ခဲ့ရသည်။ "နင်ကရုံးပြင်ကနားမှာ
လုပ်နေတာမို့ နာရီလိုလို့ပေးတာကိုမ၀တ်ဘဲ ပေးပစ်တယယ်။ နင့်ညီတွေက သူတို့ဝတ်ဖို့စားဖို့လောက်သာ
သိတဲ့ကောင်တွေ မဟုတ်ဘူးလား"
ကျွန်မစိတ်တိုဒေါသထွက်မိလျက် ကိုယ်ပေးမိသည့် ပစ္စည်းအပေါ်စိတ်မပြတ်နိုင်စွာ အတ္တစိတ်ဖြင့်
ဆူပူမိတော့ သူမျက်နှာငယ်လေးနှင့် စိတ်မကောင်းဖြစ်ပြန်သည်။ ကျွန်မလိုပင် သူ့ကိုချစ်ခင်နားလည်ကြသူတွေက
သူ့အတွက်လိုအပ်ရာ ပစ္စည်းလေးတွေ တတ်နိုင်သမျှဝယ်ပေးကြသည်။ လပေါင်းများစွာ မလျှော်ဖွတ်ဘဲ
ပွေ့ပိုက်ထားခဲ့သော ဘေးလွယ်အိတ်ကြီး ဟောင်းနွမ်းစုတ်ပြဲလာခြင်းကြောင့်လည်း ကျွန်မသူ့ကို
ဘေးလွယ်အိတ်အသစ်တစ်လုံး ၀ယ်ပေးခဲ့ဖူးသည်။ ပျက်လုနီးနီးသရေဖိနပ်စုတ်စုတ်ကို ကြည့်မိပြီး
သူ့အတွက် သားရေစိမ်းဖိနပ်တစ်ရန် လက်ဆောင်ပေးခဲ့သည့်နေ့ကတော့ သူအတော်ပင်ဝမ်းသာခဲ့လေသည်။
"အစ်မကလူတွေကို အသေးစိတ်လိုက်ကြည့်နေတတ်တယ်နော်။
ကျွန်တော်ဖိနပ်ပျက်တော့မှာမို့ ၀ယ်ဖို့ပါပဲအစ်မရယ်။ မနက်ကတင် ညီမလေးက ညနေပိုင်းမှာ
အသားတုတို့ ပဲပြားတို့ တုတ်ထိုးလုပ်ရောင်းကြည့်မယ်ပြောလို့ ကျွန်တော် ပိုက်ဆံပေးလိုက်ရတာနဲ့
ဖိနပ်ဘက်မလှည့်နိုင်ဘူးဖြစ်သွားတာ"။ သူ့မိသားစုတစ်ယောက်ယောက်ဝင်ငွေရသည့် အလုပ်လုပ်မည်ဆိုတော့
ကျွန်မစိတ်ချမ်းသာသွားရသည်။ ဘာပဲဖြစ်ဖြစ် သူတစ်ယောက်တည်းအပေါ် အပုံအပင်လိုက်ဖိချထားသော
ဝန်ထုပ်ဝန်ပိုးတွေက သူ့ဘ၀ကိုမွမွကြေစေခဲ့ပြီပဲ။
တစ်ခါတစ်ရံတော့လည်း အရက်နံ့တထောင်းထောင်းထကာ
သူအလုပ်လုပ်နေလျှင် ပျော့ညံ့သောယောက်ျားတစ်ယောက်အဖြစ် သူ့ကိုအမြင်ကပ်လာမိလျက် တစ်ခါတစ်ရံကျပြန်တော့
သူ့ဘ၀ကို နားလည်မိသလိုလိုဖြစ်ရလျက် စိတ်တိုတိုနှင့် ဆူမူပစ်မိသမျှအတွက် ကျွန်မစိတ်မကောင်းဖြစ်ရပြန်သည်။
မိသားစုစားဝတ်နေရေးအတွက် ခေါင်းခံဖန်တီးပေးနေရသည့် သူ့ဘ၀ကိုစာနာစွာ ငါးပိတစ်ထုပ်၊ ကုလားပဲတစ်ပြည်၊
အာလူးတစ်ပိဿ တတ်နိုင်သမျှ မကြာမကြာဝယ်ခြမ်းပေးတတ်သောကျွန်မကို သူကအစ်မတစ်ယောက်နှယ်
သဘောထားလျက် "အစ်မက ပတ်ဝန်းကျင်ကလူတွေအပေါ် အသေးစိတ်ဂရုစိုက်တတ်တော့ လိုအပ်တာမြင်ရင်
တတ်နိုင်သမျှဖြည့်ဆည်းပေးတတ်တာ ကျွန်တော်သိပါတယ်။ အစ်မကျွန်တော့ကိုလည်း အဆင်ပြေစေချင်တာယုံပါတယ်
အစ်မရယ်။ ဒါပေမဲ့ ကြာတော့ ကျွန်တော့်ဘ၀ကို ကျွန်တော်ရှက်မိတယ် အစ်မရာ"။
ကျွန်မ, မတွေးထင်ခဲ့မိသော သူ့ရင်ထဲကနာကျင်မှုအတွက်
ကျွန်မများစွာ ကြေကွဲဝမ်းနည်းခဲ့ရပါသည်။ လူတစ်ယောက်ဘ၀ကို ကယ်တင်နိုင်ဖို့ ကျွန်မကရော
ဘယ်လောက်ပြည့်စုံချမ်းသာနေသည့်လူမို့လိုလဲ။ တကယ်တော့ ကျွန်မမှာလည်း ကျွန်မအခက်အခဲနှင့်ကျွန်မ
လိုအပ်မှုတွေက အစဉ်အမြဲကြိုစောင့်နေတတ်သည်သာ။ လူတစ်ယောက်ဘ၀ကို ကူကယ်ဖို့ဆိုတာ သူ့အရည်အချင်းနှင့်
ကိုက်ညီသော လစဉ်ဝင်ငွေကောင်းသည့်အလုပ်တစ်ခု ရှာဖွေပေးနိုင်ခြင်းကမှ သဘာဝကျပေလိမ့်ဦးမည်။
သို့သော် ထိုအတွေးကို ကျွန်မရရှိသောအချိန်တွင် သူကမည်သူမှ မကယ်နိုင်တော့သော အရက်၏ကျေးကျွန်တစ်ယောက်ဖြစ်နေခဲ့လေပြီ။
"လင်းလင်းအောင် နေမကောင်းလို့ လုပ်သက်ခွင့်တပတ်တင်ပေးခိုင်းထားတယ်"။ မြို့သစ်လေးတစ်ခုရှိ
သူ့အိမ်ရှိရာ စွန်အဖျားရပ်ကွက်ဆီ ရောက်ရှိသွားတော့ သူကအိမ်အတွင်း မြေသားပြင်ပေါ်က ခပ်ပါးပါးပျဉ်ချပ်တစ်ခုပေါ်တွင်
တစ်ယောက်တည်း ကွေးကွေးလေးလဲလျောင်းနေခဲ့သည်။ ဒါက သူနေ့စဉ်အိပ်စက်ရာနေရာတစ်ခုဖြစ်ပါသည်တဲ့။
သူ့ မိသားစုကိုယ်ပိုင်အိမ်မဟုတ်သော အငှားအိမ်ကလေးက တကယ့် ပါချည်ပါချဲ့ကလေးကစားစရာ တဲသာသာလေးမျှသာဖြစ်၏။
ထိုအိမ်စုတ်ကလေးတစ်လုံးမှာ မိသားစုနေနိုင်ဖို့ပင်
သူဘယ်လောက်စိတ်ဒုက္ခကြီးစွာ ရှာဖွေခဲ့ရပါသလဲ။ သူ့စိတ်ထား၊ သူ့အရည်အချင်းနှင့်မထိုက်တန်လောက်သော
နေရာတစ်ခုမှာ သူနေထိုင်ရပ်တည်နေရခြင်းအပေါ် ကျွန်မရင်တွေနာကျင်ရလိုက်တာ။
သူဖြေဆိုဖူးခဲ့သည့် အလုပ်စာမေးပွဲတစ်ခုခုလောက်သာ
အောင်မြင်ခဲ့လျှင် သူ့အတွက်ဘယ်လောက်များ ၀မ်းသာစရာဖြစ်ခဲ့မှာပါလိမ့်။ ကျွန်မသာ ထိုစာမေးပွဲကို
အဆုံးအဖြတ်ပေးနိုင်သည့် တစ်စုံတစ်ယောက်ဖြစ်ခဲ့လျှင် ဆင်းရဲသားမိသားစု၏ တစ်ဦးတည်းသော
ပညာတတ်ယောက်ျားတစ်ယောက်ဖြစ်ခြင်းအချက်တစ်ခုကြောင့်ပင် သူ့ကို အလုပ်တစ်နေရာခန့်ထားပေးအပ်နိုင်ခဲ့ပါလိမ့်မည်။
သို့သော် သူသည်သူနှင့် ပြိုင်ဘက် စာမေးပွဲဖြေဆိုသူများကို မကျော်လွှားနိုင်ခဲ့သဖြင့်
သူ့ဖခင်နှင့်ဆက်နွယ်ရာ လုပ်ငန်းခွင်တစ်ခုသို့ ဖြစ်သလိုဝင်ရောက်ခဲ့ရခြင်းဖြစ်သည်။ တကယ်တော့
သူက အင်္ဂလိပ်စာအရေးအသားမညံ့သော လူငယ်လေးတစ်ယောက်ဖြစ်၏။ သို့ပေမယ့် သူက သူရောက်ရှိသင့်သည့်နေရာတစ်ခုဆီ
အရောက်လှမ်းမသွားနိုင်အောင် အားအင်မဲ့ခဲ့လေသည်ကိုး။
ကျွန်မတို့လာတော့ သူကရှက်ကိုးရှက်ကန်းကြိုးစားထ၍
နှုတ်ဆက်ရှာသည်။ သူ့ခန္ဓာကိုယ်ကား တုံချိချိယိုင်နဲ့နဲ့နှင့် လဲကျလုနီးနီးပျော့ခွေလျက်။
သူ့အတွက် အာဟာရများနှင့် ငွေကြေးအနည်းအပါးပေးကာ လုပ်ဖော်ကိုင်ဖက်များ စိတ်လက်မသာမယာနှင့်
ပြန်ခဲ့ကြရသည်။ ဆယ်ရက်လောက်နေတော့ သူလုပ်ငန်းခွင်ပြန်ဝင်ခဲ့သည်။ ပင်ကိုယ်ကပိန်နွဲ့သော
ခန္ဓာကိုယ်သည် သေရည်သေရက်တို့၏ အရှိန်ကြောင့် ယောင်ကိုင်းလျက် ဖော်သွတ်သွတ်ဖြစ်လာခဲ့ပြီး
သူမကြာခဏအကြောများတက်ကာ ရုန်းကန်နေရတတ်၏။ ယောက်ျားလေးသူငယ်ချင်းများက ဆေးပူများလိမ်းပေးရင်း၊
နင်းရင်းနှိပ်ရင်း၊ အရက်တိုက်ရင်း ဖြေဆေးပေးကြ၏။ ကျွန်မတို့ မိန်းကလေးတွေက မကြည့်ရက်နိုင်ကြ။
စုတ်တသပ်သပ်ဖြစ်ကြရသည်။ လုပ်ငန်းခွင်တစ်ခုလုံး သူ့ကိုအပြစ်ဆိုသူမရှိသလောက်ရှားလှသည်။
အရက်သမားလင်းလင်းအောင်ကို ဘ၀တူတွေက စာနာနားလည်နိုင်ကြလေသည်။
တကယ်တော့ သူအရက်သောက်တတ်ခဲ့တာက ကျွန်မတို့
အလုပ်ခွင်ထဲရောက်မှဖြစ်သည်။ ကျွန်မနှင့်သိပြီး သုံးလေးနှစ်သူအရက်မသောက်သေး။ ထိုနောက်ပိုင်းကာလများမှ
သူအရက်ကို နေ့စဉ် ရက်ဆက်သောက်တတ်လာခြင်းဖြစ်၏။ ဒီတော့ သူအရက်သောက်ခဲ့သည့်ကာလက ပုံမှန်အရက်သမားတစ်ယောက်
အရက်ကြောင့် သေစေနိုင်လောက်သည့်ကာလအပိုင်းအခြား တစ်ခုဆီ မရောက်သေး။ သို့စေလျက် သူ့ကိုကြည့်ရသည်မှာ
မျှော်လင့်ချက်မရှိတော့သည့် ရောဂါသည်တစ်ယောက်ပမာ ဖြစ်နေခဲ့လေပြီ။
"လင်းလင်းအောင်ကြည့်ရတာ သိပ်မကြာတော့ဘူးထင်တယ်"
ဟု ပြောသံကြားရလျှင် ကျွန်မဆောက်တည်ရာမဲ့စွာ ကြေကွဲသွားမိလျက် "လင်းလင်းရယ် နင်အရက်ဖြတ်ကြည့်စမ်းပါတော့လား"
ဟု သူ့ကို ထပ်တလဲလဲပြောနေမိဆဲ။
"ကျွန်တော်က အရက်ကိုဖြတ်ချင်ရင်တောင်
အရက်က ကျွန်တော့်ကိုမဖြတ်နိုင်ဘူးဖြစ်နပြီ အစ်မရယ်။ အစ်မ… ကျွန်တော့်အတွက် စိတ်မကောင်းမဖြစ်စမ်းပါနဲ့ဗျာ။
လူ့ဘ၀ကြီးကနေ ကျွန်တော်လိုလူတွေ စောစောစီးစီးထွက်ခွင့်ရတော့လည်း အစ်မလိုလူတွေ စိတ်သက်သာရာရတာပေါ့"။
သူ့စကားက ကျွန်မကို စိတ်သက်သာရာမရစေဘဲ မျက်ရည်ဝဲအောင်
ဆွေးမြည့်နာကျင်စေခဲ့ပါသည်။ ကျွန်မအလုပ်ခွင်တွင်း၌ စာကြောင်းပေကြောင်းဆွေးနွေးလို့ကောင်းသည့်
ယောက်ျားဆို၍ သူတစ်ယောက်သာရှိခဲ့သည့်အတွက် သူ့ကို ကျွန်မတန်ဖိုးထားချစ်ခင်မိခြင်းပေလား။
သူ၏ ဖြူဖြောင့်သော စိတ်နေစိတ်ထားကိုနှစ်သက်မိ၍ သူ့ကိုလေးစားမိခြင်းပေလား ကျွန်မမသိ။
အရက်သမားလူတန်းစားတွင် ကျွန်မနှင့်နီးကပ်စွာအကျွမ်းတ၀င် ဆက်ဆံဖူးသော ယောက်ျားဆို၍ သူတစ်ယောက်သာရှိခဲ့သည်။
ကျွန်မကသူ့ကို ဖြူစင်စွာပင်သဘောကျနှစ်သက်မိသည်။
မိန်းမတို့အကြောင်းကို ကွယ်ရာတွင် စကားတင်းဆိုပုံမရသော ယောက်ျားတစ်ယောက်အဖြစ်၊ မိန်းမတစ်ယောက်ကိုကြည့်လျှင်
အရောင်မထည့်သော မျက်လုံးများဖြင့် ငြိမ်းချမ်းစွာကြည့်တတ်သော ယောက်ျားတစ်ယောက်အဖြစ်၊
အချစ်ကို သစ္စာစောင့်သိသောယောက်ျားတစ်ယောက်အဖြစ်၊ အလုပ်လုပ်စရာရှိလျှင် သူ့အလုပ်ကိုယ့်အလုပ်မခွဲခြားတတ်ဘဲ
သူလုပ်နိုင်သမျှ အစွမ်းကုန်အားထည့်ကူညီလုပ်ကိုင်ပေးတတ်သော လုပ်ဖော်ကိုင်ဖက်ယောက်ျားတစ်ယောက်အဖြစ်၊
ငွေမရှိသော်လည်း ငွေမျက်နှာကိုမကြည့်ဘဲ အလုပ်လုပ်တတ်သော ယောက်ျားတစ်ယောက်အဖြစ် ကျွန်မသူ့ကို
ချစ်ပါသည်။ ပျိုပျိုအိုအိုယောက်ျားတွေနှင့် နီးစပ်စွာဆက်ဆံရတိုင်း ထိုယောက်ျားတော်တော်များများဆီမှ
ရတတ်သည့် အမည်မတပ်နိုင်သောအရိပ်ငွေ့တစ်ခုအတွက် ကျွန်မစိတ်စနိုးစနောင့်ဖြစ်ရတတ်သည်။
နှစ်မြို့မှုမရှိစွာ စိတ်ထဲမကြည်မလင်ဖြစ်ရတတ်လေသည်။
သူနှင့်ကျွန်မလုပ်ငန်းခွင်အတွင်း အကျွမ်းတ၀င်နီးကပ်စွာပြောဆိုဆက်ဆံရသော်လည်း
သူ့ထံမှ စိတ်ကသိကအောက်ဖြစ်ဖွယ်အရိပ်အရောင်၊ အငွေ့အသက်တစ်စွန်းတစ်စမှ ကျွန်မ,မခံစားရဖူးခဲ့။
သူအရက်ကို စွဲစွဲလန်းလန်းမသောက်ခင် လူရည်သန့်ဘ၀ဖြင့် ရပ်တည်စဉ်ကာလကလည်း သူနှင့်ရင်းနှီးစွာနေထိုင်ဆက်ဆံရခြင်းအပေါ်
ကျွန်မစိတ်ထဲရှင်းသန့်နေခဲ့သည်။ အရက်သမားတစ်ယောက်ဖြစ်လာသည့်တိုင်လည်း နှာခေါင်းရှုံ့ဖွယ်အနံ့အသက်တို့နှင့်မလိုက်ဖက်သော
သူ၏ပကတိဖြူစင်မှုကို ကျွန်မလေးစားစွာ အသိအမှတ်ပြုချစ်ခင်နိုင်ခဲ့သည်။ အရက်သမားကိုများ
အရေးတယူလုပ်စကားပြောနေတယ်ဆိုတော့ အပြောမျိုးအပေါ်လည်း ကျွန်မမည်သို့မှ သဘောမထားဘဲ သူ့ကိုဆက်ဆံမြဲဆက်ဆံနိုင်ခဲ့သည်။
ဒါက သူ၏ ယောက်ျားပီသသော ယောက်ျားစိတ်ဓာတ်ကို ကျွန်မတန်ဖိုးထားခဲ့၍ ဖြစ်ပါသည်။
"အစ်မက ယောက်ျားတွေကို မုန်းနေတာလား"
ဟု သူမေးခဲ့ဖူးတာ ကျွန်မသတိရမိသေးသည်။
"နင်ကရော ယောက်ျားမဟုတ်ဘူးလား"
ဟု ကျွန်မသူ့အမေးကို အံ့သြစွာ တုံ့ပြန်မေးခွန်းထုတ်တော့ "အင်းနော်။ အစ်မမုန်းတဲ့
ယောက်ျားထဲ ကျွန်တော်တော့မပါဘူးကိုး" ဟုဆိုရင်း သူကျေကျေနပ်နပ် ပြုံးသွားခဲ့ဖူးသည်။
သူက ကျွန်မရေးသောစာတွေကို ကြိုက်သည်ဟုဆိုခဲ့ဖူးသည့်အတွက် ကျွန်မသူ့ကို လေးစားချစ်ခင်ခဲ့ခြင်းဖြင့်မဟုတ်။
မိန်းမတွေအပေါ် အလေးအမြတ်ထားရိုသေလေးစားတတ်သော သူ၏ ရိုးသားမှုကို ကျွန်မက မြတ်နိုးခဲ့မိခြင်းသာဖြစ်သည်။
သို့ပေမယ့် သူတန်ဖိုးထားခဲ့သည့် မိန်းမတစ်ယောက်၏ အချစ်ကိုတော့ သူစွန့်လွှတ်ခဲ့ရသည်လေ။
သူနှင့်ကျွန်မ အချစ်အကြောင်းဆွေးနွေးကြလျှင်
တောက်ပ၀င်းလက်နေသော သူ့မျက်လုံးတွေကို ကျွန်မဘယ်တော့မှ မမေ့နိုင်ခဲ့။ "ကျွန်တော့်အကြောင်းကို
အစ်မ၀တ္ထုရေးချင်နေတာလား။ ခုမရေးပါနဲ့ဦး။ ခုရေးရင် ပြည့်စုံမှာမဟုတ်သေးဘူးအစ်မရဲ့"
ဟု ပြောခဲ့ဖူးတာကို ပို၍သတိရမိ၏။
"အစ်မက အချစ်ကိုလည်း နက်နက်ရှိုင်းရှိုင်းမခံစားဖူးဘဲနဲ့
အချစ်ဝတ္ထုရေးချင်ရသေးတယ်။ အစ်မ ဘ၀သရုပ်ဖော်ရေးတာပဲ ကျွန်တော်ကြိုက်တယ်" ဟုလည်း
ကျွန်မကို ဝေဖန်ချက်ပေးခဲ့ဖူးသည်။
တစ်နေ့သောအခါကတော့ ကျွန်မ၀တ္ထုတိုတစ်ပုဒ်ပါသည့်
မဂ္ဂဇင်းတစ်အုပ်ကို ကျွန်မအတွက် သူလက်ဆောင်ပေးခဲ့သည်။ ကျွန်မ၀တ္ထုပါသည့် ထိုစာအုပ်ကျွန်မတွင်မရှိတော့ကြောင်း
ပြောပြမိသဖြင့် သူသိမ်းထားသည့်စာအုပ်ကို ယူလာပေးခြင်းဖြစ်သည်။
ထိုစာအုပ်သည်သူက ကျွန်မကိုပေးခဲ့ဖူးသည့်
တစ်ခုတည်းသောလက်ဆောင်ဖြစ်လေသည်။ လွန်ခဲ့သည့်ဆယ်နှစ်ကျော်ကာလတ်ခုက စာအုပ်ဖြစ်သဖြင့်
ကျွန်မအတွက်အလွန်တရာ အလေးအမြတ်ထားလက်ခံယူမိသည့် လက်ဆောင်စာအုပ်ဖြစ်ခဲ့သည်။
ထိုစာအုပ်ပါဝတ္ထုကို သူအလွန်ကြိုက်သဖြင့်
ဝယ်ထားသည်ဆိုခြင်းကြောင့်လည်း ကျွန်မပို၍ ကျေနပ်ခဲ့ရသည်။ ခုတော့ထိုစာအုပ်လေးသည် ကျွန်မထံပါး၌
သူနှင့်ပတ်သက်သော အမှတ်တရအဖြစ်ဆုံးပစ္စည်းတစ်ခုအဖြစ် သူပြောခဲ့ဖူးသည့် စကားလုံးများနှင့်အတူ
ကျန်ရစ်ခဲ့လေပြီ။
"အစ်မကအချစ်ကို ဘယ်လောက်နက်နက်ရှိုင်းရှိုင်းကိုးကွယ်ခံစားတတ်သလဲဆိုတာတော့
ကျွန်တော်မသိနိုင်ပါဘူး။ မိန်းမတွေရဲ့စိတ်ကိုလည်း ကျွန်တော်သိပ်တော့ နားမလည်နိုင်ဘူးထင်ပါတယ်။
ဒါပေမဲ့ ကျွန်တော်ချစ်ရတဲ့ မိန်းမတစ်ယောက်ကတော့ အချစ်ထက်အိမ်ထောင်ရေးကို ပိုမြတ်နိုးတယ်လို့ထင်တယ်။
အချစ်အကြောင်းကို သူနဲ့ကျွန်တော်က အစ်မနဲ့ဆွေးနွေးသလောက်တောင် မဆွေးနွေးခဲ့ဖူးဘူး။
ဘာပဲဖြစ်ဖြစ် ကျွန်တော်ကတော့ သူ့ကိုချစ်နေမှာပါပဲ။ သူ့ကို ကျွန်တော်စိတ်လည်းမနာနိုင်ပါဘူး။
ကျွန်တော့်ဘ၀ထဲ သူရှိမနေနိုင်တော့ဘူးဆိုတဲ့ ခံစားမှုကသာ ကျွန်တော့ကို နာကျင်စေတာ။ ဘ၀ဆိုတာက
အိပ်မက်ပျောက်သွားရင် ရေမရှိတော့ဘဲ နှစ်ပေါင်းများစွာ သွေ့ခြောက်နေတဲ့ ရေအိုင်တစ်အိုင်နဲ့တူတယ်နော်အစ်မ။
ဒါပေမဲ့လည်း ကျွန်တော်ကတော့ ရွေးချယ်ခွင့်မရှိတဲ့ဘ၀မှာ ဘာကိုမှ မကြောက်တော့ပါဘူး"။
ယခုတော့ သွေ့ခြောက်နေသော ထိုရေအိုင်လေးတစ်အိုင်
ဤကမ္ဘာမြေပြင်ပေါ်ကပင် အပြီးတိုင်ကွယ်ပျောက်သွားခဲ့လေပြီ။ သို့ပေမယ့် သူနှင့်ပတ်သက်သမျှ
တစ်စုံတစ်ရာကိုကြားမိလျှင်၊ မြင်မိလျှင် ကျွန်မသူ့ကို ယနေ့တိုင်သတိရနေမိစဲ။ ဘ၀ကိုလွယ်လွယ်အရှုံးမပေးနဲ့ဟူသော
စကားမျိုးကိုကြားရလျှင်ပင် ဘ၀ကို ခက်ခက်ခဲခဲအရှုံးပေးသွားရသည့် လူငယ်လေးတစ်ယောက်ကို
မှတ်မှတ်ထင်ထင် လွမ်းဆွတ်သွားမိမြဲ။ ကြာတော့ဖြင့်ကြာခဲ့ပေပြီ။ လွန်ခဲ့သည့်လေးနှစ်ကျော်ကာလတစ်ခုက
သူဆုံးပါးသွားခဲ့ပြီဖြစ်သည်။
မေတ္တာဖြင့်
ယုဒါ
မှ
- တစ်ဆယ့်လေးဖေဖေါ်ဝါရီ ၀တ္ထုတိုပေါင်းချုပ်
12-8-2016 (8:25 PM)
No comments:
Post a Comment
အားပေးမှုအတွက် ကျေးဇူးတင်ပါသည်...
မေတ္တာဖြင့်...
ယုဒါ